ശാസ്‌താംകോട്ട:സൗദി ഈസ്‌റ്റേൺ പ്രോവിൻസ് (ദമ്മാം) ഒ.ഐ.സി.സി.യുടെ നേതൃത്വത്തിൽ മുൻകാല പ്രവർത്തകരുടെയും അവധിക്കായി നാട്ടിലുള്ള പ്രവർത്തകരുടെയും സംഗമം റീകണക്റ്റ് 2026 @ കേരളം എന്ന പേരിൽ സംഘടിപ്പിച്ചു.ഗ്രീൻ വാലി ഓഡിറ്റോറിയത്തിൽ വച്ച് നടന്ന പരിപാടി സൗദി ഈസ്‌റ്റേൺ പ്രോവിൻസ് ഒഐസിസി പ്രസിഡൻ്റ് ഇ.കെ സലീമിൻ്റെ അദ്ധ്യക്ഷതയിൽ കെപിസിസി മുൻ എക്സിക്യൂട്ടീവ് കമ്മിറ്റി മെംബറും ഒ.ഐ.സി.സി ഗ്ലോബൽ ഉപാദ്ധ്യക്ഷനുമായ അഹമ്മദ് പുളിക്കൽ ഉദ്ഘാടനം ചെയ്തു.സംസ്ഥാന ആഭ്യന്തര വകുപ്പ് മന്ത്രി രമേശ് ചെന്നിത്തല മുഖ്യാതിഥി ആയിരുന്നു.ഐക്യത്തോടെയും ഒത്തൊരുമയോടെയും മുന്നോട്ട് പോകുന്ന ദമ്മാം ഒഐസിസി ഇത്തരം സംഗമത്തിലുടെ പുതിയ ഒരു മാതൃക സൃഷ്‌ടിക്കുകയാണെന്ന് അദ്ദേഹം പറഞ്ഞു.
എംഎൽഎമാരായ പഴകളം മധു,അഡ്യ: ശാന്തകുമാർ,അബിൻ വർക്കി,മുൻ കെപിസിസി ജനറൽ സെക്രട്ടറി മാന്നാർ അബ്‌ദുൾ ലത്തീഫ്,കോൺഗ്രസ്സ് അടൂർ ബ്ലോക്ക് പ്രസിഡൻ്റ് ആബിദ് ഷഹിം,ഒ.ഐ.സി.സി സൗദി നാഷണൽ കമ്മിറ്റി പ്രസിഡൻ്റ് ബിജു കല്ലുമല,മുൻ ദമ്മാം ഒഐസിസി നേതാക്കളായ അഡ്വ:കെ.വൈ സുധീന്ദ്രൻ,ചന്ദ്രൻ കല്ലട,ചന്ദ്രമോഹൻ ദമ്മാം ഒ ഐ സി സി നേതാക്കളായ ജോൺ കോശി,റഫീഖ് കുട്ടിലങ്ങാടി, ഹനീഫ് റാവുത്തർ, ബഹ്‌റൈൻ ഒ ഐ സി സി നേതാവ് രാജു കല്ലുംപുറം എന്നിവർ സംസാരിച്ചു.സൗദി ഈസ്‌റ്റേൺ പ്രോവിൻസ് ഒ.ഐ.സി.സി സംഘടനാ ജനറൽ സെക്രട്ടറി ഷിഹാബ് കായംകുളം സ്വാഗതവും, വൈസ് പ്രസിഡൻ്റ് പി.കെ അബ്ദുൽ കരിം നന്ദിയും പറഞ്ഞു.
