ശാസ്താംകോട്ട.സ്കൂള് വളപ്പില് വീണു കിട്ടിയ സ്വര്ണാഭരണം അധ്യാപികയെ ഏല്പ്പിച്ചു ആറുവയസുകാരന്, സ്കോളര്ഷിപ് പരീക്ഷക്കുവന്ന കുട്ടിയെ തേടിപ്പിടിച്ച് ഏല്പ്പിച്ച് സ്കൂള് അധികൃതര്.
പനപ്പെട്ടി ഗവ. എല്പിഎസിലാണ് സ്കൂള് വളപ്പില്നിന്നും കൈ ചെയിന് രണ്ടാം ക്ളാസുകാരനായ ലാല്കൃഷ്ണ എന്ന കുട്ടിക്ക് കിട്ടുന്നത്. അവന് അത് വിലയുള്ള ഒരു ആഭരണമാണെന്ന് തിരിച്ചറിഞ്ഞ് ലീന ടീച്ചറെ ഏല്പ്പിക്കുന്നു. ടീച്ചര് ഓഫീസിലേല്പ്പിച്ച ആഭരണം ആരുടേതെന്ന് അറിയാന് സ്കൂളില് അന്വേഷണം നടത്തിയിട്ടും ആര്ക്കും ആഭരണം നഷ്ടപ്പെട്ടിരുന്നില്ല. പിന്നീട് സ്കൂളില് രണ്ടാഴ്ച മുമ്പ് എല്എസ്എസ് പരീക്ഷക്ക് കുട്ടിയുമായി വന്ന ഒരു രക്ഷിതാവ് കൈമോശം വന്ന ആഭരണം തേടി എത്തിയതായി അറിഞ്ഞു.
also read:
എന്നാല് കുട്ടി പരീക്ഷ എഴുതിയ ക്ളാസില് അന്വേഷിച്ച് അവര് അഡ്രസ് ഒന്നും നല്കാതെ മടങ്ങിയിരുന്നു. സ്കൂളുകളിലേക്ക് എല്ലാം പ്രഥമാധ്യാപിക വിളിച്ചു. ഒടുവില് ആഞ്ഞിലിമൂട് സ്കൂളിലെ സ്വാലിഹ എന്ന കുട്ടിയുടേ കൈ ചെയിന് കൈമോശം വന്നതായി രക്ഷിതാവ് എത്തി അറിയിക്കുകയായിരുന്നു. വീട്ടിലാണ് ആഭരണം നഷ്ടപ്പെട്ടതെന്ന കരുതി അന്വേഷിച്ചുവരികയായിരുന്നു അവര്.
സ്കൂളിലെത്തിയ തന്റെ ആഭരണം കണ്ടത്തിയ ലാല്കൃഷ്ണന് ചോക്കലേറ്റുകളുമായാണ് സ്വാലിഹ എത്തിയത് പ്രഥമാധ്യാപിക ബിഐ വിദ്യാറാണി ആഭരണം രക്ഷിതാവിന് കൈമാറി.
