ചവറ.ജില്ലയിലെ ഏറ്റവും മികച്ച ഗ്രന്ഥശാലക്കുള്ള പുരസ്കാരത്തിന് തെരഞ്ഞെടുക്കപ്പെട്ട ചവറ വികാസ് ഗ്രന്ഥശാലയ്ക്കുള്ള അവാർഡ് സമർപ്പണം ജൂലൈ 31 വെള്ളിയാഴ്ച വൈകിട്ട് അഞ്ചിന് വികാസ് ഓഡിറ്റോറിയത്തിൽ വച്ച് നടക്കുന്ന ചടങ്ങിൽ നടക്കും. ജില്ലാ ലൈബ്രറി കൗൺസിലിന്റെ ആഭിമുഖ്യത്തിൽ നടക്കുന്ന ചടങ്ങിൽ ജില്ലാ ലൈബ്രറി കൗൺസിൽ പ്രസിഡന്റ് കെ. ബി മുരളീകൃഷ്ണൻ അധ്യക്ഷത വഹിക്കും.
പുരസ്കാര സമർപ്പണവും അനുസ്മരണ പ്രഭാഷണവും ഡോ. വള്ളിക്കാവ് മോഹൻദാസ് നിർവഹിക്കും. ചവറ ഗ്രാമപഞ്ചായത്ത് പ്രസിഡന്റ് അംബിക ദേവി, ജില്ലാ ലൈബ്രറി കൗൺസിൽ സെക്രട്ടറി എം സലിം, താലൂക് കൗൺസിൽ പ്രസിഡന്റ് കടത്തൂർ മൻസൂർ, സെക്രട്ടറി വി. വിജയകുമാർ, ജില്ലാ എക്സിക്യൂട്ടീവ് അംഗം ജയപ്രകാശ് മേനോൻ, ഗ്രാമപഞ്ചായത്ത് അംഗം എം സുശീല, ആർ. കെ.ദീപ, സി രഘുനാഥ്, ശ്രീകുമാർ എന്നിവർ ചടങ്ങിൽ പങ്കെടുക്കും.
