ശൂരനാട് :ശൂരനാട് വടക്ക് ചേഞ്ചിറക്കുഴി മഴ ഗ്രന്ഥശാലയുടെ നേതൃത്വത്തിൽ ഗ്രന്ഥശാല ദിനാഘോഷം മഴയിലൊഴുകുന്ന പുസ്തകച്ചങ്ങാതി എന്ന പേരിൽ സംഘടിപ്പിച്ചു. മഴമുറ്റത്ത് ഗ്രന്ഥശാല പ്രസിഡന്റ് നവാസ് എസ് ചേഞ്ചിറക്കുഴി പതാക ഉയർത്തി.കൊല്ലം ജില്ലാ പഞ്ചായത്തംഗം എ. റമീസ് അക്ഷരദീപം തെളിച്ച് ഉദ്ഘാടനം ചെയ്തു.
ഗ്രന്ഥശാല ഭരണസമിതി അംഗം എം.അബ്ദുൽ സലീം അദ്ധ്യക്ഷത വഹിച്ചു.എം.സുധീർഖാൻ റാവുത്തർ, ഹർഷ ഫാത്തിമ, ആർ. മുംതാസ് എന്നിവർ പ്രസംഗിച്ചു. പുസ്തക സമാഹരണം, മുതിർന്ന ഗ്രന്ഥശാല പ്രവർത്തകരെ ആദരിക്കൽ, അംഗത്വവിതരണം എന്നിവയും പരിപാടിയുടെ ഭാഗമായി സംഘടിപ്പിച്ചു.
