തളിപ്പറമ്പ്.16കാരിയെ വീട്ടിൽ അതിക്രമിച്ച് കയറി ലൈംഗികമായി പീഡിപ്പിച്ച കേസ്.
കൂവേരി തിരുംകുളം സ്വദേശിയായ യുവാവിന് 26 വർഷം കഠിന തടവും പിഴയും. കെ.വി. അനുരാജിനാണ് തളിപ്പറമ്പ് ഫാസ്റ്റ് ട്രാക്ക് സ്പെഷ്യൽ കോടതി ശിക്ഷ വിധിച്ചത്.
2024 സെപ്റ്റംബറിലാണ് കേസിനാസ്പദമായ സംഭവം.
ചപ്പാരപ്പടവ് സ്വദേശിനിയായ 16കാരിയെ വീട്ടിൽ അതിക്രമിച്ച് കയറി ലൈംഗികമായി പീഡിപ്പിച്ചെന്ന കേസിലാണ് ശിക്ഷ.
വിവിധ വകുപ്പുകളിലായി 26 വർഷം കഠിന തടവും 60,000 രൂപ പിഴയും കോടതി വിധിച്ചു. തളിപ്പറമ്പ് ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി എം.ടി. ജലജറാണിയാണ് ശിക്ഷ വിധിച്ചത്.
അനുരാജിനെതിരെ സമാനമായ മറ്റൊരു പോക്സോ കേസും നിലവിലുണ്ട്.
2022ൽ ചപ്പാരപ്പടവ് സ്വദേശിനിയായ മറ്റൊരു പെൺകുട്ടിയെ പീഡിപ്പിച്ചെന്നതാണ് കേസ്. 2026 ൽ
തിരുവനന്തപുരം പോത്തൻകോട് പൊലീസ് രജിസ്റ്റർ ചെയ്ത മറ്റൊരു കേസിലും അനുരാജ് പ്രതിയാണ്.
ഇൻസ്റ്റഗ്രാം വഴി പരിചയപ്പെട്ട രണ്ട് പെൺകുട്ടികളെ തിരുവനന്തപുരത്തെത്തിച്ച് പീഡിപ്പിച്ചെന്ന കേസിൽ ആറ്റിങ്ങൽ സബ് ജയിലിൽ റിമാൻഡിലാണ് ഇയാൾ.
