Advertisement
ശാസ്താംകോട്ട:കെ.എസ്.എം ദേവസ്വം ബോർഡ് കോളജിലെ കോളേജിലെ പൂർവ്വ വിദ്യാർത്ഥികളായ ടൂറിസം സാംസ്കാരിക വകുപ്പ് മന്ത്രിയും കുണ്ടറ എംഎൽഎയുമായ പി.സി വിഷ്‌ണു നാഥിനും കരുനാഗപ്പള്ളി
എംഎൽഎ സി.ആർ മഹേഷിനും,കോളേജ് സ്ഥിതി ചെയ്യുന്ന കുന്നത്തൂരിലെ എംഎൽഎ ഉല്ലാസ് കോവൂരിനും ആദരവ് നൽകും.28ന് ഉച്ചയ്ക്ക് 2.30ന് കോളേജിൽ നടക്കുന്ന ചടങ്ങിൽ ഇവർക്ക് കോളേജിന്റെ സ്നേഹാദരം സമ്മാനിക്കുന്നു.ദേവസ്വം ബോർഡ് അംഗവും മുൻ മന്ത്രിയുമായ പി.രാജു ഉദ്ഘാടനം ചെയ്യും.
കോളേജ് പ്രിൻസിപ്പാൾ ഡോ.കെ.എസ് അനിൽകുമാർ അധ്യക്ഷത വഹിക്കും.അധ്യാപകരും വിദ്യാർത്ഥികളും പൂർവ വിദ്യാർത്ഥികളും ചടങ്ങിൽ പങ്കെടുക്കും.പതിനാറാം കേരള നിയമസഭയിലേക്ക് കുണ്ടറയെ പ്രതിനിധീകരിച്ച് പി.സി വിഷ്ണുനാഥും, കരുനാഗപ്പള്ളിയെ പ്രതിനിധീകരിച്ച് സി.ആർ മഹേഷും തെരഞ്ഞെടുക്കപ്പെട്ടത് ശാസ്താംകോട്ട കോളേജിന് ചരിത്ര നേട്ടമാണ് സമ്മാനിച്ചത്.
