കോഴിക്കോട്: മുള്ളന്‍പന്നി കുറുകെ ചാടിയതിനെ തുടര്‍ന്ന് നിയന്ത്രണം വിട്ട ഓട്ടോ മറിഞ്ഞുണ്ടായ അപകടത്തില്‍ ഒരു മരണം. ഓട്ടോ ഡ്രൈവറായ നരിപ്പറ്റ സ്വദേശി രജിലേഷ് (38) ആണ് മരിച്ചത്. തൂണേരി ബാലവാടി സ്റ്റോപ്പിന് സമീപം ഞായറാഴ്ച രാത്രി ഏഴരയോടെയാണ് അപകടം നടന്നത്.
വിവാഹ ചടങ്ങില്‍ പങ്കെടുത്തശേഷം രജിലേഷും ഭാര്യ സൗമ്യയും രണ്ടു മക്കളും ഓട്ടോയില്‍ മടങ്ങിവരുമ്പോഴാണ് അപ്രതീക്ഷിതമായി മുള്ളന്‍പന്നി കുറുകെ ചാടിയത്. പന്നിയുടെ ദേഹത്ത് ഇടിക്കാതിരിക്കാന്‍ വാഹനം വെട്ടിച്ചപ്പോള്‍ നിയന്ത്രണം വിട്ട് മറിയുകയായിരുന്നു. അപകടത്തില്‍ രജീലേഷ് പുറത്തേയ്ക്ക് തെറിച്ചു വീണു. തലയിടിച്ചാണ് വീണത്. ഉടന്‍ മൊടക്കല്ലൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. അപകടത്തില്‍ കാലിന് പരിക്കേറ്റ ഭാര്യ സൗമ്യ ചികിത്സയിലാണ്. ഒപ്പമുണ്ടായിരുന്ന മക്കള്‍ക്ക് പരിക്കേല്‍ക്കാതെ രക്ഷപ്പെട്ടു.

ചാല : കണ്ണൂർ ചാല ജിഎച്ച്‌എസ്‌എസിനുസമീപം നിർത്തിയിട്ട കാറിൽ യുവാവിനെ മരിച്ചനിലയിൽ കണ്ടെത്തി. തന്നട കുണ്ടത്തിൽ ഹൗസിൽ രജിൻ (35) ആണ് മരിച്ചത്. ഞായറാഴ്‌ച രാത്രിയാണ്‌ സംഭവം. ഫോണിൽ വിളിച്ചിട്ട് കിട്ടാതായതോടെ സുഹൃത്തുക്കൾ നടത്തിയ തെരച്ചിലിലാണ് സ്കൂളിന് സമീപം രജിന്റെ കാർ കണ്ടെത്തിയത്. കാറിന്റെ ഡോറുകൾ ലോക്ക്ചെയ്‌തിരുന്നു. പല തവണ മുട്ടിവിളിച്ചിട്ടും വാതിൽ തുറക്കാത്തതിനെത്തുടർന്ന്‌ കണ്ണൂരിൽ നിന്ന്‌ അഗ്നിരക്ഷാസേനയെത്തി കാറിന്റെ ചില്ല് തകർത്താണ് രജിനെ പുറത്തെടുത്തത്.

ഉടൻ ചാലയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ബന്ധുവിന്റെ പരാതിയിൽ അസ്വാഭാവിക മരണത്തിന് എടക്കാട് പൊലീസ് കേസെടുത്ത് അന്വേഷണം ആരംഭിച്ചു.

തിരുവനന്തപുരം: കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില്‍ ഇടത്തരം മഴയ്ക്കും മണിക്കൂറില്‍ 50 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. ഇന്ന് മൂന്നു ജില്ലകളില്‍ ഓറഞ്ച് അലര്‍ട്ട് പുറപ്പെടുവിച്ചു. കാസര്‍കോട്, കണ്ണൂര്‍, കോഴിക്കോട് ജില്ലകളിലാണ് ഇന്ന് ഓറഞ്ച് അലര്‍ട്ട്. ശേഷിക്കുന്ന 11 ജില്ലകളിലും യെല്ലോ അലര്‍ട്ടാണ്.
നാളെ വടക്കന്‍ കേരളത്തിലെ മൂന്നു ജില്ലകളില്‍ തീവ്രമഴ മുന്നറിയിപ്പുണ്ട്. കാസര്‍കോട്, കണ്ണൂര്‍, കോഴിക്കോട് ജില്ലകളിലാണ് റെഡ് അലര്‍ട്ട് പുറപ്പെടുവിച്ചത്. മലപ്പുറം, വയനാട് ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്. പാലക്കാട്, തൃശൂര്‍, ഇടുക്കി, എറണാകുളം, കോട്ടയം, പത്തനംതിട്ട ജില്ലകളില്‍ യെല്ലോ അലര്‍ട്ടുമുണ്ട്.

തിരുവനന്തപുരം: സംസ്ഥാനത്തെ ഹയർ സെക്കൻഡറി സ്കൂളുകളിലെ പ്ലസ് വൺ പ്രവേശനത്തിനുള്ള മുഖ്യഘട്ടത്തിലെ ട്രയൽ അലോട്ട്മെന്റ് പ്രസിദ്ധീകരിച്ചു. പൊതുവിദ്യാഭ്യാസ വകുപ്പിന്റെ ഏകജാലക പ്രവേശന പോർട്ടലായ ‘HSCAP’ വഴി തിങ്കളാഴ്ച രാവിലെ 10 മണി മുതൽ ഫലം ലഭ്യമാണ്.


മെറിറ്റ് ക്വാട്ടയ്ക്ക് പുറമെ മോഡൽ റസിഡൻഷ്യൽ സ്കൂളുകളിലേക്കുള്ള ട്രയൽ അലോട്ട്മെന്റും ഇതിനൊപ്പം പ്രസിദ്ധീകരിച്ചിട്ടുണ്ട്. വിദ്യാർത്ഥികൾക്ക് തങ്ങളുടെ അപേക്ഷയുടെ നിലവിലെ അവസ്ഥ പരിശോധിക്കാനും തെറ്റുകൾ തിരുത്താനുമുള്ള അവസാന അവസരമാണിത്.


ലഭിച്ച വിവരങ്ങളിൽ എന്തെങ്കിലും തരത്തിലുള്ള തിരുത്തലുകളോ മാറ്റങ്ങളോ വരുത്താനുണ്ടെങ്കിൽ ജൂൺ 10-ന് വൈകുന്നേരം 5 മണി വരെ സമയം അനുവദിച്ചിട്ടുണ്ട്. ട്രയൽ അലോട്ട്മെന്റ് പരിശോധിക്കുമ്പോൾ അപേക്ഷകർ തങ്ങളുടെ ഫലം കൃത്യമായി വിലയിരുത്തേണ്ടതാണ്.


അപേക്ഷയിൽ തെറ്റായ വിവരങ്ങൾ ഉൾപ്പെട്ടിട്ടുണ്ടെങ്കിൽ അത് ഉടനടി തിരുത്തണം. തെറ്റായ വിവരങ്ങൾ നൽകി അലോട്ട്മെന്റ് നേടിയതായി ശ്രദ്ധയിൽപ്പെട്ടാൽ പ്രസ്തുത അലോട്ട്മെന്റ് റദ്ദാക്കുമെന്ന് അധികൃതർ കർശന നിർദ്ദേശം നൽകിയിട്ടുണ്ട്.


സ്വയം വിവരങ്ങൾ പരിശോധിക്കാൻ ബുദ്ധിമുട്ടുള്ള വിദ്യാർത്ഥികൾക്ക് തൊട്ടടുത്തുള്ള സർക്കാർ/എയ്ഡഡ് ഹയർ സെക്കൻഡറി സ്കൂളുകളിലെ ഹെൽപ്പ് ഡെസ്കുകളുടെ സാങ്കേതിക സഹായം തേടാം. വിദ്യാർത്ഥികൾ hscap.kerala.gov.in എന്ന ഔദ്യോഗിക വെബ്സൈറ്റ് സന്ദർശിക്കുക.


വെബ്സൈറ്റിലെ ‘Candidate Login’ ലിങ്ക് വഴി യൂസർ നെയിമും പാസ്‌വേഡും നൽകി ലോഗിൻ ചെയ്യുക. ലോഗിൻ ചെയ്ത ശേഷം ‘Trial Results’ എന്ന ലിങ്കിൽ ക്ലിക്ക് ചെയ്ത് അലോട്ട്മെന്റ് നില പരിശോധിക്കാം.


മോഡൽ റസിഡൻഷ്യൽ സ്കൂളുകളിലേക്ക് അപേക്ഷിച്ചവർ ‘Candidate Login-MRS’ വഴി വേണം ഫലം പരിശോധിക്കാൻ. അപേക്ഷയിൽ മാറ്റങ്ങൾ വരുത്താൻ ആഗ്രഹിക്കുന്നവർക്ക് ലോഗിൻ ചെയ്ത ശേഷം ‘Edit Application’ ലിങ്ക് വഴി ജൂൺ 10-നകം തിരുത്തലുകൾ വരുത്തുകയോ ഓപ്ഷനുകളുടെ മുൻഗണനാ ക്രമം മാറ്റുകയോ ചെയ്യാവുന്നതാണ്.


ഈ തിരുത്തലുകൾക്ക് ശേഷമുള്ള ആദ്യ ഔദ്യോഗിക അലോട്ട്മെന്റ് ജൂൺ 15-ന് പ്രസിദ്ധീകരിക്കും. മുഖ്യഘട്ട അലോട്ട്മെന്റുകൾ ജൂലൈ 1-ഓടെ പൂർത്തിയാക്കി ജൂലൈ രണ്ടാം വാരത്തോടെ ക്ലാസുകൾ ആരംഭിക്കാനാണ് പൊതുവിദ്യാഭ്യാസ പ്ലസ് വൺ ഏകജാലകം: ട്രയൽ അലോട്ട്മെന്റ് പ്രസിദ്ധീകരിച്ചുവകുപ്പ് ലക്ഷ്യമിടുന്നത്.