ഉദയാ ജംഗ്ഷൻ: രണ്ടു ദിനങ്ങൾ നീണ്ടുനിന്ന ഉദയാ ലൈബ്രറിയുടെ 2026 വർഷത്തെ വാർഷികാഘോഷവും ഓണാഘോഷവും സമാപിച്ചു. തിരുവോണനാളിൽ ലൈബ്രറി പ്രസിഡന്റ് കെ.മോഹനൻ പതാകയർത്തി ആഘോഷങ്ങൾക്ക് തുടക്കം കുറിച്ചു. യുവത കോ – ഓർഡിനേറ്റർ രജി കൃഷ്ണയുടെ അദ്ധ്യക്ഷതയിൽ കൂടിയ യോഗത്തിൽ ജില്ലാ ലൈബ്രറി കൗൺസിൽ അംഗം കെ.കൊച്ചു വേലുമാസ്റ്റർ ആഘോഷങ്ങൾ ഉദ്ഘാടനം ചെയ്തു.
അത്തപ്പൂക്കള മത്സരം, ഉറിയടി, വടംവലി, ബാലവേദി കൂട്ടുകാരുടെ കലാ, കായിക, സാംസ്കാരിക മത്സരങ്ങൾ, പ്രവചന മത്സരം തുടങ്ങി വിവിധങ്ങളായപരിപാടികൾ ആഘോഷങ്ങളുടെ ഭാഗമായിനടന്നു. ചതയദിനത്തിൽ നടന്ന സാംസ്കാരിക സമ്മേളനം മൈനാഗപ്പള്ളി ഗ്രാമ പഞ്ചായത്തു പ്രസിഡന്റ് രജനി സുനിൽ ഉദ്ഘാടനം ചെയ്തു. പ്രസിഡന്റ് കെ.മോഹനൻ അധ്യക്ഷതവഹിച്ചു. സെക്രട്ടറി ബി. സരോജാക്ഷൻ പിള്ള സ്വാഗതം പറഞ്ഞു. വൈസ് പ്രസിഡന്റ് കെ.കെ.വിജയധരൻ, മുൻ പ്രസിഡന്റ് അഡ്വ.റ്റി. മോഹനൻ, മുൻ സെക്രട്ടറി കെ. പ്രസന്നകുമാർ, യുവത പ്രസിഡന്റ് അജു.ജി.നാഥ്,പി.എസ്.സാനു തുടങ്ങിയവർ പ്രസംഗിച്ചു.
ജോയിന്റ് സെക്രട്ടറി കെ.എസ്.രാധാകൃഷ്ണൻ വിജയികൾക്കുള്ള കാഷ് അവാർഡുകളും ട്രോഫികളും വിതരണം ചെയ്തു. വനിതാവേദി പ്രസിഡന്റ് എസ്.ആർ. ശ്രീകല നന്ദി പറഞ്ഞു.ആർ.പി. സുഷമ ടീച്ചർ,എസ്.മായാദേവി, ആർ. മോഹനൻ പിള്ള, ആർ.ശ്രീകുമാർ, മണക്കാട്ടു രവീന്ദ്രൻ,വനിതാവേദി സെക്രട്ടറി പി.എസ്.അജിത,ലൈബ്രറിയൻ ജെ.ജയകുമാരി, കോയിക്കൽ സുരേഷ് തുടങ്ങിയവർ നേതൃത്വം നല്കി.
