29.8 C
Kollam
Saturday 21st November, 2026 | 07:22:14 PM
Home News Local ശാസ്താംകോട്ടയെ ഞെട്ടിച്ച്  മിലാദി ഷെരീഫ് സ്കൂളിൽ കരടിയിറങ്ങി

ശാസ്താംകോട്ടയെ ഞെട്ടിച്ച്  മിലാദി ഷെരീഫ് സ്കൂളിൽ കരടിയിറങ്ങി

Advertisement

ശാസ്താംകോട്ട: ഇന്ന് നാടൊട്ടാകെ ഭീതിയും ആവേശവും പടർത്തി പ്രദേശത്ത് കരടിയിറങ്ങി! എന്നാൽ നാട്ടുകാർ ആരും ഭയപ്പെട്ടതുമില്ല, ഓടിയൊളിച്ചതുമില്ല. മൈനാഗപ്പള്ളി മിലാദെ ഷെരീഫ് ബോയ്സ് ഹൈസ്കൂളിൽ നടന്ന വർണ്ണാഭമായ ഓണാഘോഷ പരിപാടികളുടെ ഭാഗമായാണ് ഇന്ന് സ്കൂൾ മുറ്റത്തേക്ക് ഭയാനകമായ രൂപത്തിൽ ‘കരടി’ എത്തിയത്.
സ്കൂളിലെ ഓണാഘോഷത്തിന് മാറ്റ് കൂട്ടാൻ അരങ്ങേറിയ പരമ്പരാഗത കലാരുപമായ ‘കരടി കളി’ വിദ്യാർത്ഥികൾക്കും അധ്യാപകർക്കും മുന്നിൽ വിസ്മയമായി. കറുത്ത വേഷവും കരടിയുടെ ഭാവങ്ങളും ഉൾക്കൊണ്ട് അരങ്ങേറിയ ഈ കളി ഇത്തവണത്തെ ഓണാഘോഷത്തിലെ പ്രധാന ആകർഷണങ്ങളിൽ ഒന്നായി മാറി.


വിദ്യാർത്ഥികൾക്കായി തികച്ചും വിസ്മയകരവും രസകരവുമായ അനുഭവമൊരുക്കാൻ മിലാദെ ഷെരീഫ് ബോയ്സ് ഹൈസ്കൂളിന് കഴിഞ്ഞു. ഓണത്തിന്റെ തനിമയും ആവേശവും ചോരാതെ സംഘടിപ്പിച്ച ഇന്നത്തെ ആഘോഷ പരിപാടികൾ വൻ വിജയമായി മാറി.