കരുനാഗപ്പള്ളി. നിയോജകമണ്ഡലത്തിൽ C.R. മഹേഷിന് എതിരായി സുഹൃത്തും കോൺഗ്രസ് നേതാവുമായ ബോബൻ ജി.നാഥ് സ്വതന്ത്ര സ്ഥാനാർത്ഥിയായി നാമനിർദ്ദേശപത്രിക സമർപ്പിച്ചു. ഉപവരണാധികാരി തഹസിൽദാർ എസ്.സുജാത ദേവി മുൻപാകെയാണ് പത്രിക സമർപ്പിച്ചത്. ഡോ: ബി.ആർ. അംബേകർ സ്റ്റഡി സെന്റര് ചാരിറ്റബിൾ ട്രസ്റ്റ് ചെയർമാനാണ് ബോബൻ.ജി.നാഥ്. നേരത്തേ തന്നെ കരുനാഗപ്പള്ളിയിൽ മത്സരിക്കുമെന്ന് ബോബൻ വ്യക്തമാക്കിയിരുന്നു. കോണ്ഗ്രസിലെ പടലപ്പിണക്കങ്ങളാണ് ബോബനെ മല്സരത്തിനായി എത്തിച്ചതെന്ന് സൂചനയുണ്ട്. തൊടിയൂര് രാമചന്ദ്രന്റെ പാര്ട്ടി മാറ്റവും ഇതിന്റെ ഭാഗമായിരുന്നു.
