പോരുവഴി. അഖില കേരള വിശ്വകർമ്മ മഹാസഭ കുന്നത്തൂർ താലൂക്ക് യൂണിയൻ ഇടയ്ക്കാട് 502-ാം ശാഖയും വിശ്വദീപം മഹിളാ സമാജവും സംയുക്തമായി വിശ്വകർമ്മ ദിനാഘോഷം നടത്തി.
യൂണിയൻ പ്രസിഡന്റ് കെ. മുരളി ഉദ്ഘാടനം നിർവ്വഹിച്ചു. യൂണിയൻ ട്രഷറർ വേലായുധൻ ആചാരി ഫ്ലാഗ് ഓഫ് ചെയ്ത ഘോഷയാത്ര ഇടയ്ക്കാട് ജംഗ്ഷനിൽ നിന്ന് ആരംഭിച്ച് കൈരളി വായനശാലയിൽ സമാപിച്ചു.
സമാപന സമ്മേളനം യൂണിയൻ സെക്രട്ടറി കല്ലട രവീന്ദ്രൻ ഭദ്രദീപം കൊളുത്തി ഉദ്ഘാടനം ചെയ്തു. തുടർന്ന്, എല്ലാ അംഗങ്ങളും വിശ്വകർമ്മദേവന്റെ ചിത്രത്തിൽ പുഷ്പാർച്ചന നടത്തി.
ശാഖാ പ്രസിഡന്റ് പി. മുരളീധരൻ, സെക്രട്ടറി പി. ബി. ദിലീപ് കുമാർ, യൂണിയൻ മെമ്പർ അശോക് കുമാർ, യുവജനസമിതി സെക്രട്ടറി വിദ്യ വിശ്വം, മഹിളാ സമാജം പ്രസിഡന്റ് ചന്ദ്രിക, സെക്രട്ടറി സുമ രതീഷ് എന്നിവർ ആശംസാപ്രസംഗം നടത്തി.
