ശാസ്താംകോട്ട : മൈനാഗപ്പള്ളിയിൽ വീട് കുത്തി തുറന്ന് മോഷണം എസ് .എൻ . ഡി . പി കുന്നത്തൂർ യൂനിയൻ മുൻ ജന.സെക്രട്ടറി ശ്രീലയം ശ്രീനിവാസൻ്റെ ഉദയാ ജംഗ്ഷനിലുള്ള വീടാണ് കുത്തി തുറന്ന് മോഷണം നടത്തിയത്. കഴിഞ്ഞ ആറു മാസത്തോളമായി ശ്രീനിവാസനും കുടുംബവും സ്വിറ്റ്സർലൻ്റിൽ മകനോടൊപ്പമാണ് താമസം.അതിനാൽ ഇവിടെ വീട് അടച്ചിട്ടിരിക്കുകയായിരുന്നു. ബന്ധുവും സമീപവാസിയുമായ രാധാകൃഷ്ണനാണ് ഇടയ്ക്ക് ഇവിടെ എത്തി നോക്കുന്നത്. എന്നാൽ രാധാകൃഷ്ണനും രണ്ട് മൂന്ന് ദിവസം മുമ്പാണ് ഇവിടെ വന്ന് നോക്കി പോയത്.

തിങ്കളാഴ്ച സെൻസസ് എടുക്കുന്നതിൻ്റെ ഭാഗമായി വീട്ട് നമ്പർ നോക്കാൻ രാധാകൃഷണൻ എത്തിയപ്പോഴാണ് വീടിൻ്റെ മുൻ വാതിൽ തകർത്ത നിലയിൽ കാണപ്പെട്ടത്. തുടർന്ന് മറ്റ് ബന്ധുക്കളെയും പോലീസിനെയും വിവരം അറിയിക്കുകയും ശാസ്താംകോട്ടഎസ്. ഐ ശ്രീജിത്തിൻ്റെ നേതൃത്വത്തിലുള്ള പോലീസ് സ്ഥലത്ത് എത്തി പരിശോധന നടത്തുകയും ചെയ്തു. മറ്റ് മുറികളുടെയും അടുക്കള ഭാഗത്തെയും വാതിലുകൾ തകർക്കുകയും
അലമാരകൾ എല്ലാം കുത്തി തുറക്കുകയും ചെയ്തിട്ടുണ്ട്.
മുറിയിൽ ഇരുന്ന് മദ്യപിച്ച ലക്ഷണവും കാണിക്കുന്നുണ്ട്. മോഷ്ടാക്കൾ സി.സി. റ്റി. വി യുടെ ഹാർഡ് ഡിസ്കും മോണിറ്ററും അപഹരിക്കുകയും ചെയ്തിട്ടുണ്ട്. ഉടമസ്ഥർ നാട്ടിൽ ഇല്ലാത്തതിനാൽ കൂടുതൽ സാധനങ്ങൾ നഷ്ടപ്പെട്ടിട്ടുണ്ടോ എന്ന് തിരിച്ചറിയാൻ കഴിഞ്ഞിട്ടില്ല. പോലീസ് അന്വഷണം തുടരുന്നുണ്ട്.

ഉദയാ ജംഗ്ഷൻ: മൈനാഗപ്പള്ളി ഉദയാ ലൈബ്രറിയിൽ വായനാ പക്ഷാചരണത്തിന്റെ ഭാഗമായി വൈക്കം മുഹമ്മദ് ബഷീർ, തിരുനല്ലൂർ കരുണാകരൻ എന്നിവരുടെ അനുസ്മരണ പ്രഭാഷണം നടത്തി. ലൈബ്രറി മുൻ പ്രസിഡന്റ് അഡ്വ.റ്റി. മോഹനന്റെ അദ്ധ്യക്ഷതയിൽ കൂടിയ യോഗംകവിയും പ്രഭാഷകനുമായ പി.ശിവപ്രസാദ് ഉദ്ഘാടനം ചെയ്തു.

ഭരണ സമിതിയംഗം ആർ. മോഹനൻ പിള്ള ആശംസാ പ്രസംഗം നടത്തി. ലൈബ്രറി മുൻ സെക്രട്ടറി കെ.പ്രസന്നകുമാർ സ്വാഗതവും ലൈബ്രേറിയൻ ജെ.ജയകുമാരി നന്ദിയും പറഞ്ഞു.ലൈബ്രറി പ്രസിഡന്റ് കെ.മോഹനൻ,വൈസ് പ്രസിഡന്റ് കെ.കെ. വിജയധരൻ, ജോയിന്റ് സെക്രട്ടറി കെ.എസ്.രാധാകൃഷ്ണൻ, വനിതാവേദി പ്രസിഡന്റ് എസ്.ആർ.ശ്രീകല, ബാലവേദി കോ-ഓർഡിനേറ്റർ ആർ.പി. സുഷമ, എസ്. മായാദേവി, മണക്കാട്ടു രവീന്ദ്രൻ, യുവത പ്രസിഡന്റ് അജു.ജി.നാഥ്, ലൈബ്രേറിയൻ ഇ. ഷജീന,കോയിക്കൽ സുരേഷ്, പി. അശോക് കുമാർ,ഇഞ്ചക്കോട്ടു ഫിലിപ്പോസ് എന്നിവർ നേതൃത്വം നല്കി. ജൂൺ 16 – ന് ആരംഭിച്ച പക്ഷാചരണം ജൂലൈ 7-നു് ഐ.വി. ദാസ് അനുസ്മരണത്തോടെ സമാപിക്കും.

മൈനാഗപ്പള്ളി: പതിനൊന്നാമത് മണ്ണൂർക്കാവ് കഥകളി ഫെസ്റ്റിവലിന്റെ ഭാഗമായി ‘കലകളും മാധ്യമങ്ങളും ആധുനിക കാലഘട്ടത്തിൽ’ എന്ന വിഷയത്തിൽ നടന്ന മാധ്യമസെമിനാർ മാധ്യമ പ്രവർത്തകൻ ലിജിൻ മത്തായി ഉത്ഘാടനംചെയ്തു.
ശ്രീശൈലം ശിവൻ പിള്ള അധ്യക്ഷത വഹിച്ചു.
അഡ്വ.രാജൻ ഇലവിനാൽ,ആർ.കൃഷ്ണകുമാർ,
വിനോദ് കുന്നത്ത്,ഉണ്ണി പ്രാർത്ഥന
എന്നിവർ ചർച്ചയിൽ പങ്കെടുത്തു.
ഇന്ന് വൈകിട്ട് 4 ന് ‘ശാസ്ത്രീയത കഥകളിയിൽ’ എന്ന വിഷയത്തിൽ സിമ്പോസിയം വി.പി.ലീലാകൃഷ്ണൻ ഉത്ഘാടനം ചെയ്യും. തുടർന്ന് കഥകളി, കഥ:ബാണയുദ്ധം എന്നിവ നടക്കും. നാളെ വൈകിട്ട് 4 ന് സാംസ്‌കാരിക സമ്മേളനവും, ആചാര്യസംഗമവും കൊടിക്കുന്നിൽ സുരേഷ് എം. പി. ഉത്ഘാടനം ചെയ്യും.
പഞ്ചായത്ത് വൈസ് പ്രസിഡന്റ്‌ കെ.പി. വേണുഗോപാൽ മുഖ്യ പ്രസംഗം നടത്തും.സദനം കൃഷ്ണൻകുട്ടി, കലാമണ്ഡലം സുരേന്ദ്രൻ,കലാമണ്ഡലം കൃഷ്ണദാസ്, കലാമണ്ഡലം രവീന്ദ്രൻ എന്നിവരെ ചടങ്ങിൽ ആദരിക്കും.തുടർന്ന് തോരണയുദ്ധം കഥകളിയും ഉണ്ട്.

മൈനാഗപ്പള്ളി. ഗ്രാമപഞ്ചായത്ത്‌ 17-ാം വാർഡിന്റെ ആഭിമുഖ്യത്തിൽ
SSLC, PLUS TWO പരീക്ഷയിൽ ഉന്നത വിജയം നേടിയ കുട്ടികൾക്ക് മെമ്പർ മെറിറ്റ് അവാർഡ്
വിതരണവും’ ഓണത്തിന് ഒരു മുറം പച്ചക്കറി ‘ക്കായി
പച്ചക്കറി വിത്ത് വിതരണവും നടത്തി.
വാർഡ് മെമ്പർ വർഗീസ് തരകൻ അധ്യക്ഷത വഹിച്ച യോഗം ഉല്ലാസ് കോവൂർ MLA ഉദ്ഘാടനം ചെയ്തു. കൊല്ലം DCC പ്രസിഡന്റും മുൻ കരുനാഗപ്പള്ളി ബ്ലോക്ക് പഞ്ചായത്ത്‌ പ്രസിഡന്റുമായിരുന്ന പി. രാജേന്ദ്രപ്രസാദ് മുഖ്യ സന്ദേശം നൽകി. ചടങ്ങിൽ അധ്യാപക അവാർഡ് ജേതാവ് ജ്യോതിനാഥനെ ആദരിച്ചു. ബ്ലോക്ക്‌ പഞ്ചായത്ത്‌ മെമ്പർ പി. സി. കോശി വൈദ്യൻ, വാർഡ് മെമ്പർ സിജു കോശി വൈദ്യൻ, Y. ഷാജഹാൻ, അധ്യാപക അവാർഡ് ജേതാവ് ജ്യോതി നാഥൻ, ഷാൻരാജ്, വിദ്യാധരൻ എന്നിവർ സംസാരിച്ചു

ശാസ്താംകോട്ട:ഡിവൈഎഫ്ഐ നേതാവായ താത്ക്കാലിക ജീവനക്കാരൻ ലക്ഷക്കണക്കിന് രൂപ തട്ടിയെടുത്ത സംഭവത്തിൽ പഞ്ചായത്ത് പ്രസിഡൻ്റ്, വൈസ് പ്രസിഡൻ്റ് എന്നിവർ രാജി വച്ച് നിയമ നടപടി നേരിടണമെന്ന് ആവശ്യപ്പെട്ട് യൂത്ത് കോൺഗ്രസ് കുന്നത്തൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ ശാസ്താംകോട്ട പഞ്ചായത്ത് ഓഫീസിലേക്ക് മാർച്ച് നടത്തി.ഫിൽറ്റർ ഹൗസ് ജംഗ്ഷനിൽ നിന്നും ആരംഭിച്ച മാർച്ച് പഞ്ചായത്ത് കവാടത്തിൽ ബാരിക്കേഡ് ഉപയോഗിച്ച് പൊലീസ് തടഞ്ഞു.

യൂത്ത് കോൺഗ്രസ് സംസ്ഥാന വർക്കിംഗ് പ്രസിഡൻ്റ് ബിനു പുള്ളിയിൽ ഉദ്ഘാടനം ചെയ്തു.നിയോജക മണ്ഡലം പ്രസിഡൻ്റ് റിയാസ് പറമ്പിൽ അധ്യക്ഷത വഹിച്ചു.തുണ്ടിൽ നൗഷാദ്,വൈ.ഷാജഹാൻ,ദിനേശ് ബാബു,അൻവർ പാറപ്പുറം,പി.എസ് അനുതാജ്,രതീഷ് കുറ്റിയിൽ,സുഹൈൽ അൻസാരി,പി.എം സെയ്ദ്,അമൃത പ്രിയ,അനിൽ പനപ്പെട്ടി,ബിജു ലൂക്കോസ്,പി.ജി വിനോദ് കുമാർ,തസ്‌നി,നെബീസത്ത് എന്നിവർ പ്രസംഗിച്ചു.

ശാസ്താംകോട്ട. കനത്ത മഴയിൽ മൈനാഗപ്പള്ളി കടപ്പ 21 -ാം വാർഡിൽ കരുണാലയത്ത് സുകുമാരി പിള്ള യുടെ വീട് തകർന്നു. സാമ്പത്തികമായി വളരെ ബുദ്ധിമുട്ടിലായ കുടുംബം വീട് പോയതോടെ കഷ്ടത്തിലായി .. ഒരു വയസ്സ് മാത്രം പ്രായമുള്ള കുട്ടി ഉൾപ്പെടെ അഞ്ചു പേർ താമസിക്കുന്ന വീടാണ് തകർന്നത്. അധികൃതരുടെ ഭാഗത്തു നിന്ന് അർഹമായ സാമ്പത്തിക സഹായം ചെയ്തെങ്കിൽ മാത്രമേ ഈ നിർധന കുടുംബത്തിനു വാസയോഗ്യമായ വീട് ലഭിക്കുകയുള്ളുവെന്ന് സ്ഥലവാസികള്‍ പറഞ്ഞു.