പെരുമ്പാവൂര്‍. അക്രമാന്തരീക്ഷം സൃഷ്‌ടിച്ച് ഇതര സംസ്ഥാന തൊഴിലാളി. ഇരുമ്പ് ദണ്ട് ഉപയോഗിച്ച് വാഹനത്തിൻ്റെ ചില്ലു തകർത്തു. സ്വയം തലയും അടിച്ചു പൊട്ടിച്ചു. പരിക്കേറ്റ ഇയാളെ പൊലീസ് എത്തി താലൂക്ക് ആശുപത്രിയിൽ പ്രവേശിപ്പിച്ചു

അമിതമായി ലഹരി ഉപയോഗിച്ചതാണ് ആക്രമണത്തിന് കാരണം എന്നാണ് പ്രാഥമിക നിഗമനം

തിരഞ്ഞെടുപ്പ് തിരിച്ചടിയുടെ പശ്ചാത്തലത്തില്‍ ജനങ്ങളുടെ അഭിപ്രായംകൂടി കേട്ടുള്ള തിരുത്തല്‍ നടപടിക്ക് തുടക്കമിടാന്‍ സി.പി.എം. പരസ്യമായ സ്വയംവിമര്‍ശനവുമായിട്ടാണ് സിപിഎം രംഗത്ത് എത്തിയിരിക്കുന്നത്. പരാജയം മുന്‍കൂട്ടിയറിയാന്‍ സംസ്ഥാന കമ്മിറ്റിക്ക് കഴിഞ്ഞില്ലെന്ന് സംസ്ഥാന സെക്രട്ടറി എം.വി.ഗോവിന്ദന്‍ പറഞ്ഞു. ഏതെങ്കിലും ഒരുവിഭാഗത്തില്‍ നിന്നല്ല, എല്ലാ വിഭാഗങ്ങളുടെയും പിന്തുണ നഷ്ടമായി. തളിപ്പറമ്പ്, പയ്യന്നൂര്‍ മണ്ഡലങ്ങളിലെ സ്ഥാനാര്‍ഥി നിര്‍ണയത്തില്‍ വീഴ്ചപറ്റിയെന്ന് കണ്ണൂര്‍ ജില്ലാകമ്മിറ്റി വിലയിരുത്തി. പ്രാദേശിക ഘടകങ്ങളില്‍ നടത്തിയ വിലയിരുത്തല്‍ റിപ്പോര്‍ട്ട് സംസ്ഥാന സമിതി അംഗീകരിച്ചു. എല്ലാവിഭാഗം ജനങ്ങളുടെയും അഭിപ്രായം തേടും. വാട്‌സ് ആപിലൂടെയും ഇ മെയിലായും ജനങ്ങള്‍ക്ക് അഭിപ്രായം അറിയിക്കാം. അടിസ്ഥാന സ്വഭാവത്തില്‍ നിന്നുള്ള വ്യതിയാനം തിരുത്തലാണ് ലക്ഷ്യമെന്ന് സംസ്ഥാന സെക്രട്ടറി എം.വി.ഗോവിന്ദന്‍ പറഞ്ഞു. നിയമസഭാ തിരഞ്ഞെടുപ്പില്‍ ബി.ജെ.പി-യു.ഡി.എഫ് ഡീലുണ്ടായെന്ന ആരോപണം അദ്ദേഹം ആവര്‍ത്തിച്ചു. വെള്ളാപ്പള്ളി നടേശന്റെ മുസ്ലിംവിരുദ്ധ പ്രസ്താവനയെ സി.പി.എം നേരത്തെ തള്ളിക്കളഞ്ഞതാണെന്നും അദ്ദേഹം പറഞ്ഞു.

കാസര്‍കോട്: ചന്തേരയില്‍ മുടി വെട്ടാനെത്തിയ രണ്ടാം ക്ലാസുകാരനെ പീഡിപ്പിക്കാന്‍ ശ്രമിച്ച സംഭവത്തില്‍ ഇതര സംസ്ഥാനത്തൊഴിലാളി അറസ്റ്റില്‍. കഴിഞ്ഞ ഞായറാഴ്ച വൈകിട്ടാണ് സംഭവം. പിതാവിനൊപ്പമാണ് കുട്ടി കടയില്‍ മുടിമുറിക്കാനായി എത്തിയത്. കുട്ടിയെ ഇരുത്തിയ ശേഷം പിതാവ് സമീപത്തെ കടയിലേക്ക് പോയ സമയത്തായിരുന്നു അതിഥിത്തൊഴിലാളിയായ പതിനേഴുകാരന്‍ കുട്ടിയെ പീഡിപ്പിക്കാന്‍ ശ്രമിച്ചത്.

Also Read:

ഭയന്നുപോയ കുട്ടി നിലവിളിച്ച് ബഹളം വെച്ചതോടെ സമീപത്തുണ്ടായിരുന്നവര്‍ ഓടിക്കൂടുകയായിരുന്നു. തുടര്‍ന്ന് കുട്ടിയുടെ പിതാവും നാട്ടുകാരും ചേര്‍ന്ന് പ്രതിയെ തടഞ്ഞുവെക്കുകയും ചന്തേര പോലീസില്‍ വിവരമറിയിക്കുകയുമായിരുന്നു. സ്ഥലത്തെത്തിയ പൊലീസ് പ്രായപൂര്‍ത്തിയാകാത്ത പ്രതിയെ കസ്റ്റഡിയിലെടുത്തു.

ഇയാള്‍ക്കെതിരെ പോക്‌സോ നിയമപ്രകാരമാണ് കേസെടുത്തിരിക്കുന്നത്. സംഭവത്തിന് പിന്നാലെ ജനക്കൂട്ടം ബാര്‍ബര്‍ ഷോപ്പ് അടിച്ചുതകര്‍ത്തു. മാണിയാട്ട് മസ്ജിദിന് സമീപം പ്രവര്‍ത്തിക്കുന്ന കടയുടെ ബോര്‍ഡുകളും പൂട്ടും അക്രമികള്‍ തകര്‍ത്തിട്ടുണ്ട്. സംഭവവുമായി ബന്ധപ്പെട്ട് കണ്ടാലറിയാവുന്ന മൂന്ന് പേര്‍ക്കെതിരെ പൊലീസ് കേസെടുത്തു.