കൊച്ചി. സ്റ്റണ്ട് മാസ്റ്റർ ധന്യകാളിയെ ആക്രമിച്ച കേസിൽ
പ്രതി വടിവാൾ യൂസഫ് അറസ്റ്റിൽ. ഒരാഴ്ച നീണ്ട അന്വേഷണത്തിന് ഒടുവിലാണ് നോർത്ത് പോലീസ് പ്രതിയെ പിടി കൂടിയത്.യൂസഫിന്റെ കൂട്ടാളികൾക്കായും അന്വേഷണം തുടരുന്നു
ഈ മാസം 15 ന് രാത്രിയാണ് സിനിമ ഫൈറ്റ് മാസ്റ്റർ കാളിക്ക് നേരെ ലഹരി മാഫിയയുടെ ആക്രമണം ഉണ്ടാകുന്നത് . ഒരാഴ്ച നീണ്ട അന്വേഷണത്തിന് ഒടുവിലാണ് വടിവാൾ യൂസഫ് പിടിയിലായത്. നിരവധി അടിപിടി , ലഹരി കേസുകളിലെ പ്രതിയാണ് ഇയാൾ . എളമക്കര പോലീസ് സ്റ്റേഷനിലെ ഗുണ്ടാ പട്ടികയിൽപെട്ട യൂസഫിന് പെൺവാണിഭ സംഘങ്ങളുമായും ബന്ധമുണ്ടന്ന് പോലീസ് വ്യക്തമാക്കി.
രണ്ട് ബൈക്കുകളിലായി യൂസഫിൻ്റെ നേതൃത്വത്തിൽ എത്തിയ സംഘമായിരുന്നു കാളിക്ക് നേരെ ആക്രമണം നടത്തിയത്.
2024 ൽ ഉണ്ടായ മുൻ വൈരാഗ്യമായിരുന്നു ആക്രമണത്തിന് കാരണം .
