മൈനാഗപ്പള്ളി: മൈനാഗപ്പള്ളി മണ്ണൂർകാവ് ഭഗവതി ക്ഷേത്രത്തിലെ ഭാഗവത സപ്താഹയജ്ഞവും പുനഃപ്രതിഷ്ഠാവാർഷിക ഉത്സവവും വ്യാഴാഴ്ച തുടങ്ങും.
രാവിലെ 7 ന് ക്ഷേത്രം തന്ത്രി മുരിങ്ങൂർ മന നാരായണൻ നമ്പൂതിരി ഭദ്രദീപ പ്രതിഷ്ഠ നടത്തും.
പ്ലാപ്പിള്ളി മഠം പ്രദീപ് നാരായണൻ പാലായാണ് യ്ജ്ഞാചാ ര്യൻ.വരിഞ്ഞം ശുഭാംഗൻ, മൈനാഗപ്പള്ളി ജയകൃഷ്ണൻ,പ്ലാക്കാട് സത്യൻ എന്നിവരാണ് പൗരാണികർ. ശ്രീഹരി മൃത്യുഞ്ജയമാണ് യജ്ഞഹോതാവ്.

ഇന്ന് വരാഹവതാരം പാരായണം ചെയ്യും.
നാളെ നരസിംഹ അവതാരം,16 ന് ശ്രീകൃഷ്ണാവതാരം,ഉണ്ണിയൂട്ട്,17ന് ഗോവിന്ദ പട്ടാഭിഷേകം, 18 ന് രുഗ്മിണി സ്വയംവരം, സർവ്വൈശ്വര്യപൂജ, 20ന് കുചേലഗതി, നവഗ്രഹപൂജ എന്നിവയും നടക്കും. 21 ന് അപഭ്രഥ സ്നാനത്തോടെ യജ്ഞം സമാപിക്കും.
22 നാണ് പുനഃപ്രതിഷ്ഠാ ഉത്സവം.

ശാസ്താംകോട്ട : ശ്രീ ധർമ്മശാസ്താ ക്ഷേത്രത്തിലെ കലശപൂജയും സർപ്പ ബലിയും വ്യാഴാഴ്ച നടക്കും. ക്ഷേത്രം തന്ത്രിമാരായ കീഴ്താമരശ്ശേരി മഠം രമേശ് കുമാർ ഭട്ടതിരിയുടെയും മുടുപ്പിലാപള്ളി മഠം വാസുദേവേ ഭട്ടതിരി എന്നിവരുടെ കാർമ്മികത്വത്തിലാണ് ചടങ്ങ് കൾ നടക്കുന്നത്. രാവിലെ 8 ന് കലശം തുടങ്ങും. സർപ്പ ബലി വൈകിട്ട് 7 നും ആണ് നടക്കുന്നത്.

ശാസ്‌താംകോട്ട:വേനൽ മഴയ്ക്കൊപ്പം ആഞ്ഞു വീശിയ ശക്തമായ കാറ്റിൽ വീടുകൾ തകർന്നും മറ്റും നാശനഷ്‌ടം സംഭവിച്ചവർക്ക് നഷ്‌ടപരിഹാരം നൽകണമെന്ന് നിയുക്ത എംഎൽഎ ഉല്ലാസ് കോവൂർ ആവശ്യപ്പെട്ടു.കഴിഞ്ഞ ദിവസം പെയ്ത മഴയിൽ കുന്നത്തൂർ താലൂക്കിൽ നിരവധി വീടുകളാണ് മരം കടപുഴകിയും ശിഖരങ്ങൾ വീണും തകർന്നത്.ശാസ്താംകോട്ട,കുന്നത്തൂർ പഞ്ചായത്തുകളിൽ രണ്ട് വീടുകൾ പൂർണമായും തകരുകയുണ്ടായി.

പുന്നമൂട്ടിൽ കാറിനു മുകളിലേക്ക് മരം വീണെങ്കിലും യാത്രക്കാർ അത്ഭുതകരമായി രക്ഷപ്പെട്ടു.കാർഷിക മേഖലയിലും വലിയ പ്രതിസന്ധിയാണ് മഴമൂലം സംഭവിച്ചിരിക്കുന്നത്.ഓണ വിപണി ലക്ഷ്യമിട്ട് നടത്തിയ നേന്ത്രവാഴ ഉൾപ്പെടെ നശിച്ചതു മൂലം ലക്ഷങ്ങളുടെ നാശമാണ് സംഭവിച്ചിരിക്കുന്നത്.വീടുകൾ തകർന്നവർക്കും കൃഷി നാശം സംഭവിച്ചവർക്കും അടിയന്തിരമായി ധനസഹായം അനുവദിക്കണമെന്നും,ഇതിനായി ജില്ലാ കളക്ടറെ സമീപിക്കുമെന്നും ഉല്ലാസ് കോവൂർ പറഞ്ഞു.നാശനഷ്‌ടങ്ങൾ നേരിട്ട വിവിധ പ്രദേശങ്ങളിൽ അദ്ദേഹം സന്ദർശനം നടത്തി.

ശാസ്‌താംകോട്ട:ശൂരനാട് തെക്കേമുറിയിൽ നിന്നും രണ്ട് കിലോ 910 ഗ്രാം കഞ്ചാവുമായി യുവാക്കൾ പിടിയിൽ പെരിനാട് ചെമ്മക്കാട് രേവതിയിൽ അഭിലാഷ് (39),ശാസ്താംകോട്ട രാജഗിരി സന്തോഷ് ഭവനിൽ രാജേഷ് (42) എന്നിവരാണ് പിടിയിലായത്.

കഴിഞ്ഞ ദിവസം രാത്രിയിൽ ബാഗിൽ രണ്ട് പൊതികളിലായി സൂക്ഷിച്ചിരുന്ന കഞ്ചാവാണ് പിടികൂടിയത്.കൊല്ലം റൂറൽ ഡാൻസാഫ് ടീമും,ശൂരനാട് പോലീസും ചേർന്നാണ് പ്രതികളെ അറസ്റ്റ് ചെയ്തത്.

ശാസ്താംകോട്ട.2025-26 അധ്യയന വർഷത്തെ CBSE XII പരീക്ഷാ ഫലം വന്നപ്പോൾ തിളക്കമാർന്ന വിജയം സ്വന്തമാക്കി ബ്രൂക്ക് ഇൻ്റർനാഷണൽ സ്കൂൾ. അഭിറാം യു, മാത്‌സ്, ഫിസിക്സ്, ബയോളജി എന്നീ വിഷയങ്ങളിൽ ഏറ്റവും ഉയർന്ന മാർക്കോട് കൂടി സ്കൂൾ ടോപ്പറായി .

നിവേദിത എ മലയാളത്തിനും, സാമന്ത മാട്ടേൽ ഇംഗ്ലീഷിനും കെവിൻ ജോൺ ലാലു കെമിസ്ട്രിക്കും ജീവൻ സജു ജോർജ് കമ്പ്യൂട്ടർ സയൻസിനും സ്കൂളിൽ സബ്ജക്‌ട് ടോപ്പർ ആയി . ആകെ 32 കുട്ടികൾ പരീക്ഷ എഴുതിയതിൽ 21 പേർ 70% ത്തിനു മുകളിലും 11 പേര് 60% ത്തിനു മുകളിലും മാർക്ക് നേടി പ്രശസ്ത വിജയം കരസ്ഥമാക്കി.