മലപ്പുറം .എടവണ്ണയിൽ നിർത്തിയിട്ട കാറിൽ നിന്ന് എം ഡി എം എ യും പണവും പിടികൂടി. വിൽപ്പനയ്ക്കായി സൂക്ഷിച്ച 20 ഗ്രാം MDMAയും 2,06,000 രൂപയും ഉൾപ്പെടെയുള്ള സാധനങ്ങളാണ് കാറിൽ നിന്ന് എടവണ്ണ പോലീസ് പിടികൂടിയത്.
തിരുവാലി ഒറ്റപ്പൊക്ക് ഭാഗത്ത് സംശയാസ്പദ സാഹചര്യത്തിൽ നിർത്തിയിട്ടിരുന്ന KL 18 P 3505 നമ്പർ വെള്ള നിറത്തിലുള്ള Swift കാറിൽ നിന്നാണ് മയക്കുമരുന്നും പണവും പിടികൂടിയത്. എളങ്കൂർ സ്വദേശി ആലങ്ങാടൻ റൗഫ് എന്നയാളുടെ പേരിലുള്ള ഇന്ത്യൻ ഓവർസീസ് ബാങ്ക് പാസ്ബുക്ക്, മയക്കുമരുന്ന് വിൽപ്പനയ്ക്കായി ഉപയോഗിക്കുന്നതായി സംശയിക്കുന്ന ചെറിയ zip-lock കവറുകൾ, മയക്കുമരുന്ന് തൂക്കി വിൽക്കാനുള്ള ഇലക്ട്രോണിക് ത്രാസ് എന്നിവയും കാറിൽ കണ്ടെത്തി.
