സ്‌കൂള്‍ പഠനോപകരണങ്ങള്‍ സ്‌കൂള്‍ സൊസൈറ്റി വഴി വില്ക്കാന്‍ പാടില്ല യു.എം.സി സംസ്ഥാന സെക്രട്ടറി ടോമി കുറ്റിയാങ്കല്‍

കരുനാഗപ്പള്ളി: യുണൈറ്റഡ് മര്‍ച്ചന്റ്‌സ് ചേമ്പര്‍ കൊല്ലം ജില്ലാ കൗണ്‍സില്‍ യോഗവും 2026-28 ലേക്കുളള ജില്ലാ കമ്മിറ്റി തെരഞ്ഞെടുപ്പും നടന്നു.
യോഗം യു.എം.സി സംസ്ഥാന സെക്രട്ടറി ടോമി കുറ്റിയാങ്കല്‍ ഉദ്ഘാടനം ചെയ്തുകൊണ്ട് സ്‌കൂള്‍ പഠനോപകരണങ്ങള്‍ സ്‌കൂള്‍ സൊസൈറ്റികള്‍ വഴി വിപണനം ചെയ്യുന്നതുമൂലം ചെറുകിട ഇടത്തരം കച്ചവടക്കാരുടെ ഉപജീവമാര്‍ഗ്ഗം തടസ്സപ്പെടുകയാണെന്നും ഇതിനെതിരെ സര്‍ക്കാര്‍ നടപടിയെടുക്കണമെന്നും, കൂടാതെ യു.എം.സി സംസ്ഥാന കമ്മിറ്റി കേരള സര്‍ക്കാരിനു കൊടുത്ത മെമ്മോറാണ്ടം അംഗീകരിപ്പിക്കുന്നതിനുളള തുടര്‍നടപടികളുമായി മുന്നോട്ടു പോകുമെന്നും അദ്ദേഹം പറഞ്ഞു.
യൂണൈറ്റഡ് മര്‍ച്ചന്റ്‌സ് ചേമ്പര്‍ (യു.എം.സി) 2026-28 ദ്വൈവാര്‍ഷിക ജില്ലാ കൗണ്‍സില്‍ യോഗവും ജില്ലാ കമ്മിറ്റി തെരഞ്ഞെടുപ്പും കരുനാഗപ്പള്ളി ഐ.എം.എ ഹാളില്‍ (ചാലായീസ് എ.എ.കലാം നഗര്‍) വച്ച് നടന്നു. കൊല്ലം ജില്ലാ പ്രസിഡന്റ് നിജാംബഷി അദ്ധ്യക്ഷത വഹിച്ച യോഗത്തില്‍ ജില്ലാ ജനറല്‍ സെക്രട്ടറി ആസ്റ്റിന്‍ ബെന്നന്‍ സ്വാഗതവും, ജില്ലാ സെക്രട്ടറി, ഡോ.ബി.ആര്‍ പ്രസാദ് നന്ദിയും പറഞ്ഞു.

സംസ്ഥാന സെക്രട്ടറി റ്റി.കെ.മൂസ മുഖ്യപ്രഭാഷണം നടത്തി. ജില്ലാ വര്‍ക്കിംഗ് പ്രസിഡന്റ് എം.സിദ്ദിഖ് മണ്ണാന്റയ്യം റിപ്പോര്‍ട്ട് അവതരിപ്പിച്ചു. വരവ് ചെലവ് കണക്ക് ജില്ലാ ട്രഷറര്‍ റൂഷ പി കുമാര്‍ അവതരിപ്പിച്ചു. കൗണ്‍സില്‍ അംഗങ്ങള്‍ ചര്‍ച്ചയില്‍ പങ്കെടുത്തു പാസ്സാക്കി. മറുപടി അദ്ധ്യക്ഷന്‍ നിജാംബഷിയും, തെരഞ്ഞെടുപ്പ് വരണാധികാരിയായ യു.എം.സി സംസ്ഥാന എക്‌സിക്യുട്ടീവ് അംഗം തോമസ് കുറശ്ശേരി യുടെ മേല്‍നോട്ടത്തില്‍ നടന്നു.
വനിതാംവിംഗ് സംസ്ഥാന വൈസ്പ്രസിഡന്റ് എം.പിഫൗസിയ തേവലക്കര, യു.എം.സി സംസ്ഥാന നിര്‍വ്വാഹകസമിതി അംഗങ്ങളായ എച്ച്.സലിം, ജി.ബാബുക്കുട്ടന്‍പിളള, ഹരി ചേനങ്കര, എസ്.ഷംസുദ്ദീന്‍ വെളുത്തമണല്‍, ശ്രീകുമാര്‍ വളളിക്കാവ്, നുജൂം കിച്ചന്‍ഗാലക്‌സി, എം.ഇ.ഷെജി ഓച്ചിറ, ജില്ലാ സെക്രട്ടറി നാസര്‍ ചക്കാലയില്‍, യൂത്ത് വിംഗ് സംസ്ഥാന ട്രഷറര്‍ രമ്യ ട്രിക്‌സ്, യൂത്ത് വിംഗ് ജില്ലാ ജനറല്‍ സെക്രട്ടറി എ.എസ്.നഹാസ്, വനിതാംവിംഗ് ജില്ലാ ജനറല്‍ സെക്രട്ടറി ഗിരിജാകുമാരി, വനിതാവിംഗ് ജില്ലാ ട്രഷറര്‍ ബിനി അനില്‍, സംസ്ഥാന കമ്മിറ്റി അംഗങ്ങളായ അഷ്‌റഫ് പള്ളത്തുകാട്ടില്‍, റഹിം മുണ്ടപ്പള്ളില്‍, നാസര്‍ കയ്യാലത്ത്, കെ.എസ്.ഐസക്കുട്ടന്, യൂത്ത് വിംഗ് സംസ്ഥാന സെക്രട്ടറി ധന്യ ബി രാജ്, യൂത്ത് വിംഗ് സംസ്ഥാന എക്‌സിക്യുട്ടീവ് അംഗം ശ്രീദാദാസ് ജില്ലാ ചീഫ് കോ-ഓര്‍ഡിനേറ്റര്‍ എസ്.രാജു, ഓഫീസ് സെക്രട്ടറി കവിത എന്നിവര്‍ സംസാരിച്ചു.

പുതിയ ഭാരവാഹികളായി ജില്ലാ പ്രസിഡന്റ് ശ്രീകുമാര്‍ വള്ളിക്കാവ്, ജനറല്‍ സെക്രട്ടറി ബി.ആര്‍.പ്രസാദ്, ട്രഷറര്‍ എം.സിദ്ദിഖ് മണ്ണാന്റയ്യം, രക്ഷാധികാരി നിജാംബഷി, വൈസ് പ്രസിഡന്റുമാരായി എച്ച്.സലിം, ജി.ബാബുക്കുട്ടന്‍പിളള, ഷംസുദ്ദീന്‍ വെളുത്തമണല്‍, റൂഷ പി കുമാര്‍, സെക്രട്ടറിമാര്‍ എം.പി ഫൗസിയബീഗം, നാസ്സര്‍ ചക്കാലയില്‍, ഹരി ചേനങ്കര, ധന്യ ബി രാജ്, റഹിം മുണ്ടപ്പള്ളി എന്നിവരേയും 51 അംഗ എക്‌സിക്യുട്ടീവ് കമ്മിറ്റിയേയും തെരഞ്ഞെടുത്തു.