ശാസ്താംകോട്ട: ബിഷപ്പ് എം.എം.സി. എസ്. പി.എം ഹൈസ്കൂളിന്റെ സുവർണ്ണ ജൂബിലി ആഘോഷങ്ങളുടെ ഭാഗമായി കുട്ടികളിലെ സർഗ വാസന കണ്ടെത്തുന്നതിനും പ്രോത്സാഹിപ്പിക്കുന്നതിനുമായി റവ. ഫാദർ ജോൺ സ്ലീബ മുഖത്തലയുടെ ആഭിമുഖ്യത്തിൽ വരയും വരിയും വയൽക്കിളികളും എന്ന പരിപാടി സംഘടിപ്പിച്ചു.
പി.ടി.എ പ്രസിഡൻ്റ് അധ്യക്ഷത വഹിച്ച യോഗത്തിൽ പ്രിൻസിപ്പൽ ഇൻ- ചാർജ്ജ് ബിന്ദു എലിസബത്ത് കോശി സ്വാഗതം അർപ്പിച്ചു. റവ. ഫാദർ ജോൺ സ്ലീബ മുഖത്തല പരിപാടി ഉത്ഘാടനം ചെയ്തു. ശ്യാം ഏനാത്ത് കവിതകളിലൂടെയും ശ്രീനവ് എസ് വിമൽ വരകളിലൂടെയും കുട്ടികളെ ആസ്വാദനത്തിൻ്റെ നെറുകയിലെത്തിച്ചു. നിരവധി വിദ്യാർ ത്ഥികൾ പരിപാടിയിൽ സജീവമായി പങ്കെടുത്തു. റവ. ഫാദർ ബഹനാൻ കോരുത് ( സ്കൂൾ അഡ്മിനിസ്ട്രേറ്റർ) ആശംസയും സോളമൻ രാജു (സുവർണ്ണ ജൂബിലി പ്രോഗ്രാം കമ്മിറ്റി അംഗം) നന്ദിയും അറിയിച്ചു.
