ശാസ്താംകോട്ട:ഗുരുപൂർണിമ ദിനാചരണത്തിന്റെ ഭാഗമായി ഭാരതീയ ജനതാന്യൂനപക്ഷ മോർച്ച കൊല്ലം ഈസ്റ്റ് ജില്ലാ കമ്മിറ്റി, അധ്യാപകരെയും പണ്ഡിതരെയും ആചാര്യന്മാരെയും ആദരിച്ചു.
ചടങ്ങിൽ ശാസ്താംകോട്ടയിലെ ബ്രൂക്ക് ഇന്റർനാഷണൽ സ്കൂൾ സ്ഥാപകനും ഡയറക്ടറും കേരള ക്രിസ്ത്യൻ യുണൈറ്റഡ് സ്കൂൾ മാനേജ്മെന്റ് കൺസോർഷ്യം പ്രസിഡന്റുമായ ഫാ. ഡോ. ജോർജ് എബ്രഹാം തലോത്തിൽ ആദരിക്കപ്പെട്ടു. തുടർന്ന് ശാസ്താംകോട്ട ആർ.എച്ച്.എസ്. ഹയർ സെക്കൻഡറി സ്കൂൾ പ്രിൻസിപ്പൽ സുനിൽ തോമസ്, വിരമിച്ച ഹൈസ്കൂൾ അധ്യാപിക രമണിക്കുട്ടിയമ്മ എന്നിവരെയും ചടങ്ങിൽ ആദരിച്ചു.
ന്യൂനപക്ഷ മോർച്ച കൊല്ലം ഈസ്റ്റ് ജില്ലാ പ്രസിഡന്റ് ബിനോയ് ജോർജ് അധ്യക്ഷത വഹിച്ചു.നിയോജകമണ്ഡലം പ്രസിഡന്റ് സുനിൽ, സംസ്ഥാന കൗൺസിൽ അംഗം അഡ്വ. ടി. കലേശൻ, ഷിബു ബേബി, ഷാജി ഗ്രീൻ വാലി, വരുൺ. സെബാസ്റ്റ്യൻ, ബിജു എന്നിവർ ചടങ്ങിൽ പങ്കെടുത്ത് ആദരസമർപ്പണം നടത്തി.
ഗുരുപരമ്പരയുടെ മഹത്വവും സമൂഹത്തിന്റെ പുരോഗതിയിൽ അധ്യാപകരുടെയും ആചാര്യന്മാരുടെയും വിലമതിക്കാനാകാത്ത സംഭാവനകളും സ്മരിച്ചുകൊണ്ടാണ് പരിപാടി സംഘടിപ്പിച്ചത്.
