പതാരം:കെപിസിസി എക്സിക്യൂട്ടീവ് അംഗവും ഡിസിസി വൈസ് പ്രസിഡൻ്റും പതാരം സർവീസ് സഹകരണ ബാങ്ക് പ്രസിഡന്റുമായിരുന്ന കെ.കൃഷ്ണൻകുട്ടി നായരുടെ രണ്ടാം ചരമവാർഷികം കോൺഗ്രസ് ശൂരനാട് തെക്ക് മണ്ഡലം കമ്മിറ്റിയുടെ നേതൃത്വത്തിൽ ആചരിച്ചു.കഴിവുറ്റ രാഷ്ട്രീയ നേതാവും മികച്ച സഹകാരിയും പ്രതിഭാ സമ്പന്നനായ കലാകാരനും സർവ്വോപരി നല്ലൊരു സാമൂഹ്യ പ്രവർത്തകനും ആയിരുന്നു കെ.കൃഷ്ണൻകുട്ടി നായർ എന്ന് അനുസ്മരണ യോഗം വിലയിരുത്തി.അര നൂറ്റാണ്ട് നീണ്ടുനിന്ന രാഷ്ട്രീയ പ്രവർത്തനം കോൺഗ്രസിന് ഏറെ മുതൽക്കൂട്ടാകുകയും പ്രത്യേകിച്ച് ശൂരനാട് തെക്ക് പഞ്ചായത്തിൽ പാർട്ടിയുടെ അടിത്തറ ശക്തിപ്പെടുത്തുന്നതിന് സഹായകരവുമായി.
അദ്ദേഹത്തിന്റെ പ്രവർത്തനങ്ങൾ പൊതുപ്രവർത്തകർക്ക് മാതൃകയാണ്.പുഷ്പാർച്ചനയ്ക്ക് ശേഷം ചേർന്ന യോഗം കുന്നത്തൂർ നിയോജക മണ്ഡലം യുഡിഎഫ് ചെയർമാൻ എസ്.സുഭാഷ് ഉദ്ഘാടനം ചെയ്തു.മണ്ഡലം പ്രസിഡന്റ് ആർ.ഡി പ്രകാശ് അധ്യക്ഷത വഹിച്ചു.നേതാക്കളായ എ.മുഹമ്മദ് കുഞ്ഞ്,ആദിക്കാട്ട് രവീന്ദ്രൻ പിള്ള,രതീഷ് കുറ്റിയിൽ,സി.സരസ്വതി അമ്മ,ആശാ രമേശ്,സമീർ യൂസഫ്,ബി പ്രേംകുമാർ, ഗോപിനാഥ്,രമണി എസ് പിള്ള,ബിന്ദു സേനൻ,ഷംന നവാസ്,ബാബുരാജൻ, നജീം,അജ്മൽ ഖാൻ, ശശീന്ദ്രൻ പിള്ള തുടങ്ങിയവർ സംസാരിച്ചു.
