Home Blog Page 742

പുലിപ്പല്ല് കേസില്‍ റാപ്പര്‍ വേടന് തിരിച്ചടി…പിടിച്ചെടുത്തത് യഥാര്‍ഥ പുലിപ്പല്ലാണെന്ന് പരിശോധനയില്‍ കണ്ടെത്തി

May 16, 2026

തൃശൂര്‍: പുലിപ്പല്ല് കേസില്‍ റാപ്പര്‍ വേടന് തിരിച്ചടി. വേടനില്‍ നിന്ന് പിടിച്ചെടുത്തത് യഥാര്‍ഥ പുലിപ്പല്ലാണെന്ന് പരിശോധനയില്‍ കണ്ടെത്തി. കൊല്‍ക്കത്ത സുവോളജിക്കല്‍ ലാബിലെ പരിശോധനയിലാണ് കണ്ടെത്തല്‍. റിപ്പോര്‍ട്ടുകള്‍ കിട്ടിയതിന് പിന്നാലെ വനംവകുപ്പ് വേടനെതിരെ കുറ്റപത്രം ഉടന്‍ സമര്‍പ്പിക്കും. പെരുമ്പാവൂര്‍ മജിസ്‌ട്രേറ്റ് കോടതിയിലാണ് കുറ്റപത്രം സമര്‍പ്പിക്കുന്നത്.

മൃഗവേട്ട, അനധികൃതവസ്തു കൈവശംവെച്ചു എന്നിങ്ങനെ രണ്ടു വകുപ്പുകള്‍ പ്രകാരമാണ് നേരത്തേ വനംവകുപ്പ് വേടനെതിരെ കേസെടുത്തത്. കഴിഞ്ഞ വര്‍ഷം ഏപ്രിലില്‍ വേടന്റെ ഫലാറ്റില്‍ നടത്തിയ പരിശോധനയിലാണ് പൊലീസ് പുലിപ്പല്ല് കണ്ടെത്തിയത്. ഫലാറ്റില്‍ മയക്കുമരുന്ന് ഉപയോഗം നടക്കുന്നതായി കിട്ടിയ വിവരത്തെ തുടര്‍ന്ന് നടത്തിയ റെയ്ഡില്‍ കഞ്ചാവിനൊപ്പമാണ് പുലിപ്പല്ലും കിട്ടിയത്. തുടര്‍ന്ന് പൊലീസ് വനംവകുപ്പിനെ അറിയിക്കുകയായിരുന്നു.

വനംവകുപ്പ് റാപ്പറിനെതിരേ കേസെടുക്കുകയും ചെയ്തിരുന്നു. പിന്നീട് ഈ പുലിപ്പല്ല് കൊല്‍ക്കത്ത സുവോളജിക്കല്‍ ലാബിലേക്ക് അയച്ചു. ഇപ്പോഴാണ് ഇതിന്റെ ടെസ്റ്റ്ഫലം പുറത്തുവന്നത്. മൂന്ന് വര്‍ഷം തടവുശിക്ഷ ലഭിക്കാവുന്ന കുറ്റമാണ് വേടനെതിരേ ചുമത്തിയിരിക്കുന്നത്. തനിക്ക് ശ്രീലങ്കന്‍ വംശജനായ രഞ്ജിത്ത് കുമ്പിടി എന്ന ആള്‍ തന്നതാണ് ഈ പുലിപ്പല്ലെന്ന് വേടന്‍ പറഞ്ഞിരുന്നു. എന്നാല്‍ വേടന്റെ ഫോണും സാമൂഹ്യമാധ്യമ അക്കൗണ്ടും ഉള്‍പ്പെടെ പരിശോധിച്ചിട്ടും രഞ്ജിത്ത് എന്നയാളെ കണ്ടെത്താന്‍ കഴിഞ്ഞിരുന്നില്ല.

ഡിമാൻഡ് മുന്നിൽവച്ച് രമേശ് ചെന്നിത്തല

May 16, 2026

തിരുവനന്തപുരം.ടീം യുഡിഎഫിലെ ആരോക്കൊ മന്ത്രി സഭയിലെന്ന ആകാംഷ തുടരുകയാണ്. രമേശ് ചെന്നിത്തലയുടെ തീരുമാനമാണ് ഇതില്‍ പ്രധാനം, യുഡിഎഫ് സര്‍ക്കാരിന്റെ മന്ത്രിസഭാ രൂപീകരണം സംബന്ധിച്ച് കോണ്‍ഗ്രസ് നേതൃത്വം ഇന്ന് ഘടകകക്ഷികളുമായി ഉഭയകക്ഷി ചര്‍ച്ച നടത്തും. മന്ത്രിമാരെ നാളെ പ്രഖ്യാപിക്കുമെന്ന് യുഡിഎഫ് കൺവീനർ അടൂർ പ്രകാശ്.

ഡിമാൻഡ് മുന്നിൽവച്ച് രമേശ് ചെന്നിത്തല. ഒപ്പമുള്ള ഒരാളെയും മന്ത്രിയാക്കണം. അൻവർ സാദത്തിന്റെ പേര് നിർദ്ദേശിച്ച് രമേശ് ചെന്നിത്തല. നാലു തവണ എംഎൽഎ ആയ ആളാണ് അൻവർ സാദത്ത്. അൻവർ സാദത്ത് മന്ത്രിസഭയിൽ ഉണ്ടാകണം. ഒപ്പമുള്ള ഒരാൾ ഇല്ലാത്ത മന്ത്രി സഭയിലേക്ക് താനുമില്ലെന്ന് രമേശ്

യുഡിഎഫ് സര്‍ക്കാരില്‍ മന്ത്രിമാരുടെ എണ്ണത്തിലും പരമ്പരാഗതമായി കക്ഷികള്‍ കൈവശം വെച്ചുപോരുന്ന വകുപ്പുകളിലും മാറ്റംവരാന്‍ സാധ്യതയുണ്ട്. കോണ്‍ഗ്രസിന് മുഖ്യമന്ത്രിയടക്കം 12 മന്ത്രിമാരുണ്ടാകും. ഒരെണ്ണംകൂടി ലഭിക്കാനും സാധ്യതയുണ്ട്. ചെറു ഘടകകക്ഷികള്‍ക്ക് ഓരോ മന്ത്രിമാരാകുമുണ്ടാകുക. ആര്‍എംപി. മന്ത്രിസ്ഥാനത്തിന് അവകാശവാദം ഉന്നയിക്കാനിടയില്ല.

മുസ്ലിം ലീഗിന് അഞ്ച് മന്ത്രിസ്ഥാനം ലഭിക്കാനാണ് സാധ്യത. നാല് മന്ത്രിസ്ഥാനവും കാബിനറ്റ് പദവിയും നല്‍കുന്നതും പരിഗണനിയിലുണ്ട്. ലീഗ് മന്ത്രിമാരുടെ കാര്യത്തില്‍ ഇന്ന് തീരുമാനമായേക്കും. ഇന്ന് ചേരുന്ന മുസ്ലിംലീഗ് പാര്‍ലമെന്ററി പാര്‍ട്ടി യോഗത്തില്‍ ആരൊക്ക മന്ത്രിമാരാകുമെന്ന് തീരുമാനം ഉണ്ടാകും. പി കെ കുഞ്ഞാലികുട്ടിക്ക് പുറമെ കെ എം ഷാജി, എന്‍ ഷംസുദ്ധീന്‍, പി കെ ബഷീര്‍ എന്നിവര്‍ മന്ത്രിമാരാകും. വകുപ്പ് വിഭജനം സംബന്ധിച്ച് കോണ്‍ഗ്രസുമായുള്ള ഉഭയകക്ഷി ചര്‍ച്ചയ്ക്ക് ശേഷം തീരുമാനം ഉണ്ടാകും.

രണ്ട് മന്ത്രി സ്ഥാനം ലഭിക്കുമെന്ന പ്രതീക്ഷയിലാണ് കേരള കോണ്‍ഗ്രസ് ജോസഫ് വിഭാഗം . ഇന്ന് 11 മണിക്ക് നടക്കുന്ന ഉഭയകക്ഷി യോഗത്തില്‍ രണ്ട് മന്ത്രിസ്ഥാനം വേണമെന്ന ആവശ്യം വീണ്ടും ഉന്നയിക്കും. എന്നാല്‍ ഇതിനുവേണ്ടി മുന്നണിയെ പ്രതിസന്ധിയില്‍ ആകേണ്ട ആവശ്യം ഇല്ല എന്നാണ് ഇവരുടെ തീരുമാനം. ഒരു മന്ത്രി സ്ഥാനവും ചീഫ് വിപ്പ് പദവിയും കേരള കോണ്‍ഗ്രസിന് ലഭിച്ചേക്കും എന്നാണ് സൂചന.

മന്ത്രിമാരുടെ സാധ്യത പട്ടിക

കോണ്‍ഗ്രസ്: രമേശ് ചെന്നിത്തല, സണ്ണി ജോസഫ്, കെ. മുരളീധരന്‍, തിരുവഞ്ചൂര്‍ രാധാകൃഷ്ണന്‍, എന്‍. ശക്തന്‍, എ.പി. അനില്‍കുമാര്‍, പി സി വിഷ്ണുനാഥ്, ഷാനിമോള്‍ ഉസ്മാന്‍, എം ലിജു, ബിന്ദു കൃഷ്ണ, ടി സിദ്ദിഖ്, വി പി സജീന്ദ്രന്‍ ഇവരില്‍നിന്ന് ഒരാള്‍ സ്പീക്കറും ഒരാള്‍ ഡെപ്യൂട്ടി സ്പീക്കറുമായേക്കാം. വിടി ബല്‍റാം, മാത്യു കുഴല്‍നാടന്‍, അന്‍വര്‍ സാദത്ത്, ജ്യോതികുമാര്‍ ചാമക്കാല, കെ. ജയന്ത്, എം. വിന്‍സന്റ് എന്നിവരും സാധ്യത പട്ടികയിലുണ്ട്.

ഘടകകക്ഷികളുടെ സാധ്യത പട്ടിക

മുസ്ലിം ലീഗ്: പികെ കുഞ്ഞാലിക്കുട്ടി, പി കെ ബഷീര്‍, എന്‍ ഷംസുദ്ദീന്‍, കെ എം ഷാജി, കെ കെ എം അഷ്റഫ്

കേരള കോണ്‍ഗ്രസ് (ജോസഫ്): മോന്‍സ് ജോസഫ്

കേരള കോണ്‍ഗ്രസ് (ജേക്കബ്): അനൂപ് ജേക്കബ്

ആര്‍എസ്പി.: ഷിബു ബേബി ജോണ്‍,

സിഎംപി. : സി പി ജോണ്‍,

കെഡിപി: മാണി സി കാപ്പന്‍

പത്രം മലയാള ദിനപത്രങ്ങളിലൂടെ|2026 | മേയ് 16, ശനി|1201 | എടവം 2, ഭരണി

May 16, 2026

പത്രം മലയാള ദിനപത്രങ്ങളിലൂടെ

2026 | മേയ് 16, ശനി

1201 | എടവം 2, ഭരണി

വി.ഡി. സതീശന്‍ മന്ത്രിസഭയിലെ മുഴുവന്‍ മന്ത്രിമാരേയും ഇന്നു പ്രഖ്യാപിക്കും; തിങ്കളാഴ്ച സത്യപ്രതിജ്ഞ

വി.ഡി. സതീശന്‍ മന്ത്രിസഭയിലെ മുഴുവന്‍ മന്ത്രിമാരേയും ഇന്നു പ്രഖ്യാപിക്കും. ആരെല്ലാം മന്ത്രിമാരാകുമെന്ന ചര്‍ച്ച പൂര്‍ത്തിയായി വരികയാണ്. എല്ലാ മന്ത്രിമാരും തിങ്കളാഴ്ച നടക്കുന്ന മുഖ്യമന്ത്രിയുടെ സത്യപ്രതിജ്ഞാ ചടങ്ങില്‍ തന്നെ സത്യപ്രതിജ്ഞ ചെയ്യുമെന്ന് യുഡിഎഫ് കണ്‍വീനര്‍ അടൂര്‍ പ്രകാശ് പറഞ്ഞു.

എസ്എസ്എല്‍സി പരീക്ഷയ്ക്ക് 99.07% വിജയം; പെണ്‍കുട്ടികള്‍ മുന്നില്‍, ഫുള്‍ എ പ്ലസ് കുറഞ്ഞു

എസ്എസ്എല്‍സി പരീക്ഷയ്ക്ക് 99.07 ശതമാനം വിജയം. വിജയിച്ച 4,14,290 വിദ്യാര്‍ത്ഥികളില്‍ 30,514 പേര്‍ക്ക് ഫുള്‍ എ പ്ലസ്. കഴിഞ്ഞ തവണ 61,449 വിദ്യാര്‍ത്ഥികള്‍ക്ക് ഫുള്‍ എ പ്ലസ് ലഭിച്ചിരുന്നു. വിജയശതമാനത്തില്‍ പെണ്‍കുട്ടികളാണ് മുന്നില്‍- 99.22 ശതമാനം. 20,771 പെണ്‍കുട്ടികള്‍ക്ക് ഫുള്‍ എ പ്ലസ് ലഭിച്ചപ്പോള്‍ 9743 ആണ്‍കുട്ടികള്‍ക്കു മാത്രമേ ഫുള്‍ എ പ്ലസ് നേടാനായുള്ളൂ. പുനര്‍ മൂല്യനിര്‍ണ്ണയത്തിന് 21 വരെ അപേക്ഷിക്കാം. പ്ലസ് വണ്‍ പ്രവേശന നടപടികള്‍ 25 ന് ആരംഭിക്കും.

പിണറായി വിജയനും എം.വി. ഗോവിന്ദനുമെതിരെ സിപിഎം പത്തനംതിട്ട ജില്ലാ സെക്രട്ടറിയേറ്റില്‍ രൂക്ഷ വിമര്‍ശനം

പിണറായി വിജയനും എം വി ഗോവിന്ദനുമെതിരെ രൂക്ഷ വിമര്‍ശനവുമായി സിപിഎം പത്തനംതിട്ട ജില്ലാ സെക്രട്ടറിയേറ്റ് യോഗം. പിണറായി വിജയനെ പ്രതിപക്ഷ നേതാവാക്കിയ തീരുമാനം തെറ്റാണെന്നും തിരുത്തണമെന്നും നേതാക്കള്‍ ആവശ്യപ്പെട്ടെന്നാണു റിപ്പോര്‍ട്ട്. സിപിഎം സംസ്ഥാന സെക്രട്ടറി എംവി ഗോവിന്ദന്‍ സംരക്ഷിച്ചത് പാര്‍ട്ടിയെയല്ല ഭാര്യയെ മാത്രമാണെന്നും യോഗത്തില്‍ വിമര്‍ശനമുയര്‍ന്നു.

രമേശ് ചെന്നിത്തല ആഭ്യന്തര മന്ത്രിയായേക്കും; അനുനയ ചര്‍ച്ചകള്‍ വിജയം കണ്ടതായി സൂചന

വി.ഡി സതീശന്‍ മന്ത്രിസഭയില്‍ രമേശ് ചെന്നിത്തല ആഭ്യന്തര മന്ത്രിയാകുമെന്ന് റിപ്പോര്‍ട്ടുകള്‍. മുതിര്‍ന്ന നേതാവായ അദ്ദേഹം ആഭ്യന്തര വകുപ്പിനോടാണ് താത്പര്യം പ്രകടിപ്പിച്ചത്. വി.ഡി. സതീശനും ഹൈക്കമാന്‍ഡിലെ നേതാക്കളും ഇടഞ്ഞു നിന്ന ചെന്നിത്തലയുമായി സംസാരിച്ച് അനുനയിപ്പിച്ചിട്ടുണ്ട്. എന്നാല്‍ രമേശ് ചെന്നിത്തല യുഡിഎഫ് യോഗത്തില്‍ പങ്കെടുത്തില്ല.

സത്യപ്രതിജ്ഞാ ചടങ്ങിലേക്ക് തമിഴ്നാട് മുഖ്യമന്ത്രി വിജയ് എത്തും; ഇതര ദക്ഷിണേന്ത്യന്‍ മുഖ്യമന്ത്രിമാര്‍ക്കും ക്ഷണം

തിങ്കളാഴ്ച നടക്കുന്ന സത്യപ്രതിജ്ഞ ചടങ്ങിലേക്ക് തമിഴ്നാട് മുഖ്യമന്ത്രി വിജയ്യും എത്തും. ക്ഷണം അദ്ദേഹം സ്വീകരിച്ചു. കര്‍ണാടക മുഖ്യമന്ത്രി സിദ്ധരാമയ്യ, തെലങ്കാന മുഖ്യമന്ത്രി രേവന്ത് റെഡ്ഡി എന്നിവരേയും ചീഫ് സെക്രട്ടറി ക്ഷണിച്ചിട്ടുണ്ട്.

പുതിയ കാര്‍ വേണ്ട, സാമ്പത്തിക സ്ഥിതി കണക്കിലെടുക്കണമെന്ന് നിയുക്ത മുഖ്യമന്ത്രി വി.ഡി. സതീശന്‍

പുതിയ കാര്‍ വേണ്ടെന്നും നിലവിലുള്ള കാര്‍ ഉപയോഗിക്കുമെന്നും നിയുക്ത മുഖ്യമന്ത്രി വി.ഡി. സതീശന്‍. കാറിന്റെ നിറമൊന്നും വിഷയമല്ല. സംസ്ഥാനത്തെ സാമ്പത്തിക സ്ഥിതി പരിഗണിച്ച് പുതിയ വാഹനം വാങ്ങിപ്പിക്കുന്നതു തെറ്റായ സന്ദേശം നല്‍കുമെന്നും സതീശന്‍ വ്യക്തമാക്കി.

മുഖ്യമന്ത്രി കാര്യത്തില്‍ ലീഗ് സമ്മര്‍ദ്ദം ചെലുത്തിയിട്ടില്ല; മന്ത്രിസ്ഥാന ചര്‍ച്ചകള്‍ തുടരുന്നുവെന്ന് സാദിഖലി തങ്ങള്‍

വി.ഡി. സതീശനെ മുഖ്യമന്ത്രിയാക്കണമെന്ന് ലീഗ് സമ്മര്‍ദ്ദം ചെലുത്തിയിട്ടില്ലെന്ന് മുസ്ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങള്‍. കോണ്‍ഗ്രസ് ഹൈക്കമാന്‍ഡാണ് എല്ലാ വശവും പരിശോധിച്ച് തീരുമാനമെടുത്തത്. മന്ത്രിമാരുടെ കാര്യത്തില്‍ ലീഗ് അവകാശവാദം ഉന്നയിച്ചിട്ടില്ല. മുസ്ലിം ലീഗിന് അഞ്ചу മന്ത്രിമാരുണ്ടാകുമോ എന്ന ചോദ്യത്തിന് ചര്‍ച്ചകള്‍ നടന്നുകൊണ്ടിരിക്കുകയാണെന്ന് അദ്ദേഹം പ്രതികരിച്ചു.

“ഒരുപാട് പിച്ചി ചീന്തിയില്ലേ” – വൈകാരിക പ്രതികരണവുമായി കെ.സി. വേണുഗോപാല്‍ തിരുവനന്തപുരത്ത്

ഒരുപാട് പിച്ചി ചീന്തിയില്ലേ എന്ന വൈകാരിക പ്രതികരണവുമായി മുഖ്യമന്ത്രി സ്ഥാനത്തേക്കു മുന്‍നിരയിലുണ്ടായിരുന്ന എഐസിസി ജനറല്‍ സെക്രട്ടറി കെ.സി. വേണുഗോപാല്‍ തിരുവനന്തപുരത്തത്തി. കെപിസിസി പ്രസിഡന്റ് സണ്ണി ജോസഫ്, പി സി വിഷ്ണുനാഥ്, പഴകുളം മധു, കെ ജയന്ത്, പ്രവീണ്‍ കുമാര്‍, മാത്യു കുഴല്‍നാടന്‍ എന്നിവര്‍ സ്വീകരിക്കാന്‍ വിമാനത്താവളത്തില്‍ എത്തി.

ദേശീയപാത 66 ലെ വെള്ളക്കെട്ട് പരിഹരിക്കാന്‍ 34.8 കോടി രൂപ അനുവദിച്ചു; മലപ്പുറം, തൃശൂര്‍, കൊല്ലം ജില്ലകള്‍ക്ക് വിഹിതം

ദേശീയപാത 66 ല്‍ വെള്ളക്കെട്ടു പരിഹരിക്കാന്‍ 34.8 കോടി രൂപ അനുവദിച്ചു. ഇതില്‍ 10.91 കോടി രൂപ മലപ്പുറം ജില്ലയ്ക്കും, 14.92 കോടി രൂപ തൃശൂര്‍ ജില്ലയ്ക്കും, 8.97 കോടി രൂപ കൊല്ലം ജില്ലയ്ക്കുമാണ് വകയിരുത്തിയിരിക്കുന്നത്.

എസ്എസ്എല്‍സി ഫലം പ്രഖ്യാപിച്ചത് 40 വര്‍ഷം മുമ്പത്തെ റാങ്കുകാരി ഷര്‍മിള മേരി ജോസഫ് ഐഎഎസ്

ഇക്കുറി എസ്എസ്എല്‍സി ഫലം പ്രഖ്യാപിച്ചത് നാല്‍പതു വര്‍ഷം മുമ്പത്തെ റാങ്കുകാരി. 1986-ലെ എസ്എസ്എല്‍സി മൂന്നാം റാങ്കുകാരിയായിരുന്ന ഷര്‍മിള മേരി ജോസഫ് ഐഎഎസ് ആണ് എസ്എസ്എല്‍സി ഫലം പ്രഖ്യാപിച്ചത്.

പരീക്ഷാ വിജയം മാത്രമല്ല ജീവിത വിജയം; വിദ്യാര്‍ത്ഥികള്‍ക്ക് ആശംസകളുമായി വി.ഡി. സതീശന്‍

എസ്.എസ്.എല്‍.സി പരീക്ഷയില്‍ ഉപരിപഠനത്തിന് അര്‍ഹത നേടിയ വിദ്യാര്‍ത്ഥികളെ അഭിനന്ദിച്ചും, പരാജയപ്പെട്ടവര്‍ക്ക് ആത്മവിശ്വാസം പകര്‍ന്നുമുള്ള സന്ദേശവുമായി നിയുക്ത മുഖ്യമന്ത്രി വി.ഡി. സതീശന്‍. പരീക്ഷാ വിജയം മാത്രമല്ല ജീവിത വിജയമെന്ന് അദ്ദേഹം കുട്ടികളെ ഓര്‍മ്മിപ്പിച്ചു.

പ്രതീക്ഷിച്ച വിജയം നേടാനാകാത്തവര്‍ നിരാശരാകരുത്; കുട്ടികളെ അഭിനന്ദിച്ച് കെ.സി. വേണുഗോപാല്‍

എസ്എസ്എല്‍സി പരീക്ഷയില്‍ വിജയം നേടിയ കുട്ടികളെ അഭിനന്ദിച്ച് കെ.സി വേണുഗോപാല്‍. പ്രതീക്ഷിച്ച വിജയം നേടാനാകാതിരുന്നവര്‍ നിരാശരാകരുത്. വിജയത്തിലേക്കുള്ള ചവിട്ടുപടി മാത്രമാണത്. പതറാതെ, ആത്മവിശ്വാസത്തോടെ മുന്നേറുക. വിജയിച്ചവര്‍ മുന്നോട്ടുള്ള വഴികള്‍ ശ്രദ്ധാപൂര്‍വം തെരഞ്ഞെടുക്കുക എന്നായിരുന്നു കെ.സി. വേണുഗോപാലിന്റെ ഫേസ്ബുക്ക് കുറിപ്പ്.

സംസ്ഥാനത്ത് കാലവര്‍ഷം നേരത്തെയെത്തും; മത്സ്യബന്ധനത്തിന് കര്‍ശന വിലക്ക്

സംസ്ഥാനത്ത് കാലവര്‍ഷം നേരത്തെയെത്തും. ഈ മാസം അവസാന വാരത്തോടെ തെക്ക്-പടിഞ്ഞാറന്‍ കാലവര്‍ഷം എത്തിച്ചേരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മധ്യ, വടക്കന്‍ കേരളത്തില്‍ മഴ ശക്തമാകുമെന്നാണ് മുന്നറിയിപ്പ്. കേരളാ തീരത്ത് മത്സ്യബന്ധത്തിന് വിലക്കുണ്ട്.

സത്യപ്രതിജ്ഞാ ചടങ്ങില്‍ ശശി തരൂര്‍ പങ്കെടുക്കില്ല; കാരണം ബോസ്റ്റണ്‍ യാത്ര

വി.ഡി. സതീശന്‍ കേരള മുഖ്യമന്ത്രിയായി സത്യപ്രതിജ്ഞ ചെയ്യുന്ന ദിവസം ബോസ്റ്റണിലായതിനാല്‍ പങ്കെടുക്കാന്‍ സാധിക്കില്ലെന്ന് തിരുവനന്തപുരം എംപി ശശി തരൂര്‍ അറിയിച്ചു.

വോട്ടെണ്ണലിന് മുമ്പ് സഭാധ്യക്ഷന്മാരെ വിമര്‍ശിച്ചത് തെറ്റായി; പി.സി. ജോര്‍ജിനും ഷോണിനുമെതിരെ ബിജെപിയില്‍ വിമര്‍ശനം

ബിജെപി കോര്‍ കമ്മിറ്റി യോഗത്തില്‍ പിസി ജോര്‍ജിനും ഷോണ്‍ ജോര്‍ജിനും കടുത്ത വിമര്‍ശനം. വോട്ടെണ്ണും മുമ്പ് ജോര്‍ജും ഷോണും സഭാധ്യക്ഷന്മാരെ വിമര്‍ശിച്ചതു ശരിയായില്ലെന്ന് നേതാക്കള്‍ പറഞ്ഞു. ഇങ്ങനെ ആയാല്‍ എങ്ങനെ ക്രൈസ്തവ വോട്ട് കിട്ടുമെന്നും നേതാക്കള്‍ യോഗത്തില്‍ ചോദിച്ചു.

പ്രതികളെ അടിവസ്ത്രം മാത്രം ധരിപ്പിച്ച് ലോക്കപ്പിലിരുത്തരുത്; പോലീസ് ഉദ്യോഗസ്ഥര്‍ക്കെതിരെ മനുഷ്യാവകാശ കമ്മീഷന്‍

പോലീസ് സ്റ്റേഷനുകളിലെ ലോക്കപ്പിലുള്ള പ്രതികളെ അടിവസ്ത്രം മാത്രം ധരിക്കാന്‍ അനുവദിക്കുന്ന പോലീസ് ഉദ്യോഗസ്ഥര്‍ക്കെതിരെ കര്‍ശന നടപടി വേണമെന്ന് മനുഷ്യാവകാശ കമ്മീഷന്‍ ചെയര്‍പേഴ്സണ്‍ ജസ്റ്റിസ് അലക്സാണ്ടര്‍ തോമസ്. ഇക്കാര്യത്തില്‍ പോലീസ് ആസ്ഥാനത്തുനിന്നും നല്‍കിയ നിര്‍ദ്ദേശങ്ങള്‍ പാലിക്കപ്പെടുന്നുണ്ടെന്ന് സംസ്ഥാന പോലീസ് മേധാവി ഉറപ്പു വരുത്തണമെന്ന് കമ്മീഷന്‍ നിര്‍ദ്ദേശിച്ചു.

നടന്‍ ദുല്‍ഖര്‍ സല്‍മാന്റെ ആഡംബര വാഹനം കസ്റ്റംസ് പിടിച്ചെടുത്തു

ദുല്‍ഖര്‍ സല്‍മാന്റെ ഒരു വാഹനം കൂടി കസ്റ്റംസ് പിടിച്ചെടുത്തു. ഓപ്പറേഷന്‍ നംഖോറിന്റെ ഭാഗമായാണ് നീക്കം. കളമശ്ശേരിയിലെ സിഗ്നേച്ചര്‍ കാര്‍സില്‍ സൂക്ഷിച്ച നിസ്സാന്‍ പട്രോള്‍ കാറാണ് പിടിച്ചെടുത്തത്. ലക്കി ഭാസ്‌കര്‍ സിനിമയില്‍ ഉപയോഗിച്ച വാഹനമാണിത്.

ആശുപത്രിക്ക് മുന്നില്‍ ബസ് നിര്‍ത്താത്തതിന് കെഎസ്ആര്‍ടിസി ഗ്ലാസ് തല്ലിപ്പൊട്ടിച്ച യുവതിക്ക് 25,000 രൂപ പിഴ

കോഴിക്കോട് മാങ്കാവിനു സമീപം സ്വകാര്യ ആശുപത്രിക്കു മുന്നില്‍ കെഎസ്ആര്‍ടിസി ബസ് നിര്‍ത്താത്തതില്‍ പ്രതിഷേധിച്ച് ബസിന്റെ വശത്തെ ഗ്ലാസ് അടിച്ചുപൊട്ടിച്ച യുവതിയെ പിഴ ഈടാക്കി വിട്ടയച്ചു. 25,000 രൂപ പിഴ ഈടാക്കി കെഎസ്ആര്‍ടിസി അധികൃതര്‍ കേസ് ഒത്തുതീര്‍പ്പാക്കുകയായിരുന്നു.

തിരുവനന്തപുരത്ത് പരാതി പരിഹരിക്കാനെത്തിയ പൊലീസുകാരന് സഹപ്രവര്‍ത്തകന്റെ കുത്തേറ്റു

പരാതി പരിഹരിക്കാനെത്തിയ പൊലീസുദ്യോഗസ്ഥനെ മറ്റൊരു പൊലീസുകാരന്‍ ആക്രമിച്ചു. തിരുവനന്തപുരം വികാസ് ഭവന്‍ പൊലീസ് ക്വര്‍ട്ടേഴ്‌സിലെ ഉദ്യോഗസ്ഥന്‍ ഭാര്യയുമായി വഴക്കുണ്ടാക്കുന്നുവെന്ന് പരാതി ലഭിച്ചതിനെത്തുടര്‍ന്ന് സ്ഥലത്തെത്തിയ മ്യൂസിയം പൊലീസ് സ്റ്റേഷനിലെ ഉദ്യോഗസ്ഥനു കുത്തേറ്റു. എ ആര്‍ ക്യാമ്പിലെ ഉദ്യോഗസ്ഥനായ അനീഷിനെ പൊലീസ് കസ്റ്റഡിയിലെടുത്തു.

പേരാമ്പ്രയില്‍ ഓടിക്കൊണ്ടിരുന്ന കാറിന് തീപിടിച്ച് ഗര്‍ഭിണി വെന്തുമരിച്ചു; ഭര്‍ത്താവിന് ഗുരുതര പരിക്ക്

പേരാമ്പ്രയില്‍ ഓടിക്കൊണ്ടിരുന്ന കാറിന് തീപിടിച്ച് ഗര്‍ഭിണി വെന്തുമരിച്ചു. ഭര്‍ത്താവിന് ഗുരുതരമായി പരിക്കേറ്റു. ചെറുവണ്ണൂര്‍ സ്വദേശി പൂവത്തും ചാലില്‍ ലാലുവിന്റെ ഭാര്യ സോനയാണ് മരിച്ചത്. ഡോക്ടറെ കാണിച്ച് തിരിച്ചുവരവേ സോന കാറിന്റെ പിന്‍സീറ്റിലാണ് ഇരുന്നത്. വാഹനം ഓടിച്ചിരുന്നത് ഭര്‍ത്താവ് ലാലുവാണ്.

വാതില്‍ ഹാന്‍ഡിലില്‍ വൈദ്യുതി കടത്തിവിട്ട് കൊലപാതകശ്രമം; മഞ്ചവിളാകത്ത് നടുക്കുന്ന സംഭവം

വാതിലിന്റെ ഹാന്‍ഡിലിലേക്കു വൈദ്യുതി കടത്തിവിട്ട് കൊലപ്പെടുത്താന്‍ ശ്രമം. നെയ്യാറ്റിന്‍കര മഞ്ചവിളാകത്ത് രമ്യയെന്ന സ്ത്രീയുടെ വീട്ടിലാണ് വൈദ്യുതി കടത്തിവിട്ട് അമ്മയെയും മക്കളെയും ഷോക്കടിപ്പിച്ച് കൊലപ്പെടുത്താന്‍ ശ്രമമുണ്ടായത്. വാതില്‍ തുറക്കാന്‍ ഹാന്‍ഡിലില്‍ കൈവച്ചയുടനേ രമ്യയുടെ മൂത്ത മകന്‍ അലന്‍ വൈദ്യуതാഘാതമേറ്റു തെറിച്ചു വീണു. മാരായമുട്ടം പൊലീസ് അന്വേഷണം ആരംഭിച്ചു.

പുതിയ മുഖ്യമന്ത്രി ഊര്‍ജ്ജസ്വലന്‍; കേരള വികസനത്തിന് പൂര്‍ണ്ണ പിന്തുണയെന്ന് എം.എ. യൂസഫലി

കേരളത്തിന്റെ പുതിയ മുഖ്യമന്ത്രി ചെറുപ്പമാണെന്നും ഊര്‍ജ്ജസ്വലനാണെന്നും ലുലു ഗ്രൂപ്പ് ചെയര്‍മാന്‍ എം എ യൂസഫലി. കേരളത്തിന്റെ വികസനത്തിന് എല്ലാ പിന്തുണയും സഹായവും നല്‍കുമെന്നും അദ്ദേഹം പറഞ്ഞു.

നീറ്റ് ചോദ്യപ്പേപ്പര്‍ ചോര്‍ച്ച: സൂത്രധാരനായ കെമിസ്ട്രി അധ്യാപകനെ സിബിഐ അറസ്റ്റ് ചെയ്തു

മെഡിക്കല്‍ പഠനപ്രവേശന പരീക്ഷയായ നീറ്റിന്റെ ചോദ്യപ്പേപ്പര്‍ ചോര്‍ന്ന കേസില്‍ സൂത്രധാരനെ സിബിഐ അറസ്റ്റ് ചെയ്തു. മഹാരാഷ്ട്ര ലാത്തൂര്‍ സ്വദേശിയും കെമിസ്ട്രി അധ്യാപകനുമായ പി В കുല്‍ക്കര്‍ണി ആണ് അറസ്റ്റിലായത്. നാഷണല്‍ ടെസ്റ്റിങ് ഏജൻസിക്കുവേണ്ടി ചോദ്യപേപ്പര്‍ തയാറാക്കിയ സംഘത്തിലെ അംഗമാണ് ഇയാളെന്ന് സിബിഐ വ്യക്തമാക്കി.

ഉത്തര്‍പ്രദേശില്‍ കനത്ത നാശനഷ്ടം വിതച്ച് പെരുമഴ; മരണസംഖ്യ 117 ആയി

ഉത്തര്‍പ്രദേശില്‍ പെരുമഴമൂലം വന്‍ നാശനഷ്ടങ്ങള്‍. മരിച്ചവരുടെ എണ്ണം 117 ആയി. ഇരുന്നൂറിലേറെ പേര്‍ക്കു പരിക്കേറ്റു. മരങ്ങൾ കടപുഴകി വീണ് മുന്നൂറിലേറെ വീടുകള്‍ തകര്‍ന്നു. പലയിടത്തും റോഡുകള്‍ ഒലിച്ചുപോയ നിലയിലാണ്.

തുംഗഭദ്ര ഡാമിന് സമീപം ട്രാക്ടര്‍ മറിഞ്ഞ് ഒരേ കുടുംബത്തിലെ ആറുപേര്‍ മരിച്ചു

കര്‍ണാടകയിലെ ഹോസ്പേട്ടില്‍ തുംഗഭദ്ര ഡാമിന് സമീപം ട്രാക്ടര്‍ മറിഞ്ഞ് ഒരു കുടുംബത്തിലെ ആറു പേര്‍ മരിച്ചു. 13 പേര്‍ക്ക് പരിക്കേറ്റു. ഇവരെ ഹോസ്പേട്ടിലെയും കൊപ്ലയിലേയും ആശുപത്രികളില്‍ പ്രവേശിപ്പിച്ചിട്ടുണ്ട്. ചിലരുടെ നില ഗുരുതരമാണ്. 19 പേരാണ് ട്രാക്ടറില്‍ ഉണ്ടായിരുന്നത്. ദാവണ്‍ഗരെയിലെ സന്ദൂരില്‍ നിന്ന് ഹൂളിഗമ്മ ക്ഷേത്ര ദര്‍ശനത്തിനായി തിരിച്ചവരാണ് അപകടത്തില്‍പ്പെട്ടത്.

പഞ്ചാബ് നഗരസഭാ തെരഞ്ഞെടുപ്പ്: ബാലറ്റ് വേണമെന്ന് എഎപി, ഇവിഎം വേണമെന്ന് ബിജെപി

പഞ്ചാബില്‍ മുനിസിപ്പല്‍ കോര്‍പറേഷന്‍ തെരഞ്ഞെടുപ്പില്‍ ബാലറ്റ് പേപ്പര്‍ മതിയെന്ന് സംസ്ഥാനം ഭരിക്കുന്ന ആം ആദ്മി പാര്‍ട്ടി. ഇലക്ടോണിക് വോട്ടിങ് മെഷീന്‍ വേണമെന്ന് ബിജെപി. തെരഞ്ഞെടുപ്പിന്റെ സുതാര്യത ഉറപ്പുവരുത്താനാണ് ബാലറ്റ് പേപ്പര്‍ ഉപയോഗിക്കുന്നതെന്ന് എഎപി വാദിക്കുമ്പോള്‍ തോല്‍വി ഭയന്ന് ക്രമക്കേട് നടത്താനാണ് എഎപിയുടെ ശ്രമമെന്നാണ് ബിജെപിയുടെ ആരോപണം.

പ്രധാനമന്ത്രിയുടെ സുരക്ഷാ വാഹനങ്ങള്‍ കുറയ്ക്കരുത്; ട്രംപിന് നേരെയുണ്ടായ ആക്രമണം ചൂണ്ടിക്കാട്ടി റോ മുൻ സെക്രട്ടറി

ഇന്ധനം ലാഭിക്കാന്‍ പ്രധാനമന്ത്രി നരേന്ദ്ര മോദിയുടെ സുരക്ഷാ വാഹനങ്ങളുടെ എണ്ണം കുറയ്ക്കാനുള്ള തീരുമാനം പുനപരിശോധിക്കണമെന്ന് ഇന്ത്യന്‍ രഹസ്യാന്വേഷണ ഏജന്റായ റോയുടെ മുന്‍ സെക്രട്ടറി സാമന്ത് ഗോയല്‍. അമേരിക്കന്‍ പ്രസിഡന്റ് ഡോണാള്‍ഡ് ട്രംപ് നേരിട്ട ആക്രമണങ്ങളടക്കം ചൂണ്ടിക്കാട്ടിയാണ് റോയുടെ മുന്‍ സെക്രട്ടറിയുടെ പ്രതികരണം.

ഇന്ധനവില വര്‍ധന അംഗീകരിക്കാനാവില്ല; കേന്ദ്രത്തിനെതിരെ തമിഴ്നാട് മുഖ്യമന്ത്രി വിജയ്

രാജ്യത്ത് പെട്രോള്‍, ഡീസല്‍ വില വര്‍ധിപ്പിച്ചതില്‍ കേന്ദ്രസര്‍ക്കാരിനെതിരെ തമിഴ്നാട് മുഖ്യമന്ത്രി വിജയ് രംഗത്ത്. അഞ്ചു സംസ്ഥാനങ്ങളിലെ നിയമസഭയിലേക്കു തെരഞ്ഞെടുപ്പ് പൂര്‍ത്തിയായ ശേഷമാണ് കേന്ദ്രം പെട്രോള്‍ വില വര്‍ധിപ്പിച്ചതെന്ന് വിജയ് വിമര്‍ശിച്ചു. ഇന്ധനവില വര്‍ധന അംഗീകരിക്കാനാവില്ലെന്ന് വ്യക്തമാക്കിയ വിജയ്, കേന്ദ്രസര്‍ക്കാര്‍ തീരുമാനം പിന്‍വലിക്കണമെന്നും ആവശ്യപ്പെട്ടു.

രാഹുല്‍ ഗാന്ധിയുടെ വിദേശയാത്രകളെയും ചെലവുകളെയും ചോദ്യം ചെയ്ത് കേന്ദ്രമന്ത്രി കിരണ്‍ റിജ്ജു

രാഹുല്‍ ഗാന്ധിയുടെ വിദേശ യാത്രകള്‍ സംബന്ധിച്ചു ചോദ്യങ്ങളുമായി കേന്ദ്രമന്ത്രി കിരണ്‍ റിജ്ജു. രാഹുല്‍ ഇതുവരെ 54 വിദേശ യാത്രകള്‍ നടത്തി. രാഹുല്‍ ഗാന്ധി എത്ര ദിവസം ഇന്ത്യയ്ക്ക് പുറത്തു താമസിച്ചെന്നും വിദേശ യാത്രയ്ക്കിടെ എത്ര ചെലവു വന്നെന്നും റിജ്ജു ചോദിച്ചു.

ഭോപ്പാലില്‍ യുവതി ജീവനൊടുക്കിയ സംഭവം; ഭര്‍തൃമാതാവായ മുന്‍ ജഡ്ജിക്കെതിരെ കേസ്

അഞ്ചുമാസം മുന്‍പ് വിവാഹിതയായ യുവതി ഭര്‍തൃവീട്ടില്‍ ജീവനൊടുക്കിയ സംഭവത്തില്‍ ഭര്‍തൃമാതാവായ മുന്‍ ജഡ്ജിക്കെതിരേ കേസ്. നോയിഡ സ്വദേശിയായ ട്വിഷ ശര്‍മ(33)യെയാണ് മധ്യപ്രദേശിലെ ഭോപാലിലെ ഭര്‍തൃവീട്ടില്‍ തൂങ്ങിമരിച്ച നിലയില്‍ കണ്ടെത്തിയത്. യുവതിയുടെ ഭര്‍ത്താവും അഭിഭാഷകനുമായ സമര്‍ഥ് സിങ്, ഭര്‍തൃമാതാവും റിട്ട. ജഡ്ജിയുമായ ഗിരിബാല സിങ് എന്നിവര്‍ക്കെതിരേ കേസെടുത്തിട്ടുണ്ട്.

പ്രതിസന്ധിക്കിടെ ഇന്ത്യയ്ക്ക് 3 കോടി ബാരല്‍ പെട്രോളിയം ലഭ്യമാക്കാന്‍ യുഎഇയുമായി കരാര്‍

യുദ്ധ പ്രതിസന്ധിക്കിടെ ഇന്ത്യക്കു മൂന്നു കോടി ബാരല്‍ പെട്രോളിയം. പ്രധാനമന്ത്രി നരേന്ദ്രമോദി യുഎഇ യുമായി ഒപ്പുവച്ച കരാറിലാണ് ഈ ധാരണ. നിലവിലുള്ള വിവിധ സംഭരണികള്‍ക്ക് പുറമെ ഗ്യാസ് ശേഖരവും വര്‍ധിപ്പിക്കും. കപ്പല്‍ നിര്‍മ്മാണ മേഖലയില്‍ കൊച്ചിന്‍ ഷിപ്പ് യാര്‍ഡുമായും കരാറുണ്ട്. യുഎഇ സന്ദര്‍ശനം കഴിഞ്ഞ് മടങ്ങിയ പ്രധാനമന്ത്രി യുഎഇ പ്രസിഡന്റിനെ ഇന്ത്യയിലേക്ക് ക്ഷണിച്ചു.

യുഎഇയ്ക്ക് നേരെ നടന്ന ആക്രമണങ്ങളെ ശക്തമായി അപലപിച്ച് പ്രധാനമന്ത്രി നരേന്ദ്ര മോദി

യുഎഇക്കു നേരെ നടന്ന ആക്രമണങ്ങളെ അപലപിച്ച് പ്രധാനമന്ത്രി നരേന്ദ്ര മോദി. ആക്രമണങ്ങള്‍ ഒരു തരത്തിലും അംഗീകരിക്കാനാവില്ല. രാജ്യ സുരക്ഷയ്ക്കും ഐക്യത്തിനും പരമാധികാരത്തിനും യുഎഇ എടുക്കുന്ന നടപടികള്‍ സ്വാഗതം ചെയ്യുന്നതായും മോദി പറഞ്ഞു. മേഖലയിലെ സങ്കീര്‍ണ്ണമായ സാഹചര്യങ്ങള്‍ക്കിടയിലും യുഎഇ നേതൃത്വം പ്രകടിപ്പിക്കുന്ന വിവേകത്തെയും മനോധൈര്യത്തെയും അദ്ദേഹം പ്രശംസിച്ചു.

അമേരിക്കന്‍ സിഐഎ തലവനും ക്യൂബന്‍ രഹസ്യാന്വേഷണ സംഘവും രഹസ്യ കൂടിക്കാഴ്ച നടത്തി

അമേരിക്കന്‍ ചാര സംഘടനയായ സി ഐ എയുടെ തലവന്‍ ജോണ്‍ റാറ്റ്ക്ലിഫ് ക്യൂബന്‍ രഹസ്യാന്വേഷണ സംഘത്തിലെ ഉന്നത ഉദ്യോഗസ്ഥരുമായി കൂടിക്കാഴ്ച്ച നടത്തി. ക്യൂബയ്ക്ക് മേല്‍ അമേരിക്ക കൂടുതല്‍ പിടിമുറുക്കിയേക്കുമെന്നുള്ള സൂചനകള്‍ക്കിടെയാണ് നീക്കം. അമേരിക്കന്‍ സമ്മര്‍ദ്ദത്തെത്തുടര്‍ന്ന് കടുത്ത ഇന്ധനക്ഷാമം നേരിടുകയാണ് നിലവില്‍ ക്യൂബ.

ഇറാന്‍-അമേരിക്ക വെടിനിര്‍ത്തല്‍ പാകിസ്ഥാന്റെ അഭ്യര്‍ത്ഥന പ്രകാരമെന്ന് ഡൊണാള്‍ഡ് ട്രംപ്

ഇറാന്‍-അമേരിക്ക യുദ്ധത്തില്‍ അപ്രതീക്ഷിതമായി വെടിനിര്‍ത്തല്‍ പ്രഖ്യാപിച്ചത് പാകിസ്ഥാന്റെ പ്രത്യേക അഭ്യര്‍ത്ഥന മാനിച്ചാണെന്ന് ഡൊണാള്‍ഡ് ട്രംപ്. താന്‍ ഈ വെടിനിര്‍ത്തലിന് അനുകൂലമായിരുന്നില്ലെന്നും അദ്ദേഹം പറഞ്ഞു. പാകിസ്ഥാന്‍ പ്രധാനമന്ത്രിയെയും ഫീല്‍ഡ് Марഷലിനെയും പ്രശംസിച്ച ട്രംപ്, അവരോടുള്ള ബഹുമാനസൂചകമായാണ് ഈ തീരുമാനമെടുത്തതെന്നും വ്യക്തമാക്കി.

ചൈനീസ് പ്രസിഡന്റ് ഷി ജിന്‍പിങ് സെപ്റ്റംബറില്‍ വൈറ്റ് ഹൗസ് സന്ദര്‍ശിക്കും

ചൈനീസ് പ്രസിഡന്റ് ഷി ജിന്‍പിങ് ഇനി അമേരിക്കയിലേക്ക്. യുഎസ് പ്രസിഡന്റ് ഡോണാള്‍ഡ് ട്രംപിന്റെ ക്ഷണമേറ്റെടുത്ത് സെപ്റ്റംബര്‍ 24ന് ഷി ജിന്‍പിങ് വൈറ്റ് ഹൗസ് സന്ദര്‍ശിക്കുമെന്ന് ചൈനീസ് വിദേശകാര്യ മന്ത്രി വാങ് യി അറിയിച്ചു. ട്രംപ് ചൈനീസ് സന്ദര്‍ശനം പൂര്‍ത്തിയാക്കി മടങ്ങിപ്പോയി.

ഹജ്ജ് തീര്‍ത്ഥാടനം: എട്ടുലക്ഷത്തിലധികം ഭക്തര്‍ മക്കയിലെത്തി; സ്മാര്‍ട്ട് കാര്‍ഡുകള്‍ നിര്‍ബന്ധം

ഹജ്ജ് കര്‍മങ്ങള്‍ക്കായി ഇതുവരെ എട്ടുലക്ഷത്തി അറുപതിനായിരത്തിലധികം തീര്‍ത്ഥാടകര്‍ മക്കയിലെത്തി. ആകെ 15 ലക്ഷത്തിലധികം ഹാജിമാരെ സ്വീകരിക്കാനാണ് സൗദി അറേബ്യ ലക്ഷ്യമിടുന്നത്. 126 രാജ്യങ്ങളില്‍ നിന്നുള്ളവര്‍ക്ക് ഇടനിലക്കാരില്ലാതെ സേവനങ്ങള്‍ ബുക്ക് ചെയ്യാന്‍ ‘നുസ്‌ക്’ സ്മാര്‍ട്ട് കാര്‍ഡുകളും പ്ലാറ്റ്‌ഫോമും ഇത്തവണ നിര്‍ബന്ധമാക്കിയിട്ടുണ്ട്.

ഐപിഎല്‍: ചെന്നൈ സൂപ്പര്‍ കിംഗ്സിനെ തകര്‍ത്ത് ലക്നൗ സൂപ്പര്‍ ജയന്റ്സിന് ഉജ്ജ്വല വിജയം

ഐപിഎല്ലില്‍ ചെന്നൈ സൂപ്പര്‍ കിംഗ്സിനെ ഏഴു വിക്കറ്റിന് തകര്‍ത്ത് ലക്നൗ സൂപ്പര്‍ ജയന്റ്സ്. ആദ്യം ബാറ്റ് ചെയ്ത് ചെന്നൈ ഉയര്‍ത്തിയ 188 റണ്‍സിന്റെ വിജയലക്ഷ്യം മിച്ചല്‍ മാര്‍ഷിന്റെ വെടിക്കെട്ട് അര്‍ധ സെഞ്ചുറിയുടെ മികവില്‍ മൂന്ന് വിക്കറ്റ് മാത്രം നഷ്ടപ്പെടുത്തി 16.4 ഓവറില്‍ ലക്നൗ മറികടന്നു. 38 പന്തില്‍ 90 റണ്‍സടിച്ച മിച്ചല്‍ മാര്‍ഷ് ആണ് ലക്നൗവിന്റെ വിജയശില്‍പി.

എഐ വിപ്ലവം: ഇന്ത്യന്‍ ഐടി കമ്പനികളുടെ വിപണി മൂല്യത്തില്‍ 19 ലക്ഷം കോടിയുടെ വന്‍ ഇടിവ്

എഐയുടെ വരവോടെ രാജ്യത്തെ മുന്‍നിര ഐടി കമ്പനികളുടെ വിപണി മൂല്യത്തിലുണ്ടായത് കനത്ത ഇടിവ്. 2024ലെ ഏറ്റവും ഉയര്‍ന്ന നിലവാരത്തില്‍നിന്ന് 19 ലക്ഷം കോടി രൂപ (200 ബില്യണ്‍ ഡോളര്‍) അപ്രത്യക്ഷമായി. മൊത്തം മൂല്യത്തില്‍ 45 ശതമാനം ഇടിവ് ഇതിനകം സംഭവിച്ചുകഴിഞ്ഞു. ടിസിഎസ്, വിപ്രോ തുടങ്ങിയ കമ്പനികള്‍ക്ക് പകുതിയോളം മൂല്യം നഷ്ടമായി. 2024 ഡിസംബര്‍ 13-ന് ഐടി മേഖലയിലെ പ്രധാന കമ്പനികളുടെ മൊത്തം വിപണി മൂല്യം 40 ലക്ഷം കോടി രൂപയായിരുന്നു. എന്നാൽ 2026 മെയ് 14-ഓടെ 21 ലക്ഷം കോടി രൂപയായി കുറഞ്ഞു. ഓരോ കമ്പനികളുടെയും മൂല്യം പ്രത്യേകമെടുത്ത് കണക്കാക്കിയാല്‍ നഷ്ടം 20 ലക്ഷം കോടിയോളം വരും. അതുകൊണ്ടുതന്നെ ഇന്ത്യന്‍ ഐടി ചരിത്രത്തിലെ ഏറ്റവും വലിയ തകര്‍ച്ചകളിലൊന്നായി ഇതിനെ വിലയിരുത്തുന്നു.

ആമസോണും സിസ്‌കോയും ലിങ്ക്ഡ്ഇന്നും ആഗോളതലത്തില്‍ ജീവനക്കാരെ പിരിച്ചുവിടുന്നു

ആഗോളതലത്തില്‍ ജീവനക്കാരെ വെട്ടിക്കുറക്കാനൊരുങ്ങി മുന്‍നിര കമ്പനികള്‍. ആമസോണ്‍, സിസ്‌കോ, ലിങ്ക്ഡ്ഇന്‍ കമ്പനികളാണ് ജീവനക്കാരെ പിരിച്ചുവിടാനൊരുങ്ങുന്നത്. സിസ്‌കോ 4000ത്തോളം ജീവനക്കാരെ കുറക്കും. ആഗോളതലത്തില്‍ 80,000 ജീവനക്കാരാണ് സിസ്‌കോക്കുള്ളത്. മൈക്രോസോഫ്റ്റിന്റെ ഉടമസ്ഥതയിലുള്ള ലിങ്ക്ഡ്ഇന്‍ വിവിധ വിഭാഗങ്ങളിലെ ജീവനക്കാരെ കുറക്കുന്നു. ആമസോണ്‍ തങ്ങളുടെ സെല്ലിംഗ് പാര്‍ട്ണര്‍ സര്‍വീസസ് വിഭാഗത്തില്‍ പുതിയ പിരിച്ചുവിടലുകള്‍ പ്രഖ്യാപിച്ചു. എഐ നിക്ഷേപം വര്‍ദ്ധിപ്പിക്കുന്നതിന്റെ ഭാഗമായാണ് എല്ലാ കമ്പനികളുടേയും പിരിച്ചുവിടല്‍.

നടന്‍ റാം പൊതിനേനി സംവിധായകനാകുന്നു; സൈക്കോളജിക്കല്‍ ആക്ഷന്‍ ത്രില്ലര്‍ ഒരുങ്ങുന്നു

പ്രശസ്ത തെലുങ്കു താരം റാം പൊതിനേനി സംവിധായകനായി അരങ്ങേറ്റം കുറിക്കുന്നു. അദ്ദേഹം തന്നെ നായകനായി എത്തുന്ന ചിത്രം നിര്‍മ്മിക്കുന്നത് റാപോ സിനിമാറ്റിക്സ് ബാനറില്‍ കൃഷ്ണ പൊതിനേനി ആണ്. റാം പൊതിനേനിയുടെ 23 -ാം ചിത്രമായാണ് ഒരുങ്ങുന്നത്. തെലുങ്ക് സിനിമയില്‍ അപൂര്‍വമായി മാത്രം വന്നിട്ടുള്ള ഒരു സ്‌റ്റൈലിഷ് സൈക്കോളജിക്കല്‍ ആക്ഷന്‍ ത്രില്ലര്‍ ആയാണ് ഈ ചിത്രം ഒരുക്കാന്‍ പോകുന്നത്. ജൂണില്‍ ചിത്രത്തിന്റെ ചിത്രീകരണം ആരംഭിക്കുമെന്നും ഈ വര്‍ഷം ഡിസംബറില്‍ ചിത്രം റിലീസ് ചെയ്യുമെന്നും നിര്‍മ്മാതാക്കള്‍ പ്രതീക്ഷിക്കുന്നു.

മാരി സെല്‍വരാജിന്റെ സൂപ്പര്‍ഹിറ്റ് ചിത്രം ‘വാഴൈ’യുടെ രണ്ടാം ഭാഗം വരുന്നു; നെറ്റ്ഫ്ലിക്സ് നിര്‍മ്മാണം

മാരി സെല്‍വരാജിന്റെ ബ്ളോക് ബസ്റ്റര്‍ ചിത്രം വാഴൈയുടെ രണ്ടാം ഭാഗം ‘വാഴൈ 2’ എന്നുപേരില്‍ ഒരുങ്ങുന്നു. കതിര്‍, കയാദു ലോഹര്‍, അനുപമ പരമേശ്വരന്‍ എന്നിവര്‍ കേന്ദ്രകഥാപാത്രത്തെ അവതരിപ്പിക്കുന്നു. നെറ്റ് ഫ്ലിക്സാണ് നിര്‍മ്മാണം. കലൈയരശന്‍, നിഖില വിമല്‍ തുടങ്ങിയവരെ പ്രധാന കഥാപാത്രമാക്കി മാരി സെല്‍വരാജ് സംവിധാനം ചെയ്ത വാഴൈ കേരളത്തിലും മികച്ച വിജയം നേടിയിരുന്നു.

ബിവൈഡി ഇലക്ട്രിക് കാറുകള്‍ക്ക് മെയ് മാസത്തില്‍ 5.2 ലക്ഷം രൂപ വരെ വന്‍ ആനുകൂല്യങ്ങള്‍

മെയ് മാസം ഇലക്ട്രിക് കാറുകള്‍ക്ക് പ്രത്യേക ആനുകൂല്യങ്ങളുമായി ചൈനീസ് ഇലക്ട്രിക് കാര്‍ കമ്പനിയായ ബിവൈഡി. 2026 ജൂലൈ മുതല്‍ കാറുകളുടെ വില വര്‍ദ്ധിപ്പിക്കുമെന്ന് പ്രഖ്യാപിച്ച സമയത്താണ് ഈ ഓഫര്‍ വരുന്നത്. ബിവൈഡി ഇ-മാക്സ് 7 ന് 5.2 ലക്ഷം വരെ ആനുകൂല്യങ്ങള്‍ വാഗ്ദാനം ചെയ്യുന്നു. ദീര്‍ഘിപ്പിച്ച വാറന്റിയും ഏഴ് വര്‍ഷത്തേക്ക് സൗജന്യ അറ്റകുറ്റപ്പണി പാക്കേജും കമ്പനി വാഗ്ദാനം ചെയ്യുന്നുണ്ട്.

കുട്ടികള്‍ക്കും മുതിര്‍ന്നവര്‍ക്കുമായി വി.എം. ഗിരിജയുടെ പുതിയ ബാലനോവല്‍ ‘ഈ വല്ലിയില്‍നിന്നു ചെമ്മേ’

സാങ്കേതികവിദ്യയില്‍ അറിവുള്ള പൂച്ച ഒരു കുട്ടിയെഴുതുന്ന നോവലിലെ കഥാപാത്രമായാല്‍ എന്ത് സംഭവിക്കും എന്ന ചോദ്യത്തിനുത്തരമാണ് അമ്മയും പൊന്നുവും പൂച്ചയും കേന്ദ്രകഥാപാത്രങ്ങളാകുന്ന ഈ നോവല്‍. പൂച്ചകളുടെ ചില സ്വഭാവസവിശേഷതകളെ സൂക്ഷ്മമായി നിരീക്ഷിക്കുകയും ആവിഷ്‌കരിക്കുകയും ചെയ്യുന്ന ‘ഈ വല്ലിയില്‍നിന്നു ചെമ്മേ’ എന്ന ബാലനോവല്‍ കുട്ടികള്‍ക്കും മുതിര്‍ന്നവര്‍ക്കും ഒരുപോലെ ആസ്വാദനക്ഷമമാണ്. മാതൃഭൂമി ബുക്സ് പ്രസിദ്ധീകരിച്ച പുസ്തകത്തിന്റെ വില 112 രൂപയാണ്.

പിസിഒഎസ് (PCOS) ഇനി മുതല്‍ ആഗോളതലത്തില്‍ പുതിയ പേരില്‍ അറിയപ്പെടും

പിസിഒഎസ് അഥവാ പോളിസിസ്റ്റിക് ഓവറി സിന്‍ഡ്രോം സ്ഥിരീകരിക്കുന്നവരുടെ എണ്ണം ഇന്ന് വ്യാപകമായി കൂടിവരികയാണ്. ഇതിന്റെ ഗൗരവം കൂടുതല്‍ മനസ്സിലാക്കുന്നതിന് രോഗത്തിന്റെ പേര് ആഗോളതലത്തില്‍ പരിഷ്‌കരിച്ചു. ഇനി മുതല്‍ ഇത് ‘പോളിഎന്‍ഡോക്രെയ്ന്‍ മെറ്റബോളിക്ക് ഒവേറിയൻ സിന്‍ഡ്രോം’ എന്നാണ് അറിയപ്പെടുക. ലാന്‍സെറ്റ് ജേര്‍ണലില്‍ ഇതുസംബന്ധിച്ച പഠനം പ്രസിദ്ധീകരിച്ചിട്ടുണ്ട്. ആര്‍ത്തവ തകരാറുകള്‍ക്കൊപ്പം പ്രത്യുത്പാദനക്ഷമത, ശരീരഭാരം കൂടുക, മാനസികാരോഗ്യം, ഹൃദയത്തിന്റെ ആരോഗ്യം എന്നിവയെ ബാധിക്കുന്ന ഒരു സങ്കീര്‍ണ്ണമായ ഹോര്‍മോണല്‍, മെറ്റബോളിക് ഡിസോര്‍ഡര്‍ ആണിതെന്ന തിരിച്ചറിവിലാണ് ഈ മാറ്റം.

ദാരുണം;ഓടിക്കൊണ്ടിരുന്ന കാറിന് തീപിടിച്ച് ഗര്‍ഭിണി മരിച്ചു, ഭർത്താവ് ഗുരുതര നിലയിൽ

May 15, 2026

കോഴിക്കോട്. ഓടിക്കൊണ്ടിരുന്ന കാറിന് തീപിടിച്ച് ഗര്‍ഭിണി മരിച്ചു . കക്കറമുക്ക് സ്വദേശി സോനയാണ് മരിച്ചത…

ഭര്‍ത്താവ് ലാലുവിന് ഗുരുതരമായി പൊള്ളലേറ്റു . ഇദ്ദേഹത്തെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

പേരാമ്പ്ര ചെറു വണ്ണൂരിൽ വച്ചായിരുന്നു അപകടം

രാത്രി ഒൻപത് മണിയോടെ ഇരുവരും ആശുപത്രിയിൽ നിന്ന് മടങ്ങുന്നതിനിടെയാണ് അപകടമുണ്ടായത്. കാറിൻ്റെ മുൻവശത്ത് നിന്ന് പുക ഉയരുന്നത് കണ്ട് ലാലു പെട്ടെന്ന് പുറത്തിറങ്ങി. ഇതിനിടെ കാർ പെട്ടെന്ന് ലോക്കായതിനാൽ ഗർഭിണിയായ സോനയ്ക്ക് പുറത്തിറങ്ങാനായില്ല. തുടർന്ന് വലിയ സ്ഫോടന ശബ്ദത്തോടെ കാർ പൊട്ടിത്തെറിക്കുകയായിരുന്നുവെന്ന് ദൃക്സാക്ഷികളായ നാട്ടുകാർ പറയുന്നു. ശബ്ദം കേട്ട് ഓടിയെത്തിയ നാട്ടുകാർ വെള്ളമൊഴിച്ച് തീ അണയ്ക്കാൻ ശ്രമിച്ചു. പിന്നീട് ഫയർഫോഴ്സ് എത്തി പൂർണ്ണമായും തീ അണച്ചതിന് ശേഷമാണ് കാറിന്റെ പിൻസീറ്റിൽ നിന്ന് സോനയുടെ മൃതദേഹം കണ്ടെത്തിയത്.

വി ഡി സതീശന് കൊച്ചിയില്‍ വന്‍ സ്വീകരണം

May 15, 2026

കൊച്ചി: നിയുക്ത മുഖ്യമന്ത്രി വിഡി സതീശന് കൊച്ചിയില്‍ വന്‍ സ്വീകരണം. തിരുവനന്തപുരത്തുനിന്ന് നെടുമ്പാശ്ശേരി വിമാനത്താവളത്തിലെത്തിയ വിഡി സതീശനെ മുദ്രാവാക്യങ്ങളും ആര്‍പ്പുവിളികളോടെയുമാണ് കോണ്‍ഗ്രസ്, യുഡിഎഫ് പ്രവര്‍ത്തകര്‍ സ്വീകരിച്ചത്. നിയുക്ത എംഎല്‍എമാരും സതീശനെ സ്വീകരിക്കാനെത്തിയിരുന്നു. സുരക്ഷാ ഉദ്യോഗസ്ഥര്‍ ഏറെ പണിപ്പെട്ടാണ് അദ്ദേഹത്തെ വാഹനത്തിലേക്ക് കയറ്റിയത്.

കൊച്ചിയിലെത്തിയതിന് പിന്നാലെ മുതിര്‍ന്ന നേതാവ് വയലാര്‍ രവിയെ വിഡി സതീശന്‍ സന്ദര്‍ശിച്ചു. നിയുക്ത എംഎല്‍എ ഉമാ തോമസ് ഉള്‍പ്പടെ നിരവധി നേതാക്കളും ഒപ്പമുണ്ടായിരുന്നു. നാളെ രാവിലെ വിഡി സതീശന്‍ തിരുവനന്തപുരത്തേക്ക് മടങ്ങും.

ഇക്കൊല്ലത്തെ എസ്എസ്എല്‍സി ഫലം പ്രഖ്യാപിച്ചത് 1986-ലെ മൂന്നാം റാങ്കുകാരി

ഇക്കൊല്ലത്തെ എസ്എസ്എല്‍സി ഫലം പ്രഖ്യാപിച്ചത് 1986-ലെ മൂന്നാം റാങ്കുകാരി

May 15, 2026

തിരുവനന്തപുരം: ഇക്കൊല്ലത്തെ എസ്എസ്എല്‍സി ഫലം പ്രഖ്യാപിച്ചത് 1986-ലെ മൂന്നാം റാങ്കുകാരി. 1986ലെ എസ്എസ്എല്‍സി പരീക്ഷയില്‍ സംസ്ഥാനത്ത് മൂന്നാം റാങ്ക് നേടിയ, പൊതുവിദ്യാഭ്യാസ പ്രിന്‍സിപ്പല്‍ സെക്രട്ടറി ഡോ. ഷര്‍മിള മേരി ജോസഫ് ഇന്ന് എസ്എസ്എല്‍സി പരീക്ഷാഫലം പ്രഖ്യാപിച്ചതോടെയാണ് അതൊരു അപൂര്‍വ്വതയായി മാറിയത്. സാധാരണഗതിയില്‍ ഫലപ്രഖ്യാപനം നടത്തുന്നത് വിദ്യാഭ്യാസ മന്ത്രിയാണ്. ഇത്തവണ തെരഞ്ഞെടുപ്പ് കഴിഞ്ഞ് പുതിയ മന്ത്രിസഭ അധികാരത്തില്‍ എത്താന്‍ കാലതാമസം നേരിടുന്ന പശ്ചാത്തലത്തിലാണ് പൊതുവിദ്യാഭ്യാസ പ്രിന്‍സിപ്പല്‍ സെക്രട്ടറി ഫലം പ്രഖ്യാപിച്ചത്. ഇതോടെയാണ് ഈ അപൂര്‍വ്വ നിമിഷത്തിന് കേരളം സാക്ഷിയായത്.

ഇതിനെ ഒരു നിയോഗമായാണ് കാണുന്നതെന്ന് ഷര്‍മിള മേരി ജോസഫ് മാധ്യമങ്ങളോട് പറഞ്ഞു. ഫലം തനിക്ക് പ്രഖ്യാപിക്കേണ്ടി വരുമെന്ന് പ്രതീക്ഷിച്ചിരുന്നില്ല. അന്നും എസ്എസ്എല്‍സി പരീക്ഷയില്‍ നല്ല കടുത്ത മത്സരം ഉണ്ടായിരുന്നു. രാവിലെയും ഉച്ചയ്ക്കുമായിട്ടായിരുന്നു പരീക്ഷ. ബുധനാഴ്ച തുടങ്ങി അടുത്ത ബുധനാഴ്ച തീരുന്ന തരത്തില്‍ ആറു ദിവസമായിരുന്നു പരീക്ഷ. അന്ന് റാങ്ക് കിട്ടുമെന്ന് പ്രതീക്ഷിച്ചിരുന്നതായും ഷര്‍മിള മേരി ജോസഫ് പറഞ്ഞു.

ഹോളി ഏഞ്ചല്‍സ് കോണ്‍വെന്റ് സ്‌കൂളിലാണ് പഠിച്ചത്. അന്ന് ആദ്യ മൂന്ന് റാങ്കും പെണ്‍കുട്ടികളാണ് കരസ്ഥമാക്കിയത്. നിലവില്‍ കുട്ടികള്‍ക്ക് നിരവധി അവസരങ്ങള്‍ ഉണ്ട്. അവ വേണ്ട പോലെ പ്രയോജനപ്പെടുത്തുക. നന്നായി പഠിക്കാനും ഫോക്കസ് ചെയ്ത് പഠിക്കാനുമായിരുന്നു കുട്ടികള്‍ക്കായി ഷര്‍മിള മേരി ജോസഫിന്റെ ഉപദേശം. സ്വപ്നം കാണാനും അത് നേടിയെടുക്കാനും പരിശ്രമിക്കാനും ഡോക്ടര്‍ ആയ ശേഷം എംഡി പഠിച്ച് കൊണ്ടിരിക്കേ ഐഎഎസ് കിട്ടിയ ഷര്‍മിള പറഞ്ഞു.

ചവറ പുത്തൻതുറ താഴത്തുരുത്ത് പല്ലാടിക്കൽ പുത്തൻ വീട്ടിൽ രാജലക്ഷ്മി നിര്യാതയായി

May 15, 2026

ചവറ. പുത്തൻതുറ താഴത്തുരുത്ത് പല്ലാടിക്കൽ പുത്തൻ വീട്ടിൽ പരേതനായ ഗോപാലകൃഷ്ണപിള്ളയുടെ ഭാര്യ രാജലക്ഷ്മി (72)
നിര്യാതയായി. സംസ്ചകാരടങ്ങുകൾ
നാളെ ഉച്ചക്ക് 12 മണിക്ക്
മക്കൾ : സജീവൻ (കേരള പോലീസ് )
രാജേഷ്.
മരുമക്കൾ: ആശ, അനില
സഞ്ചയനം: 24 ഞാറയാഴ്ച രാവിലെ 8 മണി

തേളിൻ്റെ കുത്തേറ്റ് ചികിത്സയിലിരുന്ന വിദ്യാർത്ഥി മരിച്ചു

May 15, 2026

പാലക്കാട്.തേളിൻ്റെ കുത്തേറ്റ് ചികിത്സയിലിരുന്ന വിദ്യാർത്ഥി മരിച്ചു.പുതുക്കോട് തച്ചനടി ചന്തപ്പുര നസ്ലീം മുഹമ്മദ് (18) ആണ് മരിച്ചത്.കളിക്കുന്നതിടെ കഴിഞ്ഞ ആഴ്ചയാണ് അപകടം .വിഷബാധയേറ്റാണ് മരണമെന്ന് പോസ്റ്റ്‌മാർട്ടം റിപ്പോർട്ട്‌ .

ആന്തരികാവയങ്ങളുടെ പരിശോധനയും നടക്കും.നസ്ലിം കിടന്നിരുന്നതിനു സമീപത്ത് നിന്ന് പാമ്പിനെയും കണ്ടെത്തിയിരുന്നു.എന്നാൽ പാമ്പ് കടിയേറ്റിട്ടില്ലെന്നാണ് നിഗമനം

തൊടുപുഴയിൽ യൂത്ത് ലീഗ് പ്രവർത്തകർ മുഴക്കിയ മുദ്രാവാക്യം 2022ലേതിന്റെ ആവർത്തനമെന്ന് ആക്ഷേപം

തൊടുപുഴയിൽ യൂത്ത് ലീഗ് പ്രവർത്തകർ മുഴക്കിയ മുദ്രാവാക്യം 2022ലേതിന്റെ ആവർത്തനമെന്ന് ആക്ഷേപം

May 15, 2026

കൊച്ചി. തൊടുപുഴയിൽ യൂത്ത് ലീഗ് പ്രവർത്തകർ മുഴക്കിയ മുദ്രാവാക്യം 2022ലേതിന്റെ ആവർത്തനം.
ഇടവെട്ടി പഞ്ചായത്തിലാണ് 4 വർഷം മുമ്പ് സമാനമായ മുദ്രാവാക്യങ്ങൾ
ലീഗ് പ്രവർത്തകർ ഉയർത്തിയത്. എസ് ഡി പി ഐയുടെ പ്രചാരണ സംഘടനായായി യൂത്ത് ലീഗ് മാറിയെന്നും കേരളം ഭരിക്കാൻ പോകുന്നത് മുസ്ലീ തീവ്രവാദമെന്ന സൂചനയാണന്നും സിപിഎം ജില്ലാ സെക്രട്ടറി സി വി വർഗീസ് കുറ്റപ്പെടുത്തി. അതേസമയം,വയനാട് വെള്ളമുണ്ടയും തൊടുപുഴമോഡൽ പ്രകടനത്തിന് സാക്ഷിയായി

നാലു വർഷം മുമ്പ് ഇടവെട്ടിയിൽ സി പി എമ്മിനെതിരെ യൂത്ത് ലീഗ് – മുസ്ലീം ലീഗ് പ്രവർത്തകർ സംഘടിപ്പിച്ച പ്രകടനത്തിലും കഴിഞ്ഞ ദിവസത്തെ ആഹ്ലാദപ്രകടനത്തിനിടയുയർത്തിയതിന് സമാനമായ മുദ്രാവാക്യം മുഴങ്ങി കേട്ടിരുന്നു

ലീഗ് ഭരിക്കും ഇടവെട്ടി എന്നതിൽ ഇടവെട്ടിയുടെ സ്ഥാനത്ത് ഇന്നലെ കേരളം എന്ന് മാറ്റിയെന്ന വ്യത്യാസംമാത്രം.
അന്ന് പ്രകടനത്തിന് നേതൃത്വം നൽകിയ എം എസ് എഫ് ഇടുക്കി ജില്ലാ ഉപാധ്യക്ഷൻ പി എം ബാവയും കൂട്ടരും തന്നെയാണ് ഇന്നലെയും മുദ്രാവാക്യം മുഴക്കിയതെന്നാണ് ആക്ഷേപം. സംഭവത്തിന് പിന്നാലെ സംസ്ഥാന നേതൃത്വം ഇടപെട്ട് യൂത്ത് ലീഗ് ഇടുക്കി ജില്ലാ കമ്മിറ്റിയെ സസ്പെൻഡ് ചെയ്തെങ്കിലും സസ്പെൻഷൻ പ്രമോഷന്റെ ഭാഗമെന്ന് സിപിഎം ജില്ലാ സെക്രട്ടറി സി വി വർഗീസ്. 10 വർഷം കേൾക്കാത്ത ഇത്തരം മുദ്രാവാക്യങ്ങൾ ഇപ്പോൾ ഉയർന്നു കേൾക്കുന്നത് ഭാവി കേരളം ഗൗരവമായി കാണന്നമെന്നും സിവി വർഗ്ഗീസ് പറഞ്ഞു

സമുദായ നേതാക്കളെ തെരുവിൽ അധിക്ഷേപിച്ച യുത്ത് ലീഗ് തീകൊള്ളിക്കൊണ്ട് തല ചൊറിയുകയാണെന്ന് യുവമോർച്ച. പാണക്കാട് തങ്ങൾമാർക്ക് യൂത്ത് ലീഗിനായി രക്തസാക്ഷി പിരിവ് നടത്തേണ്ട അവസ്ഥ വരുമെന്നും ഇടുക്കി സൗത്ത് ജില്ലാ പ്രസിഡന്റ്‌ അനന്ദു മങ്കാട്ടിൽ പറഞ്ഞു.

യൂത്ത് ലീഗിന്റെ വിവാദ മുദ്രാവാക്യത്തിൽവ്യാപകമായ പ്രതിഷേധമാണ് ഉയരുന്നത്

ഭാര്യയെ വെട്ടിക്കൊന്ന ശേഷം ഭർത്താവ് ജീവനൊടുക്കി

ഭാര്യയെ വെട്ടിക്കൊന്ന ശേഷം ഭർത്താവ് ജീവനൊടുക്കി

May 15, 2026

പെരുമ്പാവൂർ. മഞ്ഞപ്പെട്ടിയിൽ ഭാര്യയെ വെട്ടിക്കൊന്ന ശേഷം ഭർത്താവ് ജീവനൊടുക്കി.കുതിരപ്പറമ്പ് പ്ലാവിടപ്പറമ്പിൽ വീട്ടിൽ അംബികയാണ് കൊല്ലപ്പെട്ടത്.ഭർത്താവ് ചന്ദ്രൻ പ്രദേശത്ത് തന്നെയുള്ള ആളൊഴിഞ്ഞ പറമ്പിലെ മരത്തിൽ തൂങ്ങിമരിച്ചു.

കുടുംബ പ്രശ്നമാണ് കാരണം.ചന്ദ്രന്റെ ആക്രമണത്തിൽ മകൻ സനലിനും പരിക്കേറ്റു.സനലിന്റെ തലയ്ക്കും മുഖത്തുമാണ് പരിക്കേറ്റത്.സനൽ എറണാകുളം മെഡിക്കൽ കോളേജിൽ ചികിത്സയിലാണ്.

പതിമൂന്നുകാരിയെ പീഡിപ്പിക്കാൻ ശ്രമം,പ്രതി അറസ്റ്റിലായി

1...741742743...1,593 Page 742 of 1,593

Click Here to Join WhatsApp Community