ശബരിമല സ്വര്‍ണക്കൊള്ള കേസില്‍ പ്രതിയായ മുതിര്‍ന്ന സിപിഎം നേതാവ് എ. പത്മകുമാറിന് പാര്‍ട്ടിയില്‍ സസ്‌പെന്‍ഷന്‍. ഇന്ന് ചേര്‍ന്ന സിപിഎം പത്തനംതിട്ട ജില്ലാ കമ്മിറ്റി യോഗമാണ് തീരുമാനമെടുത്തത്. മുന്‍ ദേവസ്വം പ്രസിഡന്റായ പത്മകുമാറിനെ പ്രാഥമിക അംഗത്വത്തില്‍ നിന്നും പുറത്താക്കുന്നത് അടക്കം കടുത്ത നടപടികള്‍ ഉണ്ടായേക്കുമെന്നായിരുന്നു സൂചനയെങ്കിലും നടപടി സസ്‌പെന്‍ഷനില്‍ മാത്രം ഒതുക്കുകയായിരുന്നു. കേന്ദ്രകമ്മിറ്റി അംഗങ്ങള്‍ അടക്കം പങ്കെടുക്കുന്ന യോഗത്തിലായിരുന്നു തീരുമാനം. അതേസമയം, നടപടി വന്നാല്‍ പലതും തുറന്ന് പറയാനുള്ള ഒരുക്കത്തിലായിരുന്നു എ പത്മകുമാര്‍.

Also Read:

തെരഞ്ഞെടുപ്പ് തോല്‍വിക്ക് ശേഷം പത്മകുമാറിനെ സംരക്ഷിക്കുന്ന നേതൃത്വത്തിന്റെ നിലപാടിനെതിരെ വലിയ വിമര്‍ശനം ഉയര്‍ന്നതിന് പിന്നാലെയാണ് നടപടി. നടപടി ചര്‍ച്ച ചെയ്യാന്‍ പത്തനംതിട്ട ജില്ലാ കമ്മിറ്റിയെയാണ് പാര്‍ട്ടി ചുമതലപ്പെടുത്തിയത്. കടുത്ത നടപടിയിലേക്ക് പാര്‍ട്ടി കടന്നാല്‍ ഉന്നതരുടെ പങ്കടക്കം പലതും വെളിപ്പെടുത്താനായിരുന്നു പത്മകുമാറിന്റെ നീക്കം. ജാമ്യത്തിലുള്ള പത്മകുമാറിനെ കാണാന്‍ വീട്ടിലെത്തുന്ന സുഹൃത്തുക്കളോട് പറയുന്നതെല്ലാം പാര്‍ട്ടിയെ വെട്ടിലാക്കുന്ന വിവരങ്ങളായിരുന്നു. പത്തനംതിട്ട ജില്ലാ കമ്മിറ്റി രൂപീകരിച്ചത് മുതലുള്ള അംഗമാണ് എ പത്മകുമാര്‍, സ്വര്‍ണ്ണക്കൊള്ള കത്തി നിന്നപ്പോള്‍ പത്മകുമാറിനെ ചേര്‍ത്ത് നിര്‍ത്തിയ സിപിഎം നടപടി വലിയ സംശയങ്ങളാണുണ്ടാക്കിയത്. പത്മകുമാര്‍ തന്നെ സൂചിപ്പിച്ച സ്വര്‍ണ്ണക്കൊള്ളയിലെ ദൈവതുല്യരുടെ പേര് പുറത്തുവരാതിരിക്കാനുള്ള സംരക്ഷണകവചമെന്നായിരുന്നു ആക്ഷേപം.

കൊല്ലം: പ്രിയദര്‍ശിനി ബസ് പദ്ധതി ഉദ്ഘാടന ചടങ്ങിനിടെ മന്ത്രി ബിന്ദുകൃഷ്ണയുടെ തലയില്‍ ചൂട് പായസം വീണു. കൊല്ലം കെഎസ്ആര്‍ടിസി ഡിപ്പോയില്‍ വെച്ച് നടന്ന ചടങ്ങിനിടെയാണ് സംഭവം. പദ്ധതിയുടെ ഉദ്ഘാടനത്തോടനുബന്ധിച്ച് യൂത്ത് കോണ്‍ഗ്രസ് ജില്ലാ അധ്യക്ഷന്റെ നേതൃത്വത്തില്‍ പായസവിതരണം ഉണ്ടായിരുന്നു. ഇത് ബസിനകത്ത് വെച്ച് വിതരണം ചെയ്യുകയുണ്ടായി. ഈ ചൂടുള്ള പായസമാണ് മന്ത്രിയുടെ തലയില്‍ വീണത്. ഇതിനിടെ ബസിനുള്ളില്‍ അനുയായികളും യാത്രക്കാരും അടങ്ങിയ വലിയ തിരക്കുണ്ടായി. തിരക്കിനിടെയുണ്ടായ തിക്കിലും തിരക്കിലും പായസം നിറച്ച പാത്രം മന്ത്രിയുടെ തലയിലേക്ക് തട്ടി പായസം ദേഹത്ത് വീഴുകയായിരുന്നുവെന്നാണ് വിശദീകരണം.
പെട്ടെന്ന് തന്നെ കൂടെ ഉണ്ടായിരുന്നവര്‍ ഷാളും മറ്റും ഉപയോഗിച്ച് മുഖവും തലയും വൃത്തിയാക്കി. സംഭവം മനഃപൂര്‍വമല്ലെന്നും ബസിനുള്ളിലെ തിരക്കാണ് കാരണമെന്നും പ്രവര്‍ത്തകര്‍ അറിയിച്ചു. ഉദ്ഘാടന പരിപാടിക്കും യാത്രയ്ക്കുമിടെ നിരവധി പേര്‍ മന്ത്രിയെ കാണാനും ആശംസകള്‍ അറിയിക്കാനുമായി ബസിലേക്ക് എത്തിയതോടെ ബസിനുള്ളില്‍ വലിയ തിരക്ക് അനുഭവപ്പെട്ടിരുന്നു. തുടര്‍ന്ന് ചിന്നക്കട വരെ ബസില്‍ യാത്ര ചെയ്ത് മന്ത്രി മടങ്ങുകയായിരുന്നു.