ശാസ്താംകോട്ട. വിദ്യാഭ്യാസ രംഗത്ത് നവീനമാതൃകയോടെ ശ്രദ്ധേയമായ സ്കൈലാര്‍ ഇന്‍റര്‍നാഷണല്‍ സ്കൂള്‍ ക്യാംപസ് ഉദ്ഘാടനം ശനി രാവിലെ പത്തിന് നടക്കും. മുന്‍ ഡിജിപി ഋഷിരാജ് സിംങ് ഐപിഎസ് മുഖ്യാതിഥി ആകും. പത്മശ്രീ ഐ എം വിജയന്‍, ഗായകന്‍ മാസ്റ്റര്‍ ആദിത്യ സുരേഷ് എന്നിവര്‍ പങ്കെടുക്കും.

ശാസ്താംകോട്ട: ലോക പരിസ്ഥിതി ദിനത്തോടനുബന്ധിച്ച് രാജഗിരി ബ്രൂക്ക് ഇന്റർനാഷണൽ സ്കൂളിൽ പരിസ്ഥിതി ദിനാഘോഷം നടത്തി. ‘പ്രകൃതിയെ സംരക്ഷിക്കാം, ഭാവിയെ സുരക്ഷിതമാക്കാം’ എന്ന സന്ദേശം ഉയർത്തി ശാസ്താംകോട്ട ധർമ്മശാസ്താ ക്ഷേത്രാങ്കണം മുതൽ രാജഗിരി സ്കൂൾ വരെ ബ്രൂക്ക് ഇൻ്റർനാഷണൽ സ്കൂളിലെ ആയിരത്തിലേറെ കുട്ടികൾ പങ്കെടുത്ത പരിസ്ഥിതി സന്ദേശവിളംബരറാലി നടന്നു. സ്കൂൾ പിടിഎ പ്രസിഡൻ്റ് ശ്രീ ഗിരികുമാർ ഉദ്ഘാടനം ചെയ്‌തു.

.സമ്മേളനം എംഎൽഎ ശ്രീ ഉല്ലാസ് കോവൂർ ഉദ്ഘാടനം ചെയ്തു കൊല്ലം അസിസ്റ്റന്റ് ഫോറസ്റ്റ് കൺസർവേറ്റർ കോശി ജോൺ ബോധവൽക്കരണ ക്ലാസ് നടത്തി.

സ്കൂൾ ഡയറക്ടർ ഫാ. ഡോ. ജി. എബ്രഹാം തലോത്തിൽ,സെക്ഷൻ ഫോറസ്റ്റ് ഓഫീസർ നിയാസ് എൻ. എ. ഏവർക്കും ആശംസകൾ അർപ്പിച്ചു.

പരിപാടിയുടെ ഭാഗമായി വൃക്ഷത്തൈ നട്ടുപിടിപ്പിക്കൽ, പരിസ്ഥിതി സംരക്ഷണ പ്രതിജ്ഞ, ഔഷധസസ്യങ്ങൾ നട്ടുപിടിപ്പിക്കൽ

പ്രകൃതിയോടുള്ള ഹരിതജീവിതശൈലിയുടെ ഉത്തരവാദിത്വബോധം ആവശ്യകത വളർത്തുകയും വിദ്യാർത്ഥികളിലേക്ക് എത്തിക്കുകയും ചെയ്തു. വിശിഷ്ട വ്യക്തിത്വങ്ങളുടെ സാന്നിധ്യത്തിൽ എല്ലാ കുട്ടികൾക്കും വൃക്ഷത്തൈകൾ വിതരണം ചെയ്തു‌. ഈ ആഘോഷം വേറിട്ട അനുഭവമായി. പരിസ്ഥിതി സംരക്ഷണത്തിനായുള്ള കൂട്ടായ പ്രവർത്തനങ്ങളുടെ ആവശ്യകത ഓർമ്മിപ്പിച്ച ചടങ്ങ് കുട്ടികൾക്ക് ഏറെ വിജ്ഞാനപ്രദമായിരുന്നു.അധ്യാപിക രൂപ സുകുമാർ സ്വാഗതം ആശംസിച്ചു പ്രോഗ്രാം കോഡിനേറ്റർ ആയ ശ്രീകുമാരി കൃതജ്ഞതയർപ്പിച്ചു.

ശാസ്താംകോട്ട. ഗ്രാമോദ്ധാരണ ഗ്രന്ഥശാലയും ആഞ്ഞിലിമൂട് സെന്റ് മേരീസ് എൽ പി സ്കൂളും ചേർന്നു പരിസ്ഥിതി ദിന പരിപാടികൾ സംഘടിപ്പിച്ചു. ഗ്രന്ഥശാല പ്രസിഡന്റ് ബിജു പി.ആറിന്റെ അധ്യക്ഷതയിൽ കൂടിയ യോഗം സ്കൂൾ മാനേജർ ഫാദർ ബിജു ജോസഫ് ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ അംഗം കൊച്ചുവേലു മാസ്റ്റർ മുഖ്യപ്രഭാഷണം നടത്തി.

പ്രസ്തുത യോഗത്തിൽ ബ്ലോക്ക് പഞ്ചായത്ത് അംഗം അമൃതപ്രിയ, സ്കൂൾ ഹെഡ്മിസ്ട്രസ് മേരി റാണി, കവി ഭൂപേഷ്, ഗ്രന്ഥശാല ഭാരവാഹികളായ അബ്ദുൽ റഷീദ്, കൃഷ്ണകുമാർ, ലാലു കുട്ടൻ പോറ്റി, ജെസി,എന്നിവർ ആശംസകൾ അർപ്പിക്കുകയും പരിസ്ഥിതി പ്രവർത്തകനും എഴുത്തുകാരനും ആയ ഹരികുറിശ്ശേരി കുട്ടികൾക്ക് പരിസ്ഥിതി ദിനക്ലാസ് എടുക്കുകയും ചെയ്തു. സമ്മേളനത്തിൽ ഗ്രന്ഥശാല സെക്രട്ടറി സൈറസ് പോൾ സ്വാഗതവും ബാലവേദി പ്രസിഡന്റ് ഹിബ ഫാത്തിമ നന്ദിയും രേഖപ്പെടുത്തി. പരിസ്ഥിതി ദിനത്തോടനുബന്ധിച്ച് ഫാദർ ബിജു ജോസഫും ബ്ലോക്ക് പഞ്ചായത്തംഗം അമൃതപ്രിയയും ചേർന്ന് സ്കൂൾ പരിസരത്ത് മരങ്ങൾ നട്ടു.

ശാസ്താംകോട്ട : മൈനാഗപ്പള്ളി മിലാദെ ഷെരിഫ് ഹയർ സെക്കന്ററി സ്കൂളിൽ സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ പരിസ്ഥിതി ദിനാഘോഷം സംഘടിപ്പിച്ചു. സ്പെഷ്യൽ അസംബ്ലി, വൃക്ഷതൈ നടീൽ, ഹരിതകർമ സേനാന്ഗങ്ങളെ ആദരിക്കൽ , പോസ്റ്റർ നിർമ്മാണം തുടങ്ങിയ പ്രവർത്തനങ്ങൾ നടത്തി. മീറ്റിംഗിന് ബൈജു ശാന്തിരംഗം അധ്യക്ഷത വഹിച്ചു. സ്കൂൾ ഹെഡ് മാസ്റ്റർ സഞ്ജീവ് കുമാർ ഉദ്‌ഘാടനം നിർവഹിച്ചു . ഹസൻ റ്റി എ മുഖ്യപ്രഭാഷണം നടത്തി. വഹീദ് എ വാഹിദ് , കാർത്തിക് എസ് ബി , അൻസില ,മുഹമ്മദ് അൻസർ, അഖില എന്നിവർ സംസാരിച്ചു.

പന്മന: ശ്രീശങ്കരാചാര്യ സംസ്കൃത സർവകലാശാല പന്മന ക്യാമ്പസിലെ മലയാള വിഭാഗം പരിസ്ഥിതി ദിനത്തോടനുബന്ധിച്ച് സെമിനാർ സംഘടിപ്പിച്ചു.പരിസ്ഥിതിയും സാഹിത്യവും എന്ന വിഷയത്തോടനുബന്ധിച്ച സെമിനാർ
പന്മന ഗ്രാമപഞ്ചായത്ത് അംഗം രഞ്ജിത് ഉദ്ഘാടനം ചെയ്തു.
ശ്രീനാരായണഗുരു ഓപ്പൺ യൂണിവേഴ്സിറ്റി മലയാള വിഭാഗം അധ്യാപിക ഡോ. താര എസ്.എസ്.വിഷയം അവതരിപ്പിച്ചു. ക്യാമ്പസ് ഡയറക്ടർ ഡോ.കെ.ബി.ശെൽവമണി അധ്യക്ഷത വഹിച്ച യോഗത്തിൽ ഡോ.എ.എസ്.പ്രതീഷ് സ്വാഗതം പറഞ്ഞു. യൂണിയൻ ചെയർമാൻ വിനു കൃഷ്ണൻ, വിദ്യാർത്ഥി പ്രതിനിധി അനന്തു കൃഷ്ണൻ എന്നിവർ സംസാരിച്ചു. ഷംനാദ് നന്ദി രേഖപ്പെടുത്തി

കുന്നത്തൂർ താലൂക്ക് ലീഗൽ സർവീസ്സ് അതോറിറ്റി യുടെ ആഭിമുഖ്യത്തിൽ കോടതി വളപ്പിൽ വൃക്ഷ തൈ നട്ടു പരിസ്ഥിതിതി ദിനാചരണം നടത്തി .

സിവിൽ ജഡ്ജന്മാരായ രേഷ്മ രാജൻ,കാവ്യ എസ്. എസ് എന്നിവർ ചേർന്ന് കോടതി വളപ്പിൽ വൃക്ഷ തൈ നട്ടു. ബാർ അസോസിയേഷൻ ഭാരവാഹി കളായ ഇ. എം. കുഞ്ഞുമോൻ, സിനി ജെ. കൂടാതെ അഡ്വ.സുധികുമാർ, നൗഫൽ ജലാൽ, പാരാ ലീഗൽ വോളന്റീർന്മാർ തുടങ്ങിയവർ നേതൃത്വം നൽകി.

മൈനാഗപ്പള്ളി. ശ്രീചിത്തിര വിലാസം യു.പി. സ്കൂളിൽ ലോക പരിസ്ഥിതി ദിനം വൈവിധ്യമാർന്ന പരിപാടികളോടെ ആഘോഷിച്ചു. ഗ്രാമപഞ്ചായത്ത് അംഗം ജെ റഹിയാനത്ത് സ്കൂൾ പരിസരത്ത് വൃക്ഷത്തൈ നട്ട് പരിപാടി ഉദ്ഘാടനം ചെയ്തു.
പി.ടി.എ പ്രസിഡന്റ് അർഷാദ് മന്നാനി അധ്യക്ഷത വഹിച്ചു. ഹെഡ്മിസ്ട്രസ് ജയലക്ഷ്മി സ്വാഗതം പറഞ്ഞു പരിസ്ഥിതി സംരക്ഷണം ഓരോ വിദ്യാർത്ഥിയുടെയും ജീവിതശൈലിയുടെ ഭാഗമാകണമെന്ന സന്ദേശം ഉയർത്തിപ്പിടിച്ചുകൊണ്ട് ഗ്രീൻ ക്യാമ്പയിൻ, പരിസ്ഥിതി സെമിനാർ, പോസ്റ്റർ നിർമ്മാണം, പരിസ്ഥിതി ക്വിസ്, തൈ നട്ടുപിടിപ്പിക്കൽ, പരിസ്ഥിതി പ്രതിജ്ഞ, മാലിന്യ ഓഡിറ്റ്, പ്രകൃതി സംരക്ഷണ സന്ദേശ റാലി എന്നിവ സംഘടിപ്പിച്ചു.

ബി.എസ്. സൈജു, എം.ആർ. സുനീഷ് , രശ്മി രവി,എന്നിവർ സംസാരിച്ചു.
അധ്യാപകരും രക്ഷിതാക്കളും വിദ്യാർത്ഥികളും പങ്കെടുത്ത ചടങ്ങ് പരിസ്ഥിതി സംരക്ഷണ പ്രതിജ്ഞയോടെയാണ് സമാപിച്ചത്. പ്രകൃതിയെ സ്നേഹിക്കാനും സംരക്ഷിക്കാനും പുതുതലമുറയെ പ്രാപ്തരാക്കുന്ന സന്ദേശങ്ങളാൽ സമ്പന്നമായ ദിനാചരണമാണ് സ്കൂളിൽ അരങ്ങേറിയത്.