പ്രധാനമന്ത്രി നരേന്ദ്രമോദിയുടെ നാഗർകോവിൽ സന്ദർശനവുമായി ബന്ധപ്പെട്ട് നഗരത്തിൽ വിഷുദിനത്തിൽ പകൽ 11 മുതൽ രാത്രി ഏഴ് വരെ ഗതാഗത നിയന്ത്രണം. പ്രധാനമന്ത്രി എത്തുന്ന സമയത്ത് പ്രധാന റോഡിൽ വന്നുചേരുന്ന ഇടറോഡുകളിൽ വാഹന ഗതാഗതത്തിന് നിയന്ത്രണമേർപ്പെടുത്തുകയും വഴിതിരിച്ചുവിടുകയും ചെയ്യും


വിഷുദിനം പകൽ 11.30 മുതൽ രാത്രി 7 വരെ ഡൊമസ്‌റ്റിക് എയർപോർട്ട് – ചാക്ക- ബേക്കറി ജങ്ഷൻ – വിമൻസ് കോളേജ് ജങ്ഷൻ – തമ്പാനൂർ ഫ്ലൈ ഓവർ- കിള്ളിപ്പാലം- പള്ളിച്ചൽ റോഡിലും ചാക്ക- അനന്തപുരി ഹോസ്പിറ്റൽ റോഡിലും ചാക്ക- വെൺപാലവട്ടം – കിംസ് ആശുപത്രി റോഡിലും പള്ളിമുക്ക്- കുമാരപുരം -മെഡിക്കൽ കോളേജ് റോഡിന്റെയും ഇരുവശങ്ങളിലും വാഹനങ്ങൾ പാർക്ക് ചെയ്യരുത്.


നിയന്ത്രണം ഏർപ്പെടുത്തിയിട്ടുള്ള റോഡുകളിൽ പാർക്ക് ചെയ്യുന്ന വാഹനങ്ങളെ റിക്കവറി വാഹനം ഉപയോഗിച്ച് നീക്കം ചെയ്യുന്നതുൾപ്പെടെയുള്ള നിയമനടപടികൾ സ്വീകരിക്കുമെന്ന് അധികൃതർ അറിയിച്ചു. ഡൊമസ്റ്റിക് എയർപോർട്ട് , ശംഖുമുഖം, ആൾസെയിൻസ്, ചാക്ക, ആശാൻ സ്ക്വയർ, വഴുതക്കാട്, പൂജപ്പുര, തമ്പാനൂർ, അട്ടകുളങ്ങര, കെെമനം, വെള്ളായണി, പ്രാവച്ചമ്പലം, നേമം, പള്ളിച്ചൽ എന്നീ സ്ഥലങ്ങളിൽ വാഹന ഗതാഗതം വഴിതിരിച്ചു വിടും.


ഉച്ചയ്ക്ക് 2 മുതൽ 4 വരെയും വെെകുന്നേരം 6 മുതൽ 7 വരെയും ശംഖുമുഖം ഭാഗത്തു നിന്നും ഡൊമസ്റ്റിക് എയർപോർട്ട് ഭാഗത്തേക്കും തിരിച്ചും വാഹനഗതാഗതം അനുവദിക്കില്ല. ഡൊമസ്റ്റിക് എയർപോർട്ടിലേക്ക് ചാക്ക- ആൾസെയിന്റെ്സ് വഴി പോകുന്ന പോകുന്ന യാത്രക്കാർ ചാക്ക – ഈഞ്ചക്കൽ – കല്ലുംമൂട്- പൊന്നറ പാലം- വലിയതുറ വഴി പോകണം.‍


വിമാനത്താവളത്തിലേക്കും, റെയിൽവെ സ്റ്റേഷനിലേക്കും വരുന്ന യാത്രക്കാർ മുൻകൂട്ടി യാത്രകൾ ക്രമീകരിക്കണം. ഫോൺ : 04712558731, 9497930055.

ജാതീയ അധിക്ഷേപത്തെ തുടര്‍ന്ന് ജീവനൊടുക്കിയ നെടുമങ്ങാട് ഉഴമലയ്ക്കല്‍ സ്വദേശിയും അഞ്ചരക്കണ്ടി ദന്തല്‍ കോളജ് വിദ്യാര്‍ഥിയുമായ നിതിന്‍ രാജിന്റെ കുടുംബത്തിന് വീട് നിര്‍മ്മിച്ചു നല്‍കുമെന്ന് പ്രതിപക്ഷ നേതാവ് വി. ഡി. സതീശൻ അറിയിച്ചിരുന്നു. ഇതിന്റെ ഭാഗമായി അഞ്ച് ലക്ഷം രൂപയുടെ ചെക്ക് ഇന്ന് കുടുംബത്തിന് കൈമാറും. പ്രതിപക്ഷ നേതാവിന്റെ നിര്‍ദ്ദേശ പ്രകാരം മുന്‍മന്ത്രിയും അരുവിക്കരയിലെ യുഡിഎഫ് സ്ഥാനാര്‍ത്ഥിയുമായി വിഎസ് ശിവകുമാർ നിതിന്‍ രാജിന്റെ വീട്ടിലെത്തി ചെക്ക് കൈമാറും. അതേസമയം വീട് പണി ആരംഭിച്ചതിന് ശേഷം രണ്ടാം ഘട്ട തുകയും നൽകും.

അതേസമയം തിരുവനന്തപുരം ചാലക്കടവ് സ്വദേശിയായ നിതിൻ രാജ് അഞ്ചരക്കണ്ടി ഡെന്റൽ കോളേജിലെ ഒന്നാം വർഷ വിദ്യാർത്ഥിയായിരുന്നു. വെള്ളിയാഴ്ചയാണ് കോളേജ് കെട്ടിടത്തിൽ നിന്ന് വീണ നിലയിലാണ് നിതിനെ കണ്ടത്. ഉടൻ അത്യാഹിത വിഭാഗത്തിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കോളേജിലെ അധ്യാപകർ നിതിനെ മാനസികമായി ഉപദ്രവിച്ചിരുന്നെന്നും അധിക്ഷേപിച്ചിരുന്നെന്നുമാണ് കുടുംബം പരാതി ഉന്നയിക്കുന്നത്. മകൻ ആത്മഹത്യ ചെയ്യില്ലെന്നാണ് കുടുംബം പറയുന്നത്. നിതിന്റെ മരണത്തിൽ ആരോപണവിധേയരായ ഡെന്റൽ അനാട്ടമി വിഭാഗം മേധാവി ഡോ. റാം, അസോസിയേറ്റ് പ്രൊഫസർ ഡോ. സംഗീത എന്നിവരെ അന്വേഷണവിധേയമായി കോളേജ് സസ്പെൻഡ് ചെയ്തിട്ടുണ്ട്.