കൊല്ലം: ഒരേ പേരുകാരുടെ കൂട്ടായ്മയ്ക്ക് രൂപം നല്‍കി രാജീവന്മാര്‍ ഒത്തുചേര്‍ന്നപ്പോള്‍ രാജീവം കൊല്ലം പിറവിയെടുത്തു. സംസ്ഥാനത്തെ രാജീവം എന്ന രാജീവുമാരുടെ കൂട്ടായ്മ ശക്തിപ്പെടുത്തുന്നതിന്റെ ഭാഗമായാണ് കൊല്ലത്തും രാജീവുമാര്‍ ഒത്തുചേര്‍ന്നത്. ജില്ലയിലെ മുഴുവന്‍ രാജീവുമാരെയും പങ്കെടുപ്പിച്ചുകൊണ്ട് രാജീവം സംഗമം സംഘടിപ്പിക്കാനും വിവിധ പദ്ധതികള്‍ക്ക് രൂപം നല്‍കാനും യോഗം തീരുമാനിച്ചു.
കൊല്ലം റിറ്റ്‌സ് ഹോട്ടലില്‍ നടന്ന യോഗത്തില്‍ രാജീവ് പതാരം അധ്യക്ഷനായി. ഭാരവാഹികള്‍ : രാജീവ് ജെ.എസ്, കണ്ടച്ചിറ (രക്ഷാധികാരി), രാജീവ് ദേവലോകം (പ്രസി.),രാജീവ് പതാരം, രാജീവ് ഓടനാവട്ടം (വൈ.പ്രസി.),രാജീവ് തോമസ് (സെക്ര.), രാജീവ് ചാത്തിനാംകുളം, രാജീവ് കടത്തൂര്‍ (ജോ.സെക്രട്ടറി), രാജീവ് കുമാര്‍, കിളികൊല്ലൂര്‍ (ട്രഷ.) എന്നിവരടങ്ങുന്ന 18 അംഗ കമ്മിറ്റിയെ തിരഞ്ഞെടുത്തു. രാജീവത്തില്‍ അംഗമാകാന്‍ ജില്ലയില്‍ സ്ഥിരം താമസമുള്ള രാജീവുമാര്‍ക്ക് 9447439063,9497135644 എന്നീ നമ്പരുകളില്‍ ബന്ധപ്പെടാവുന്നതാണ്.
