Home Blog Page 693

ഇ ശ്രീധരന്റെ പുതിയ പദ്ധതിയിൽ എതിർപ്പുമായി കെ റെയിൽ വിരുദ്ധ സമരസമിതി

തിരുവനന്തപുരം.ഇ ശ്രീധരന്റെ പുതിയ പദ്ധതിയിൽ എതിർപ്പുമായി കെ റെയിൽ വിരുദ്ധ സമരസമിതി.പദ്ധതിയെ എതിർക്കുമെന്ന് സമരസമിതി കൺവീനർ എസ് രാജീവൻ. പാരിസ്ഥിതിക ആഘാത പഠനം നടത്താതെ പദ്ധതിയുമായി മുന്നോട്ടുപോകരുത്.കേരളത്തിലെ സാഹചര്യത്തിൽ നിലവിലുള്ള പാത ഇരട്ടിപ്പിച്ചാൽ മതി

ബ്രോഡ്ഗേജ് സംവിധാനത്തിൽ നിന്ന് സ്റ്റാൻഡേർഡ് ഗേജിലേക്കോ സ്റ്റാൻഡേർഡ് എലോണിലേക്കോ പോകേണ്ടതില്ല.കേരളത്തിൽ 100 കിലോമീറ്റർ വേഗത്തിൽ ഓടാൻ കഴിയുമെന്ന് വന്ദേ ഭാരത് തെളിയിച്ചിട്ടുണ്ട്.മുഖ്യമന്ത്രിയുടെ ശ്രദ്ധയിൽ അടക്കം കാര്യങ്ങൾ പെടുത്തും

മുഖ്യമന്ത്രി ചർച്ചയ്ക്ക് തയ്യാറായാൽ ഞങ്ങൾ അദ്ദേഹത്തെ കാണും.സിൽവർ ലൈനിൽ കണ്ടതുപോലെയുള്ള സമരം വീണ്ടും ഇനി കാണേണ്ടിവരും.

നെടുമങ്ങാട് ഒന്നരവയസ്സുകാരന്‍ മരിച്ച സംഭവത്തില്‍ രണ്ടാനച്ഛനെയും അമ്മയേയും പൊലീസ് കസ്റ്റഡിയിലെടുത്തു

പെൺകുട്ടികളുടെ ആർത്തവ അവധി അഭിമാനത്തെ ബാധിക്കും,ആര്‍ ശ്രീലേഖ

തിരുവനന്തപുരം.വിദ്യാർത്ഥിനികൾക്ക് 3 ദിവസത്തെ ആർത്തവ അവധിക്ക് എതിരെ ആർ ശ്രീലേഖ. പെൺകുട്ടികളുടെ ആർത്തവ അവധി അഭിമാനത്തെ ബാധിക്കും. അവധിക്ക് പകരം പെൺകുട്ടികൾക്ക് വൃത്തിയുള്ള ശൗചാലയങ്ങളും അടിസ്ഥാന സൗകര്യങ്ങളും ഉറപ്പാക്കണം എന്ന് ഫേസ്ബുക്ക്‌ പോസ്റ്റ്‌

എഡിഎം നവീൻ ബാബുവിൻ്റെ മരണവുമായി ബന്ധപ്പെട്ട തുടരന്വേഷണ റിപ്പോർട്ടിൽ 13 സാക്ഷികളെ കൂടി ഉൾപ്പെടുത്തി

എഡിഎം നവീൻ ബാബുവിൻ്റെ മരണവുമായി ബന്ധപ്പെട്ട തുടരന്വേഷണ റിപ്പോർട്ടിൽ 13 സാക്ഷികളെ കൂടി ഉൾപ്പെടുത്തി

കണ്ണൂര്‍.എഡിഎം നവീൻ ബാബുവിൻ്റെ മരണവുമായി ബന്ധപ്പെട്ട തുടരന്വേഷണ റിപ്പോർട്ടിൽ 13 സാക്ഷികളെ കൂടി ഉൾപ്പെടുത്തി.
തലശ്ശേരി അഡീ സെഷൻസ് കോടതിയിൽ സമർപ്പിച്ച റിപ്പോർട്ടിലാണ് കൂടുതൽ സാക്ഷികളെ അന്വേഷണ സംഘം കൂട്ടിചേർത്തിരിക്കുന്നത്…
സിസിടിവി ദൃശ്യങ്ങളുടെ ശാസ്ത്രീയ പരിശോധന നടത്തണമെന്ന് പ്രോസിക്യൂഷൻ ആവശ്യപ്പെട്ടു.. പി പി ദിവ്യയുടെ മൊബൈൽ നമ്പറുകളുടെ CDR പൂർണമായും ലഭ്യമല്ലെന്നുമാണ് പോലീസ് സമർപ്പിച്ച റിപ്പോർട്ട്.

നവീൻ ബാബുവിൻ്റെ ഭാര്യ മഞ്ജുഷ നൽകിയ ഹർജി പ്രകാരം നടത്തിയ തുടരന്വേഷണത്തിലാണ് പ്രത്യേക അന്വേഷണ സംഘം 13 സാക്ഷികളെ കൂടി കേസിൽ ചേർത്തത്. ഇതോടെ കേസിൽ 115 സാക്ഷികളായി.. പ്രതിയായ ജില്ലാ പഞ്ചായത്ത് മുൻ പ്രസിഡൻ്റ് പി.പി. ദിവ്യയുടെ ഫോൺ വിളിയുടെ വിശദാംശങ്ങൾ, പെട്രോൾ പമ്പ് അപേക്ഷൻ ടി.വി. പ്രശാന്ത് കൊയ്യം സർവീസ് സഹകരണ ബാങ്കിൽ സ്വർണം പണയപ്പെടുത്തിയതിൻ്റെ രേഖകൾ, നവീൻ ബാബുവിൻ്റെ ക്വാർട്ടേഴ്‌സിന് സമീപത്തെ സിസിടിവി ദൃശ്യങ്ങളുടെ പൂർണ രൂപമടക്കം തലശേരി അഡീ. സെഷൻസ് കോടതിയിൽ സമർപ്പിച്ച തുടരന്വേഷണറിപ്പോർട്ടിലുണ്ട്.. 2024 ജനുവരി 16 മുതൽ നവംബർ 15 വരെയുള്ള പി പി ദിവ്യയുടെ രണ്ട് മൊബൈൽ നമ്പറിൻ്റെ സി ഡി ആർ കോടതി ആവശ്യപ്പെട്ടിരുന്നു. എന്നാൽ ഇതിൽ ആദ്യ രണ്ടര മാസം കഴിഞ്ഞുള്ള വിശദാംശങ്ങൾ മാത്രമാണ് ബി.എസ് എൻ എല്ലിൽ നിന്ന് അന്വേഷണ സംഘത്തിന് ലഭിച്ചത്..പൂർണമായ CDR ലഭിക്കുന്നതിലെ സാങ്കേതിക തടസ്സം അന്വേഷണ സംഘം കോടതിയെ അറിയിച്ചു.

കേസ് സർക്കാർ സിബിഐക്ക് വിട്ടേക്കുമെന്ന സൂചനകൾക്കിടെ ആണ് പ്രത്യേക അന്വേഷണ സംഘം തുടരന്വേഷണം പൂർത്തിയാക്കി റിപ്പോർട്ട് സമർപ്പിച്ചിരിക്കുന്നത്..
2024 ഒക്ടോബർ 15 നു പുലർച്ചെയാണ് നവീൻ ബാബുവിനെ കണ്ണൂർ പള്ളിക്കുന്നിലെ കോർട്ടേഴ്‌സിൽ തൂങ്ങി മരിച്ച നിലയിൽ കണ്ടെത്തിയത് .

എഞ്ചിനീയറിങ് കോളജില്‍ ആനുവല്‍ ഡേ ആഘോഷത്തിനിടെ ആക്രമണം,വിദ്യാര്‍ഥിയുടെ ഒരു കണ്ണിന്റെ കാഴ്ച നഷ്ടപ്പെട്ടു

തിരുവനന്തപുരം: എഞ്ചിനീയറിങ് കോളജില്‍ ആനുവല്‍ ഡേ ആഘോഷത്തിനിടെ മദ്യപസംഘത്തിന്റെ ആക്രമണത്തില്‍ വിദ്യാര്‍ഥിയുടെ ഒരു കണ്ണിന്റെ കാഴ്ച നഷ്ടപ്പെട്ടു. വെഞ്ഞാറമൂട് എംഎ എഞ്ചിനീയറിങ് കോളജിലാണ് കഴിഞ്ഞ ഞായറാഴ്ച ക്രൂരമായ ആക്രമണമുണ്ടായത്. കോളജിലെ വിദ്യാര്‍ഥിയും ചെങ്കോട്ടുകോണം സ്വദേശിയുമായ അല്‍ അമീനാണ് (20) മര്‍ദനമേറ്റത്. ആക്രമണത്തില്‍ അല്‍ അമീന്റെ ഇടതു കണ്ണിന്റെ റെറ്റിന തകര്‍ന്നു

കഴിഞ്ഞ ഞായറാഴ്ച കോളജ് വാര്‍ഷികാഘോഷ പരിപാടിക്കിടെ പുറത്തുനിന്നെത്തിയ മദ്യപസംഘം വിദ്യാര്‍ഥികളുമായി തര്‍ക്കത്തില്‍ ഏര്‍പ്പെട്ടു. തുടര്‍ന്ന് മദ്യപസംഘം വിദ്യാര്‍ഥികളെ മര്‍ദിച്ചത്. കൂര്‍ത്ത വള ഉപയോഗിച്ച് വിദ്യാര്‍ഥിയുടെ മുഖത്ത് ഇടിക്കുന്ന ദൃശ്യങ്ങള്‍ പുറത്തുവന്നിട്ടുണ്ട്. ഇടതു കണ്ണിനു ഗുരുതരമായി പരിക്കേറ്റ അല്‍ അമീനെ കൂട്ടുകാര്‍ ചേര്‍ന്നാണ് ആശുപത്രിയില്‍ എത്തിച്ചത്. തുടര്‍ന്ന് ശസ്ത്രക്രിയ നടത്തി.

സംഭവത്തില്‍ ദൃശ്യങ്ങള്‍ ഉള്‍പ്പെടെ ലഭിച്ചിട്ടും ഇതുവരെ പ്രതികളെ പൊലീസ് പിടികൂടിയില്ലെന്ന ആക്ഷേപം ഉയര്‍ന്നിട്ടുണ്ട്. ശിവജിത്ത്, നിതിന്‍, കാശിനാഥ്, കണ്ടാല്‍ അറിയാവുന്ന നാലു പേര്‍ എന്നിവര്‍ക്കെതിരെയാണ് കേസെടുത്തിരിക്കുന്നത്.

പുനലൂരില്‍ വവ്വാലുകൾ കൂട്ടത്തോടെ ചത്തു; അന്വേഷണം നടത്തി വൈറോളജി വിഭാഗം

നെടുമങ്ങാട് ഒന്നരവയസ്സുകാരന്‍ മരിച്ച സംഭവത്തില്‍ രണ്ടാനച്ഛനെയും അമ്മയേയും പൊലീസ് കസ്റ്റഡിയിലെടുത്തു

തിരുവനന്തപുരം: നെടുമങ്ങാട് ഒന്നരവയസ്സുകാരന്‍ മരിച്ച സംഭവത്തില്‍ രണ്ടാനച്ഛനെയും അമ്മയേയും പൊലീസ് കസ്റ്റഡിയിലെടുത്തു. അഷ്‌കറിനെയും പങ്കാളി അഖിലയേയുമാണ് പൊലീസ് കസ്റ്റഡിയിലെടുത്തത്. കുട്ടിയെ ഇയാള്‍ ക്രൂരമായി മര്‍ദിച്ചെന്നും മര്‍ദ്ദനത്തിലാണ് കുട്ടിമരിച്ചതെന്നും പൊലീസ് പറഞ്ഞു.കുട്ടി മരിച്ച സംഭവത്തിന് പിന്നാലെ അമ്മയ്ക്കും രണ്ടാനച്ഛനുമെതിരെ എതിരെ പരാതിയുമായി ബന്ധുകള്‍ രംഗത്ത് എത്തിയിരുന്നു. കരിക്കുഴിയില്‍ വാടകയ്ക്ക് താമസിക്കുന്ന അഖിലയുടെ മകന്‍ അര്‍ഷിദ് ആണ് കഴിഞ്ഞ ദിവസം മരിച്ചത്. രണ്ടാനച്ഛന്‍ കുട്ടിയെ സ്ഥിരമായി മര്‍ദിക്കാറുണ്ടെന്നും അമ്മ കുഞ്ഞിനെ ശ്രദ്ധിക്കാറില്ലെന്നും പരാതിയില്‍ പറയുന്നു.

രണ്ടാനച്ഛന്‍ അഷ്‌കര്‍ ചോറ് കൊടുക്കുന്നതിനിടയില്‍ കുഞ്ഞ് ഛര്‍ദിച്ചിരുന്നു. എസ്എടി ആശുപത്രിയില്‍ എത്തിച്ചെങ്കിലും മരണം സംഭവിച്ചു ഇങ്ങനെയാണ് ആദ്യം പുറത്തറിഞ്ഞത്. സംഭവം നടക്കുമ്പോള്‍ മാതാവ് അഖില തമിഴ്നാട്ടില്‍ നൃത്തപരിപാടിക്ക് പോയിരിക്കുകയായിരുന്നു. പിന്നീട് കുട്ടിയുടെ ദേഹത്തെ പരിക്കുകള്‍ ഡോക്ടര്‍മാര്‍ ശ്രദ്ധിക്കുകയും പൊലീസിലോര്‍ട്ടു ചെയ്യുകയും ചെയ്തു. പിന്നീട് പോസ്റ്റ് മോര്‍ട്ടം നടത്തിയപ്പോള്‍ആന്തരികാവയവങ്ങളില്‍ രക്തസ്രാവം കണ്ടെത്തി.

കുഞ്ഞിനെ രണ്ടാനച്ഛന്‍ സ്ഥിരം മര്‍ദിക്കാറുണ്ടെന്നാണ് ബന്ധുക്കളുടെ ആരോപണം. ഒരു മാസം മുമ്പ് ഇയാള്‍ കുട്ടിയുടെ കൈ ഒടിച്ചതായും കുടുംബത്തിന്റെ പരാതിയിലുണ്ട്. കുട്ടിയുടെ അമ്മയുടെ അമ്മയും കുട്ടിയുടെ അച്ഛന്റെ അച്ഛനും ചേര്‍ന്നാണ് പരാതി നല്‍കിയിരിക്കുന്നത്. ദിവസങ്ങള്‍ക്ക് മുന്‍പ് കുട്ടിയുടെ ശരീരത്തില്‍ മര്‍ദനമേറ്റ പാടുകള്‍ ഉണ്ടെന്ന് റിപ്പോര്‍ട്ടിലുണ്ട്.

അപൂര്‍വമായ കേസ്; ഇഡി ഉദ്യോഗസ്ഥരെ ആക്രമിച്ച കേസില്‍ 5 പ്രതികള്‍ക്ക് ജാമ്യമില്ല

അപൂര്‍വമായ കേസ്; ഇഡി ഉദ്യോഗസ്ഥരെ ആക്രമിച്ച കേസില്‍ 5 പ്രതികള്‍ക്ക് ജാമ്യമില്ല

തിരുവനന്തപുരം: പിണറായി വിജയന്റെ വീട്ടില്‍ റെയ്ഡ് കഴിഞ്ഞ് മടങ്ങിയ ഇഡി ഉദ്യോഗസ്ഥരെ ആക്രമിച്ച കേസില്‍ 5 പ്രതികള്‍ക്ക് ജാമ്യമില്ല. കേസില്‍ ആദ്യം അറസ്റ്റിലായ 5 പ്രതികളുടെ ജാമ്യ ഹര്‍ജിയാണ് തിരുവനന്തപുരം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി (3) തള്ളിയത്.

Also Read:

സെമിയില്‍ പരാജയം, വിനേഷ് ഫോഗട്ടിന് ഏഷ്യന്‍ഗെയിംസില്‍ പങ്കെടുക്കാനാവില്ല


അപൂര്‍വ കേസ് എന്നാണ് കോടതി നിരീക്ഷിച്ചത്. ആക്രമണം മാധ്യമങ്ങളിലൂടെ ജനങ്ങളെല്ലാം കണ്ടതാണെന്നും കോടതി വ്യക്തമാക്കി. പൊതു മുതല്‍ നശിപ്പിച്ചില്ലെന്ന വാദം നിലനില്‍ക്കില്ല. ആക്രമണം പ്രകോപനമില്ലാതെയാണെന്നും കോടതി നിരീക്ഷിച്ചു.
ജാമ്യാപേക്ഷയില്‍ കഴിഞ്ഞ ദിവസം കോടതി വിശദമായ വാദം കേട്ടിരുന്നു. സംഭവം നടക്കുമ്പോള്‍ ഇഡി ഉദ്യോ?ഗസ്ഥര്‍ ഡ്യൂട്ടിയില്‍ ആയിരുന്നില്ല എന്നാണ് പ്രതിഭാഗം പ്രധാനമായി വാദിച്ചത്. ഇഡിയുടെ ഔദ്യോഗിക വാഹനമല്ല അതിനാല്‍ പൊതുമുതല്‍ നശിപ്പിച്ചെന്ന കുറ്റം നിലനില്‍ക്കില്ലെന്നും പ്രതിഭാഗം വാദിച്ചിരുന്നു.
സിപിഎം പ്രവര്‍ത്തകരായ ശ്രീജിത്ത്, ജിതിന്‍രാജ്, മനോജ്, ജീവന്‍, ഷാഹിന്‍ എന്നിവരാണ് കേസില്‍ ആദ്യ ദിവസം അറസ്റ്റിലായത്. ഇവരുള്‍പ്പെടെ 25 സിപിഎം പ്രവര്‍ത്തകര്‍ ഇതുവരെ അറസ്റ്റിലായിട്ടുണ്ട്. മൂന്ന് പേര്‍ നിലവില്‍ കസ്റ്റഡിയിലുള്ളതായും സൂചനയുണ്ട്.
സംഭവത്തില്‍ കണ്ടാലറിയുന്ന 300 പേര്‍ക്കെതിരെയാണ് പൊലീസ് കേസെടുത്തിരിക്കുന്നത്. ഇതില്‍ 200 പേരെയെങ്കിലും അറസ്റ്റ് ചെയ്യാനാണ് പൊലീസ് നീക്കമെന്നും സൂചനകളുണ്ട്. അറസ്റ്റ് ഭയന്ന് പലരും ഒളിവിലാണ്.

സെമിയില്‍ പരാജയം, വിനേഷ് ഫോഗട്ടിന് ഏഷ്യന്‍ഗെയിംസില്‍ പങ്കെടുക്കാനാവില്ല

ന്യൂഡല്‍ഹി: ഏഷ്യന്‍ ഗെയിംസ് ഗുസ്തി യോഗ്യതാ ട്രയല്‍സിലെ വനിതകളുടെ 53 കിലോഗ്രാം വിഭാഗം സെമിഫൈനലില്‍ പ്രമുഖ താരം വിനേഷ് ഫോഗട്ട് പരാജയപ്പെട്ടു. ആവേശകരമായ പോരാട്ടത്തില്‍ മീനാക്ഷി ഗോയാതിനോട് 6-4 എന്ന സ്‌കോറിനാണ് താരം പരാജയം വഴങ്ങിയത്. സുപ്രീം കോടതിയുടെയും ഹൈക്കോടതിയുടെയും പ്രത്യേക അനുമതിയോടെ ട്രയല്‍സിലെത്തിയ വിനേഷ്, ആദ്യ റൗണ്ടില്‍ ഹരിയാന സ്വദേശി ജ്യോതിയെ 7-1 എന്ന നിലയിലും രണ്ടാം റൗണ്ടില്‍ നിഷുവിനെ 7-6 എന്ന സ്‌കോറിനും പരാജയപ്പെടുത്തിയാണ് സെമി ഫൈനലില്‍ പ്രവേശിച്ചത്. എന്നാല്‍ സെമിയിലെ ശക്തമായ പോരാട്ടത്തിനൊടുവില്‍ താരം ടൂര്‍ണമെന്റില്‍ നിന്ന് പുറത്താകുകയായിരുന്നു.
റെസ്ലിംഗ് ഫെഡറേഷന്‍ ഓഫ് ഇന്ത്യയുടെ കടുത്ത എതിര്‍പ്പുകള്‍ മറികടന്നാണ് വിനേഷ് ഈ ഏഷ്യന്‍ ഗെയിംസ് സെലക്ഷന്‍ ട്രയല്‍സില്‍ മത്സരിക്കാനെത്തിയത്. താരത്തിന് മത്സരാനുമതി നല്‍കിയ ഡല്‍ഹി ഹൈക്കോടതി ഉത്തരവിനെതിരെ ഗുസ്തി ഫെഡറേഷന്‍ സുപ്രീം കോടതിയെ സമീപിച്ചതോടെ വലിയ നിയമതര്‍ക്കങ്ങളും അനിശ്ചിതത്വങ്ങളുമാണ് നിലനിന്നിരുന്നത്. ഒടുവില്‍ ഫെഡറേഷന്റെ തടസ്സവാദങ്ങളെ നിയമപരമായിത്തന്നെ മറികടന്നാണ് വിനേഷ് 53 കിലോഗ്രാം വിഭാഗം ട്രയല്‍സില്‍ പങ്കെടുക്കാനുള്ള യോഗ്യത നേടിയെടുത്തത്.
നിയമപോരാട്ടം ജയിച്ചെങ്കിലും മത്സരവേദിയിലും വിനേഷിന് കടുത്ത പ്രതിസന്ധികള്‍ നേരിടേണ്ടി വന്നു. ശനിയാഴ്ച രാവിലെ 6.30ന് തന്നെ താരം മത്സരവേദിയായ ഇന്ദിരാഗാന്ധി സ്റ്റേഡിയത്തില്‍ എത്തിയെങ്കിലും, തൂക്കം നോക്കുന്ന വെയ്റ്റ്-ഇന്‍ നടപടികള്‍ക്കായി രാവിലെ 8.20 വരെ കാത്തിരിക്കേണ്ടി വന്നത് വലിയ വര്‍ത്തയായിരുന്നു. വിനേഷ് ഫോഗട്ടിന്റെ മത്സരങ്ങള്‍ സമയത്തിന് ആരംഭിക്കാതിരുന്നതും വലിയ തോതില്‍ അധികൃതര്‍ മനഃപൂര്‍വ്വം വൈകിപ്പിക്കുകയാണെന്ന ആരോപണങ്ങള്‍ക്ക് കാരണമായി.

കരളിന്റെ ആരോഗ്യം സ്വാഭാവികമായി കൂട്ടുന്നതിന് നിർബന്ധമായും കഴിക്കേണ്ട 5 വേരുള്ള പച്ചക്കറികൾ

ശരീരത്തിലെ കഠിനമായ പ്രവർത്തനങ്ങളെല്ലാം ചെയ്യുന്നത് കരളാണ്. അതിനാൽ കരളിന്റെ ആരോഗ്യവും ശരിയായ രീതിയിൽ കാക്കേണ്ടതുണ്ട്. കരളിന്റെ ആരോഗ്യം മെച്ചപ്പെടുത്തുന്നതിന് വേരുള്ള ഈ പച്ചക്കറികൾ കഴിക്കൂ.

ഇഞ്ചി

നല്ല ദഹനം ലഭിക്കാനും രോഗപ്രതിരോധ ശേഷി കൂട്ടാനുമെല്ലാം ഇഞ്ചി കഴിക്കുന്നത് ഗുണകരമാണ്. ഇത് കഴിക്കുന്നത് കരളിന്റെ പ്രവർത്തനങ്ങളെ പിന്തുണയ്ക്കും.

ബീറ്റ്റൂട്ട്

കരളിന്റെ ആരോഗ്യം മെച്ചപ്പെടുത്തുന്നതിന് ബീറ്റ്റൂട്ട് കഴിക്കുന്നത് നല്ലതാണ്. ഇതിൽ ആന്റിഓക്സിഡന്റ് ഗുണങ്ങളും ഫൈബറും അടങ്ങിയിട്ടുണ്ട്. കൂടാതെ ഓക്സിഡേറ്റീവ് സ്‌ട്രെസ് കുറയ്ക്കാനും സഹായിക്കും.

ക്യാരറ്റ്

ക്യാരറ്റിൽ ബീറ്റ കരോട്ടീനും ഫൈബറും അടങ്ങിയിട്ടുണ്ട്. ഇത് നല്ല ദഹനം ലഭിക്കാനും കരളിന്റെ ആരോഗ്യം മെച്ചപ്പെടുത്താനും സഹായിക്കും.

റാഡിഷ്

റാഡിഷിൽ ധാരാളം ജലാംശവും ഫൈബറും അടങ്ങിയിട്ടുണ്ട്. ഇത് കുടലിന്റെ പ്രവർത്തനങ്ങളെ പിന്തുണയ്ക്കുകയും കരളിന്റെ ആരോഗ്യം മെച്ചപ്പെടുത്തുകയും ചെയ്യും.

മധുരക്കിഴങ്ങ്

മധുരക്കിഴങ്ങിൽ ഫൈബർ, പൊട്ടാസ്യം, ആന്റിഓക്സിഡന്റ് ഗുണങ്ങൾ എന്നിവ അടങ്ങിയിട്ടുണ്ട്. ഇത് കരളിന്റെ ആരോഗ്യം മെച്ചപ്പെടുത്താൻ സഹായിക്കും.

`വിജയ് എന്ന് വിളിക്കരുത്, സിഎം എന്ന് പറയണം’; മാധ്യമപ്രവർത്തകർക്ക് നിർദേശവുമായി തമിഴ്നാട് ഡെപ്യൂട്ടി സ്പീക്കർ

ചെന്നൈ: തമിഴ്നാട് മുഖ്യമന്ത്രി ജോസഫ് വിജയ്‍യെ ഇനിമുതൽ സിഎം എന്ന് വിളിക്കണമെന്ന് തമിഴ്നാട് ഡെപ്യൂട്ടി സ്പീക്കർ. മാധ്യമപ്രവർത്തകർക്കാണ് നിർദേശം നൽകിയത്.

Also Read:‘നഷ്ടമായത് ജീവിതകാലം അധ്വാനിച്ച പണം, ഇബ്രാഹിം ഹാജിയുടെ മരണത്തിൽ കൊലക്കുറ്റം ചുമത്തണം’; വീട് സന്ദർശിച്ച് എം.വി. ​ഗോവിന്ദൻ

വിജയ് എന്ന് പറയരുത് എന്നും സിഎം എന്ന് വിളിക്കണമെന്നും എം രവിശങ്കർ മാധ്യമങ്ങളോട് പറഞ്ഞു. തിരുച്ചിറപ്പള്ളിയിലെ വാർത്താസമ്മേളനത്തിൽ ചോദ്യങ്ങൾ ഉന്നയിച്ച മാധ്യമപ്രവർത്തകർക്കാണ് നിർദേശം നൽകിയത്.

തിരുവനന്തപുരം പൂവച്ചല്‍ പേഴുമട്ടില്‍ തെരുവുനായയുടെ ആക്രമണം; 61-കാരിയായ വീട്ടമ്മയുടെ ഇടതു കൈവിരല്‍ നായ കടിച്ചെടുത്തു

തിരുവനന്തപുരം : കാട്ടാക്കട പൂവച്ചല്‍ പേഴുമട്ടില്‍ തെരുവുനായയുടെ ആക്രമണം. നായയുടെ ആക്രമണത്തില്‍ 61-കാരിയായ ഓമന എന്ന വീട്ടമ്മയുടെ ഇടതു കൈവിരല്‍ നായ കടിച്ചെടുത്തു.

ഓമനയെ കൂടാതെ പ്രദേശവാസികളായ മറ്റ് മൂന്ന് പേർക്ക് കൂടി നായയുടെ കടിയേറ്റിട്ടുണ്ട്. ഓമനയുടെ ഭർത്താവ് ശ്രീകണ്ഠൻ (67), സമീപവാസികളായ ഷാമില ബീവി (51), ഇവരുടെ ഭർത്താവ് മാഹിൻ കണ്ണ് (56) എന്നിവർക്കാണ് പരിക്കേറ്റത്. ആക്രമണത്തിന് പിന്നാലെ ഭീതി പരത്തിയ ഈ നായയെ പിന്നീട് പ്രദേശത്ത് ചത്ത നിലയില്‍ കണ്ടെത്തുകയായിരുന്നു.

നായയ്ക്ക് പേവിഷബാധയുണ്ടോ എന്ന് സ്ഥിരീകരിക്കുന്നതിനായി അധികൃതർ ഇതിന്റെ സാമ്പിളുകള്‍ വിശദമായ പരിശോധനയ്ക്കായി ലാബിലേക്ക് അയച്ചിട്ടുണ്ട്. പേഴുമട്ടിലും പരിസര പ്രദേശങ്ങളിലും തെരുവുനായ ശല്യം വല്ലാതെ രൂക്ഷമാണെന്നാണ് നാട്ടുകാർ പറയുന്നത്. കഴിഞ്ഞ കുറച്ചു ദിവസങ്ങള്‍ക്കുള്ളില്‍ തന്നെ ഈ പ്രദേശത്ത് പന്ത്രണ്ടോളം പേർക്കാണ് തെരുവുനായ്ക്കളുടെ കടിയേറ്റത്.

1...692693694...1,606Page 693 of 1,606