ഓടനാവട്ടം:ചെപ്ര ഗവൺമെൻ്റ് എൽ പി സ്കൂളിൽ കൃഷിവകുപ്പിൻ്റെ സഹകരണത്തോടെ ചെണ്ട് മല്ലി കൃഷിയും പച്ചക്കറി കൃഷിയും ആരംഭിച്ചു.ചെപ്ര വാർഡ് മെമ്പർ ഹരിലാൽ തൈനട്ട് ഉദ്ഘാടനം നിർവഹിച്ചു.ഹെഡ് മാസ്റ്റർ ബി.എസ് ശാന്തകുമാർ,പിടിഎ പ്രസിഡൻ്റ് അനിൽകുമാർ,മുട്ടറ ഉദയഭാനു,അധ്യാപകരായ അനില,മഞ്ചു,പ്രിയ, ആര്യ,ദീപ എന്നിവർ സംസാരിച്ചു.സ്കൂൾ അങ്കണത്തിൽ ഒരുക്കിയ കൃഷിത്തോട്ടം വിദ്യാർത്ഥികൾക്ക് പുതിയ അനുഭവമായി മാറിയിട്ടുണ്ട്.
കൃഷിയിലൂടെ കുട്ടികൾക്ക് പ്രകൃതിയോടുള്ള സ്നേഹവും കൃഷിയുടെ പ്രാധാന്യവും മനസ്സിലാക്കാൻ കഴിഞ്ഞതായും പഠനവും കൃഷിയും ഒരുപോലെ കൊണ്ടുപോകുന്നതിലൂടെ കുട്ടികളിൽ ആത്മവിശ്വാസവും ഉത്തരവാദിത്തവും വളരുന്നതായും അധ്യാപകർ പറഞ്ഞു.
