കരുനാഗപ്പള്ളിയിൽ ആഗസ്റ്റ് 2ന് മെഗാ ജോബ് ഫെസ്റ്റ് 2026 100ലേറെ സ്ഥാപനങ്ങൾ; അയ്യായിരത്തിലേറെ ഉദ്യോഗാർത്ഥികളെ
പ്രതീക്ഷിക്കുന്നു. കരുനാഗപ്പള്ളി: തൊഴിൽ അന്വേഷിക്കുന്ന യുവതിയുവാക്കൾക്ക് വിവിയ
മേഖലകളിലെ തൊഴിൽ അവസരങ്ങൾ ഒരേ വേദിയിൽ പരിചയപ്പെടുന്നതിനും സ്ഥാപനങ്ങളുടെ പ്രതിനിധികളുമായി നേരിട്ട് ആശയവിനിമയം നടത്തി ജോലി നേടുന്നതിനുമായി കരുനാഗപ്പള്ളി കേന്ദ്രീകരിച്ച് പ്രവർത്തിക്കുന്ന പി.എസ്. സാംസ്കാരിക വേദി ആൻഡ് ഗ്രന്ഥശാലയുടെ നേതൃത്വത്തിൽ മെഗാ ജോബ് ഫെസ്റ്റ് 2026 സംഘടിപ്പിക്കുന്നു.
ആഗസ്റ്റ് 2 ഞായറാഴ്ച രാവിലെ 9.30 മുതൽ കരുനാഗപ്പള്ളി ശ്രീവിദ്യാധിരാജ ആർട്സ് ആൻഡ് സയൻസ് കോളേജിലാണ് തൊഴിൽമേള സംഘടിപ്പിക്കുന്നത്.
തൊഴിൽമേളയിൽ പങ്കെടുക്കുന്ന കമ്പനികളുടെയും സ്ഥാപനങ്ങളുടെയും രജിസ്ട്രേഷൻ നടപടികൾ പുരോഗമിക്കുകയാണ്. ഇതുവരെ 82 സ്ഥാപനങ്ങൾ രജിസ്റ്റർ ചെയ്തതിട്ടുണ്ട്. രജിസ്ട്രേഷൻ പൂർത്തിയാകുന്നതോടെ 100ലേറെ കമ്പനികളും സ്ഥാപനങ്ങളും മേളയുടെ ഭാഗമാകുമെന്നാണ് സംഘാടകരുടെ പ്രതീക്ഷ. 5000ലേറെ ഉദ്യോഗാർത്ഥികൾ തൊഴിൽമേളയിൽ പങ്കെടുക്കുമെന്നാണ് കണക്കാക്കുന്നത്.
ആരോഗ്യരംഗം, ഓട്ടോമൊബൈൽ, ടെക്സ്റ്റൈൽ, റീട്ടെയിൽ, ഫിനാൻസ് & ബാങ്കിംഗ്, ഇൻഷുറൻസ്, സർവീസ് സെക്ടർ, ഐ.ടി. തുടങ്ങി വിവിധ മേഖലകളിൽ നിന്നുള്ള സ്ഥാപനങ്ങൾ തൊഴിൽമേളയിൽ പങ്കെടുക്കും.
ആരോഗ്യരംഗത്ത് വലിയത്ത് കിംസ്, എലിസ്റ്റർ, കിൻ്റർ ഹോസ്പിറ്റൽ കൊല്ലം എ.എം. ഹോസ്പിറ്റൽ, സ്റ്റാർ ഹോസ്പിറ്റൽ ഓച്ചിറ തുടങ്ങിയ സ്ഥാപനങ്ങൾ പങ്കെടുക്കും.
ഓട്ടോമൊബൈൽ രംഗത്തെ പ്രമുഖ ബ്രാൻഡുകളായ മഹീന്ദ്ര, ഹ്യൂണ്ടായി ഹോണ്ട, ടാറ്റ, ടി.വി.എസ്. തുടങ്ങി നിരവധി സ്ഥാപനങ്ങളും മേളയുടെ ഭാഗമാകും.
റീട്ടെയിൽ മേഖലയിൽ മൈജി, ഫ്യൂച്ചർ, ഓക്സിജൻ, നന്തിലത്ത് ജി-മാർട്ട് പേടിഎം, രശ്മി ഹോം അപ്ലയൻസസ്, ബോഷ്, ചോയ്സ് സൂപ്പർ മാർക്കറ്റ് തുടങ്ങിയ സ്ഥാപനങ്ങളും പങ്കെടുക്കും.
1ബാങ്കിംഗ് മേഖലയിൽ ഇസാഫ്, ബന്ധൻ ബാങ്ക്, എസ്.ബി.ഐ. കാർഡ്സ് തുടങ്ങിയ സ്ഥാപനങ്ങളും ഇൻഷുറൻസ് മേഖലയിൽ എൽ.ഐ.സി., സ്റ്റാർ ഹെൽത്ത് ഇൻഷുറൻസ്, എച്ച്.ഡി.എഫ്.സി. ലൈഫ് തുടങ്ങിയ സ്ഥാപനങ്ങളും തൊഴിൽമേളയിൽ പങ്കെടുക്കും.
ടെക്സ്റ്റൈൽ മേഖലയിലെ നിരവധി സ്ഥാപനങ്ങളും മേളയുടെ ഭാഗമാകും.
വിവിധ മേഖലകളിലെ നിരവധി തൊഴിൽ അവസരങ്ങൾ ഒരേ വേദിയിൽ ഉദ്യോഗാർത്ഥികൾക്ക് പരിചയപ്പെടാനും സ്ഥാപനങ്ങളുടെ പ്രതിനിധികളുമായി നേരിട്ട് ബന്ധപ്പെടാനും കഴിയുന്നതാണ് മെഗാ ജോബ് ഫെസ്റ്റിൻ്റെ പ്രധാന പ്രത്യേകത.
വിവിധ വിദ്യാഭ്യാസ യോഗ്യതകളും തൊഴിൽ പരിചയവുമുള്ള ഉദ്യോഗാർത്ഥികൾക്ക് അനുയോജ്യമായ തൊഴിൽ അവസരങ്ങൾ കണ്ടെത്താൻ മേള സഹായകരമാകും. കോളേജ് വിദ്യാർത്ഥികൾ, പഠനം പൂർത്തിയാക്കിയവർ, തൊഴിൽ അന്വേഷിക്കുന്നവർ, തൊഴിൽമാറ്റം ആഗ്രഹിക്കുന്നവർ തുടങ്ങിയവർക്ക് മേളയിൽ പങ്കെടുക്കാം.
കൊല്ലം, ആലപ്പുഴ, തിരുവനന്തപുരം ജില്ലകളിലെ ഉദ്യോഗാർത്ഥികളെയാണ് പ്രധാനമായും തൊഴിൽമേളയിലേക്ക് ലക്ഷ്യമിടുന്നത്.
ഉദ്യോഗാർത്ഥികൾ ബയോഡേറ്റയുമായാണ് തൊഴിൽമേളയിൽ സ്പോട്ട് എത്തിച്ചേരേണ്ടത്. തൊഴിൽമേളയിൽ പങ്കെടുക്കുന്നതിനായി രജിസ്ട്രേഷനാണ് നിശ്ചയിച്ചിട്ടുള്ളത്. രാവിലെ 9.30ന് മേള ആരംഭിക്കും. വിവിധ സ്ഥാപനങ്ങളുടെ സ്റ്റാളുകൾ സന്ദർശിച്ച് ഒഴിവുകൾ, ആവശ്യമായ വിദ്യാഭ്യാസ യോഗ്യത, തൊഴിൽപരിചയം തുടങ്ങിയവ സംബന്ധിച്ച വിവരങ്ങൾ നേരിട്ട് മനസ്സിലാക്കാനും സ്ഥാപന പ്രതിനിധികളുമായി ആശയവിനിമയം നടത്താനും അവസരമുണ്ടാകും. ഉദ്യോഗാർത്ഥികൾക്ക് തങ്ങളുടെ യോഗ്യതകളും തൊഴിൽപരിചയവും കമ്പനികളുടെ പ്രതിനിധികളെ നേരിട്ട് ബോധ്യപ്പെടുത്തി അനുയോജ്യമായ തൊഴിൽ അവസരങ്ങൾ നേടിയെടുക്കാൻ മേള അവസരമൊരുക്കും.
കേരളത്തിലെ പ്രമുഖ എഴുത്തുകാരനും കേരള സ്റ്റേറ്റ് ലൈബ്രറി കൗൺസിൽ സംസ്ഥാന വൈസ് പ്രസിഡൻ്റുമായ ഡോ. വള്ളിക്കാവ് മോഹൻദാസ് തൊഴിൽമേള ഉദ്ഘാടനം ചെയ്യും.
താലൂക്ക് ഗ്രന്ഥശാല സെക്രട്ടറി വി. വിജയകുമാർ സ്റ്റാളുകളുടെ ഉദ്ഘാടനം നിർവഹിക്കും. ഗ്രന്ഥശാല താലൂക്ക് പ്രസിഡൻ്റ് കടത്തൂർ മൻസൂർ സ്പോട്ട് രജിസ്ട്രേഷന്റെ ഉദ്ഘാടനം നിർവഹിക്കും.
2 തൊഴിൽമേളയോടനുബന്ധിച്ച് കരുനാഗപ്പള്ളി താലൂക്കിലെ ഈ വർഷത്തെ മികച്ച ഗ്രന്ഥശാല പ്രവർത്തകനായി തിരഞ്ഞെടുക്കപ്പെട്ട എ. രവീന്ദ്രൻ പിള്ള, മികച്ച ഗ്രന്ഥശാല സെക്രട്ടറിയായി തിരഞ്ഞെടുക്കപ്പെട്ട ജസ്ന ഷാജി, മികച്ച ലൈബ്രേറിയനായി തിരഞ്ഞെടുക്കപ്പെട്ട വിജയലക്ഷ്മി അമ്മ എന്നിവരെ ചടങ്ങിൽ ആദരിക്കും.
തൊഴിൽരഹിതരായ യുവാക്കൾക്ക് അനുയോജ്യമായ തൊഴിൽ അവസരങ്ങൾ കണ്ടെത്തുന്നതിനും വിവിധ സ്ഥാപനങ്ങൾക്ക് ആവശ്യമായ മാനവവിഭവശേഷിയെ നേരിട്ട് കണ്ടെത്തുന്നതിനും ഒരുപോലെ സഹായകരമാകുന്ന രീതിയിലാണ് മെഗാ ജോബ് ഫെസ്റ്റ് സംഘടിപ്പിക്കുന്നതെന്ന് സംഘാടകര് പറഞ്ഞു.
സ്ഥാപനങ്ങളുടെ രജിസ്ട്രേഷൻ നടപടികൾ ഇപ്പോഴും പുരോഗമിക്കുകയാണ്.
രജിസ്ട്രേഷൻ പൂർത്തിയാകുന്നതോടെ പങ്കെടുക്കുന്ന സ്ഥാപന…
