മൈനാഗപ്പള്ളി: പതിനൊന്നാമത് മണ്ണൂർക്കാവ് കഥകളി ഫെസ്റ്റിവലിന്റെ ഭാഗമായി കഥകളി ആചാര്യന്മാരായ സദനം കൃഷ്ണൻ കുട്ടി, കലാമണ്ഡലം സുരേന്ദ്രൻ, കലാമണ്ഡലം കൃഷ്ണദാസ്, കലാമണ്ഡലം രവീന്ദ്രൻ എന്നിവരെ ആദരിച്ചു.
പഞ്ചായത്ത് വൈസ് പ്രസിഡന്റ് കെ. പി. വേണുഗോപാൽ സമ്മേളനം ഉത്ഘാടനം ചെയ്തു.
ശ്രീശൈലം ശിവൻപിള്ള അധ്യക്ഷത വഹിച്ചു.
പഞ്ചായത്ത് അംഗങ്ങൾ ആയ സിജു കോശി വൈദ്യൻ, ജെ. റഹിയാനത്ത്, അമൃത രതീശൻ,ഉണ്ണി ഇലവിനാൽ,അർച്ചന മോഹനൻ പിള്ള, റ്റി.സുരേന്ദ്രൻ പിള്ള, വി.രാജീവ് എന്നിവർ സംസാരിച്ചു.
ശാസ്ത്രീയത കഥകളിയിൽ എന്ന വിഷയത്തിൽ നടന്ന സിമ്പോസിയം വി.പി. ലീലാകൃഷ്ണൻ ഉത്ഘാടനം ചെയ്യുന്നു.ആർ.എൽ.വി.രാധാകൃഷ്ണൻ വിഷയാവതരണം നടത്തി.
ഡാൻസർ ആനന്ദ്,വി. ആർ. സനിൽ ചന്ദ്രൻ,
ഡി.ഗുരുദാസൻ എന്നിവർ സംസാരിച്ചു.
തുടർന്ന് നടന്ന സാഹിത്യവിചാരം മധു വാരണാസി അവതരിപ്പിച്ചു.
പ്രസിഡന്റ് രവിമൈനാഗപ്പള്ളി, സെക്രട്ടറി സുരേഷ് ചാമവിള, പ്രസാദ് മണ്ണൂർക്കാവ്,സുരേഷ് മദനവിലാസം, കലാമണ്ഡലം പ്രശാന്ത് എന്നിവർ ചർച്ചയിൽ പങ്കെടുത്തു.
