ശാസ്താംകോട്ട:ശ്രീനാരായണ ഗുരുദേവന്റെ 172 മത് ജയന്തി കുന്നത്തൂർ യൂണിയന്റെ നേതൃത്വത്തിൽ യൂണിയനിലെ എല്ലാ ശാഖകളിലും ആഘോഷിച്ചു.രാവിലെ 8 മണിക്ക് യൂണിയൻ ആസ്ഥാനത്ത് പ്രസിഡന്റ് ആർ.ശ്രീകുമാർ ഭദ്രദീപം തെളിയിച്ചു കൊണ്ട് ആഘോഷ പരിപാടികൾക്ക് തുടക്കമായി.യൂണിയൻ,ശാഖ നേതാക്കന്മാർ പങ്കെടുത്തു.തുടർന്ന് രാവിലെ 9 മണിക്ക് യൂണിയൻ പ്രാർത്ഥനാ ഹാളിൽ വെച്ച് കലാ- കായിക,സാംസ്കാരിക, കാർഷിക, വിദ്യാഭ്യാസ മേഖലകളിൽ മികവ് തെളിയിച്ച പ്രതിഭകളെ ഗുരുകീർത്തി പുരസ്കാരം നൽകി ആദരിച്ചു.
പ്ലസ് ടു, എസ് എസ് എൽ സി പരീക്ഷകളിൽ എല്ലാ വിഷയങ്ങൾക്കും എ പ്ലസ് വാങ്ങിയ കുട്ടികൾക്ക് ഗുരുകീർത്തി പുരസ്കാര സർട്ടിഫിക്കറ്റും ക്യാഷ് അവാർഡും നൽകി ആദരിച്ചു.യോഗം യൂണിയൻ പ്രസിഡന്റ് ആർ ശ്രീകുമാർ ഉദ്ഘാടനം ചെയ്തു. യൂണിയൻ സെക്രട്ടറി റാം മനോജ് സ്വാഗതം ആശംസിച്ചു.
യോഗം ഡയറക്ടർ ബോർഡ് അംഗങ്ങളായ അഡ്വ ഡി സുധാകരൻ, വി ബേബികുമാർ, കൗൺസിൽ അംഗങ്ങളായ അഡ്വ സുഭാഷ് ചന്ദ്ര ബാബു, ആർ പ്രേം ഷാജി, നെടിയവിള സജീവൻ എന്നിവർ സംസാരിച്ചു. പഞ്ചായത്ത് കമ്മിറ്റി അംഗം എസ്.രഞ്ജിത് നന്ദി പറഞ്ഞു.ഗുരു ജയന്തിയോട് അനുബന്ധിച്ച് യൂണിയൻ അതിർത്തിയിലുള്ള പ്രധാന ജംഗ്ഷനുകളും ഗുരുമന്ദിരങ്ങളും പീത പതാകകളാലും തോരണങ്ങളാലും കളർ ബൾബുകളാലും അലങ്കരിച്ചു.എല്ലാ ശാഖകളിലും ഗുരുപൂജ, ഗുരു ഭാഗവത പാരായണം, ആത്മീയ പ്രഭാഷണം, അന്നദാനം,സമ്മേളങ്ങൾ, മെറിറ്റ് അവാർഡ് വിതരണം,വർണാഭമായ ഘോഷയാത്ര എന്നിവയോടെ ആഘോഷ പരിപാടികൾ നടന്നു.കുന്നത്തൂർ യൂണിയനിലെ SNDP യോഗം 176-ാം നമ്പർ ഇടയ്ക്കാട് ശാഖയിൽ ശ്രീ നാരായണ ഗുരുദേവ പ്രതിഷ്ഠയുടെ 34-ാം വാർഷികവും ചതയദിനാഘോഷവും വിദ്യാഭ്യാസ സ്കോളർഷിപ്പ് വിതരണവും നടന്നു.ശാഖാ മന്ദിരത്തിൽ നടന്ന സാംസ്കാരിക സമ്മേളനം കുന്നത്തൂർ യൂണിയൻ സെക്രട്ടറി
റാം മനോജ് ഉദ്ഘാടനം ചെയ്തു.
റാം മനോജ് ഉദ്ഘാടനം ചെയ്യുന്നു.
ശാഖാ പ്രസിഡന്റ് പ്രസന്നൻ ഡി അധ്യക്ഷത വഹിച്ചു.കുന്നത്തൂർ യൂണിയൻ പ്രസിഡന്റ് ആർ. ശ്രീകുമാർ മുഖ്യപ്രഭാഷണവും വിദ്യാർത്ഥികൾക്കുള്ള സ്കോളർഷിപ്പ് വിതരണവും നിർവ്വഹിച്ചു.ശാഖാ സെക്രട്ടറി ഇടയ്ക്കാട് അജിൽ സ്വാഗതവും വൈസ് പ്രസിഡന്റ് അഖിൽ മോഹൻ നന്ദിയും പറഞ്ഞു.ചടങ്ങിൽ അഖിൽ സിദ്ധാർത്ഥ (കുന്നത്തൂർ യൂണിയൻ കൗൺസിലർ),അഭിലാഷ് ഡി.കെ., ബാലചന്ദ്രൻ, ആനന്ദൻ, സുധാകരൻ, സുരേഷ്, ശ്രീജിത്ത്, ഗീതാ രവീന്ദ്രൻ, ദീപ അംബുജാക്ഷൻ, ലീലാ യശോധരൻ, പ്രസന്നരാജൻ, ജയപ്രസന്ന, ലത തുടങ്ങിയവർ സംസാരിച്ചു.കുന്നത്തൂർ കിഴക്ക് 174 -ാം നമ്പർ ശാഖയിൽ സമ്മേളനം, ഘോഷയാത്ര എന്നിവ നടന്നു.
