പത്തനാപുരം : അമിതവേഗതയിൽ എത്തിയ കാറിടിച്ച് ഇരുചക്രവാഹനത്തിൽ സഞ്ചരിച്ച യുവതിക്ക് ദാരുണാന്ത്യം. കുന്നിക്കോട്
കല്ലൂർകോണം ശ്രീലക്ഷ്മി നിലയത്തിൽ ബാഹുലേയൻ്റെ ഭാര്യ അശ്വതി (35)യാണ് മരണപ്പെട്ടത്
കുന്നിക്കോട്- പട്ടാഴി പാതയിൽ പ്ലാമൂട്ടിൽ ജംഗ്ഷന് സമീപം ഇന്നലെ രാവിലെ 8 മണിയോടെയാണ് അപകടം സംഭവിച്ചത്. കുന്നിക്കോട് ഭാഗത്ത് നിന്നും തലവൂർ ദേവിവിലാസം സ്കൂളിൽ പഠിക്കുന്ന മകളെ കൊണ്ടുവിടാൻ പോകവെയാണ് എതിർ ദിശയിൽ വന്ന കാർ അശ്വതിയുടെ ഇരുചക്രവാഹനത്തെ ഇടിച്ച് തെറിപ്പിച്ചത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മകൾ ദിയക്കും പരിക്കേറ്റിട്ടുണ്ട്. മകൻ. ബിത്തു
