കൊല്ലം: ഭാര്യയെ കൊലപ്പെടുത്താന്‍ ശ്രമിച്ച കേസില്‍ ഭര്‍ത്താവ് അറസ്റ്റില്‍. പള്ളിത്തോട്ടം എച്ച് ആന്റ് സി കോമ്പൗണ്ടില്‍ ഗാന്ധി നഗര്‍-17ല്‍ ഷഹനാസ് (28) ആണ് പള്ളിത്തോട്ടം പോലീസിന്റെ പിടിയിലായത്.
പ്രതി മുമ്പും ഭാര്യയെ ആക്രമിച്ച് പരിക്കേല്‍പ്പിച്ചിരുന്നു, ഇതേത്തുടര്‍ന്ന് യുവതി കോടതിയുടെ സംരക്ഷണ ഉത്തരവ് നേടിയിരുന്നു. ഈ ഉത്തരവ്‌നിലനില്‍ക്കെ, കഴിഞ്ഞമാസം 31ന് പ്രതിയുടെ വീട്ടിലെത്തിയ യുവതിയെ പ്രതി ചീത്തവിളിക്കുകയും ആക്രമിക്കുകയും യുവതിയുടെ കഴുത്തിലുണ്ടായിരുന്ന ഷാള്‍ കഴുത്തിനോട് ചേര്‍ത്ത് വലിച്ചുമുറുക്കി ശ്വാസതടസ്സമുണ്ടാക്കി കൊലപ്പെടുത്താന്‍ ശ്രമിക്കുകയായിരുന്നു.സംഭവത്തെ തുടര്‍ന്ന് യുവതി പള്ളിത്തോട്ടം പോലീസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് അന്വേഷണം നടത്തുകയും പ്രതിയെ അറസ്റ്റ് ചെയ്യുകയുമായിരുന്നു.

കൊല്ലം: മുണ്ടയ്ക്കല്‍, പാപനാശത്തെ ബാര്‍ഹോട്ടലില്‍ വാക്കുതര്‍ക്കത്തെ തുടര്‍ന്ന് രണ്ട് യുവാക്കളെ മാരകമായി ആക്രമിച്ച കേസില്‍ രണ്ടുപേരെ കൊല്ലം ഈസ്റ്റ് പോലീസ് അറസ്റ്റ് ചെയ്തു. കൊല്ലം താമരക്കുളം പുകയില പണ്ടകശാലയില്‍ ഇസഹാക്ക് (38), പള്ളിത്തോട്ടം എച്ച്&സി കോമ്പൗണ്ടില്‍ ഫെയ്‌സല്‍ (38) എന്നിവരാണ് അറസ്റ്റിലായത്. ആഗസ്റ്റ് 24ന് ഇസഹാക്കും ഫെയ്‌സലും മറ്റ് രണ്ട് പ്രതികളും ചേര്‍ന്ന് പാപനാശത്തെ ബാര്‍ഹോട്ടലില്‍ മദ്യപിക്കുന്നതിനിടെ ഫുട്‌ബോള്‍ കളിയുമായി ബന്ധപ്പെട്ട് അവിടെ ഉണ്ടായിരുന്ന യുവാക്കളുമായി വാക്കുതര്‍ക്കമുണ്ടാകുകയായിരുന്നു. തുടര്‍ന്ന് യുവാക്കള്‍ പാര്‍ലറില്‍ നിന്ന് പുറത്തേക്ക് ഇറങ്ങുന്നതിനിടെ പ്രതികള്‍ ഇവരെ പിന്തുടര്‍ന്ന് ആക്രമിക്കുകയായിരുന്നു. അറസ്റ്റിലായ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.

കൊല്ലം: മുന്‍വിരോധം കാരണം വീടുകയറി ആക്രമണം നടത്തുകയുംയുവാവിനെയും മാതാവിനെയും കല്ലുകൊണ്ട് ആക്രമിച്ച് ഗുരുതരമായിപരിക്കേല്‍പ്പിക്കുകയും ചെയ്ത കേസില്‍ രണ്ടുപേരെ കൊല്ലംഈസ്റ്റ് പോലീസ് അറസ്റ്റ് ചെയ്തു. അഞ്ചല്‍, ചണ്ണപ്പേട്ട താഴെ മീന്‍കുളം വടക്കേതില്‍വീട്ടില്‍ സനല്‍ (26), കിളിമാനൂര്‍, കണ്ണങ്കോട്, കായാട്ടുകോണം പറങ്കിമാവിള വീട്ടില്‍ സുധീഷ് (28) എന്നിവരാണ് അറസ്റ്റിലായത്.
മുണ്ടയ്ക്കല്‍ സ്വദേശികളായ യുവാവിനെയും മാതാവിനെയുമാണ്ഇവര്‍ ആക്രമിച്ച് പരിക്കേല്‍പ്പിച്ചത്. ആറിന് വൈകിട്ടാണ് കേസിനാസ്പദമായ സംഭവം നടക്കുന്നത്. മുന്‍വിരോധം നിമിത്തം യുവാവിന്റെ വീട്ടില്‍അതിക്രമിച്ചുകയറിയ പ്രതികള്‍ യുവാവിനെയും മാതാവിനെയും കല്ലുകൊണ്ട് ആക്രമിച്ചു. ആക്രമണത്തില്‍ യുവാവിന് തലയ്ക്ക് ഗുരുതരമായി പരിക്കേറ്റ് തിരുവനന്തപുരം മെഡിക്കല്‍ കോളേജില്‍ ചികിത്സയിലാണ്.മാതാവിന്റെ പരാതിയില്‍ കൊല്ലംഈസ്റ്റ് പോലീസ് കേസെടുത്ത് നടത്തിയ അന്വേഷണത്തിലാണ് പ്രതി പിടിയിലായത്. കൊല്ലം ഈസ്റ്റ് പോലീസ് സ്റ്റേഷന്‍ ഇന്‍സ്പെക്ടര്‍ ജയശങ്കറിന്റെ നേതൃത്വത്തിലുള്ളപോലീസ് സംഘമാണ് പ്രതികളെ അറസ്റ്റ് ചെയ്തത്.

കൊല്ലം: തട്ടാര്‍ക്കോണം വഞ്ചിമുക്കിന് സമീപത്തെ വീട്ടില്‍ വച്ച് മദ്യപാനത്തെ തുടര്‍ന്നുണ്ടായ വാക്കുതര്‍ക്കത്തിനിടെ യുവാവിനെ വെട്ടുകത്തികൊണ്ട് മാരകമായി ആക്രമിച്ച കേസില്‍ പ്രതി അറസ്റ്റില്‍. കൊറ്റങ്കര, പേരൂര്‍ തട്ടാര്‍ക്കോണം, മനക്കര മേലൂട്ടുകാവ് വയലില്‍ വീട്ടില്‍ചിതല്‍ മണികണ്ഠന്‍ എന്ന സാബു (46) ആണ് അറസ്റ്റിലായത്. ആറിന് വൈകിട്ടായിരുന്നു സംഭവം. പരിക്കേറ്റ രാജീവും പ്രതിയും രാജീവിന്റെവീട്ടില്‍ മദ്യപിക്കവെ വാക്കുതര്‍ക്കമുണ്ടാകുകയും പ്രതി അടുക്കളയില്‍ നിന്ന് വെട്ടുകത്തി എടുത്ത് രാജീവിനെ പിന്തുടര്‍ന്ന് മാരകമായി ആക്രമിക്കുകയുമായിരുന്നു. പരാതിയുടെ അടിസ്ഥാനത്തില്‍ കിളികൊല്ലൂര്‍ പോലീസ് കേസെടുത്തു. തെളിവുകളും മൊഴികളും പരിശോധിച്ച ശേഷമാണ് പ്രതിയെ അറസ്റ്റ് ചെയ്തത്. പ്രതിയായ സാബു മുന്‍പും നിരവധി കേസുകളില്‍ പ്രതിയാണ്. കൊട്ടാരക്കര പോലീസ് സ്റ്റേഷനിലും ഇയാള്‍ക്കെതിരെ കേസുകള്‍ നിലവിലുണ്ട്. പ്രതിയുടെ മുന്‍കാല ക്രിമിനല്‍ പശ്ചാത്തലം പരിഗണിച്ച് സാമൂഹിക വിരുദ്ധ പ്രവര്‍ത്തനങ്ങള്‍ തടയുതിനായി ഇയാള്‍ക്കെതിരെ ശക്തമായ നിയമനടപടികള്‍ സ്വീകരിക്കാന്‍ നടപടിയാരംഭിച്ചു. പ്രതിയെ റിമാന്റ് ചെയ്തു.