ശൂരനാട്: കടമ്പനാട് വൈദിക ജില്ല MCYM-ന്റെ നേതൃത്വത്തിൽ ശൂരനാട് സെന്റ് ജോസഫ് തീർത്ഥാടന ഫെറോന ദേവാലയത്തിൽ സംഘടിപ്പിച്ച എവേക്ക് പ്രെയ്സ് പാർട്ടി’ ഭക്തിസാന്ദ്രമായി.
ചടങ്ങിന്റെ ഉദ്ഘാടനം മാവേലിക്കര ഭദ്രാസനാധ്യക്ഷൻ അഭി. ഡോ. മാത്യൂസ് മാർ പോളിക്കാർപ്പോസ് മെത്രാപ്പോലീത്ത നിർവ്വഹിച്ചു. ആരാധന എന്നാൽ ദൈവത്തോടൊപ്പം ജീവിക്കുന്ന വിശുദ്ധമായ ജീവിതശൈലിയാണെന്ന് അദ്ദേഹം സന്ദേശത്തിൽ ഓർമ്മിപ്പിച്ചു.
പുനലൂർ രൂപത അധ്യക്ഷൻ അഭി. സിൽവസ്റ്റർ പൊന്നുമുത്തൻ പിതാവ്.ചടങ്ങിൽ മുഖ്യസന്ദേശം നൽകി.
ബഹു.ഡാനിയേൽ പൂവണ്ണത്തിൽ അച്ചനും ബിനോജ് മുളവരിക്കൽ അച്ചനുമാണ് നേതൃത്വം നൽകിയത്. ആരാധനയിൽ മനസ്സ് നിശ്ചലമാകുമ്പോൾ ദൈവം ഹൃദയത്തോട് സംസാരിക്കുന്നുവെന്ന അനുഭവവേദ്യമായ സന്ദേശമാണ് പ്രാർത്ഥനാസന്ധ്യ പകർന്നത്.
കടമ്പനാട് ജില്ലാ വികാരി ഡോ. ഫാ. ജി. എബ്രഹാം തലോത്തിൽ, MCYM ഡയറക്ടർ ഫാ. മാത്യു വലിയപറമ്പിൽ പ്രസിഡന്റ് അജോ അജി, പ്രോഗ്രാം കൺവീനർ സിജോ ജേക്കബ് തുടങ്ങിയവരുടെയും വൈദികരുടെയും സന്യാസിനിമാരുടെയും മഹനീയ സാന്നിധ്യത്തിൽ വിവിധ ഇടവകകളിൽ നിന്നായി ആയിരക്കണക്കിന് വിശ്വാസികൾ ഗാനശുശ്രൂഷയിൽ പങ്കെടുത്തു.
