16കാരിയെ കഴുത്തു ഞെരിച്ചു കൊലപ്പെടുത്തിയ ശേഷം ബന്ധുവായ 20കാരന്‍ ജീവനൊടുക്കി. കോഴിക്കോട്ട് മൂഴിക്കലില്‍ ആണ് സംഭവം. സഹോദരിമാരുടെ മക്കളാണ് ഇരുവരും. പെണ്‍കുട്ടിയെ കൊലപ്പെടുത്തിയ ശേഷം ഇയാള്‍ വീടിന്‍റെ മുകളിലത്തെ നിലയിലെത്തി വിഷം കഴിച്ച് മരിക്കുകയായിരുന്നുവെന്നാണ് സൂചന. പോസ്റ്റുമോര്‍ട്ടം റിപ്പോര്‍ട്ട് ലഭിച്ചാല്‍ മാത്രമേ കൂടുതൽ കാര്യങ്ങള്‍ വ്യക്തമാവുകയുള്ളൂവെന്ന് പൊലീസ് പറയുന്നു.

ഇന്നു രാവിലെയാണ് പെണ്‍കുട്ടിയുടേയും യുവാവിന്‍റേയും മരണവിവരം പൊലീസിനെ അറിയിക്കുന്നത്. മാസങ്ങള്‍ മുന്‍പ് വരെ ഇതേ വീട്ടിലായിരുന്നു ഈ യുവാവും താമസിച്ചിരുന്നതെന്നും ചില പ്രശ്നങ്ങളുടെ പേരില്‍ പറഞ്ഞുവിടുകയായിരുന്നുവെന്നും നാട്ടുകാര്‍ പറയുന്നു. വീട്ടില്‍ ബന്ധുക്കളെല്ലാമുള്ള സമയത്താണ് യുവാവ് വീടിനകത്ത് കയറിയത്. വല്യുമ്മയും ബന്ധുക്കളും വീട്ടില്‍ ആരോ കയറിയതായി സംശയം പറഞ്ഞു. തുടര്‍ന്ന് പെണ്‍കുട്ടിയുടെ മുറിയിലെത്തിയപ്പോഴാണ് ഷാള്‍ കഴുത്തില്‍ മുറുക്കിയ നിലയില്‍ പെണ്‍കുട്ടിയെ കണ്ടെത്തിയത്. കട്ടിലിനടിയില്‍ ഒരു കാലു കണ്ടതോടെ മുറി പൂട്ടി ബാക്കിയുള്ളവരെ അറിയിച്ചു. തുടര്‍ന്ന് മറ്റ് ബന്ധുക്കള്‍ കൂടി വന്നു നോക്കിയതോടെയാണ് ബന്ധുവായ അഭിനാന്‍ ആണെന്നു മനസിലായത്. പിന്നാലെയാണ് മറ്റൊരു മുറിയില്‍ കയറി അഭിനാന്‍ ജീവനൊടുക്കിയത്.  പല ഭാഗത്തും സിസിടിവി ക്യാമറകള്‍ ഉണ്ടെങ്കിലും സിസിടിവിയിലൊന്നും പ്രതിയുടെ ദൃശ്യങ്ങള്‍ പതിഞ്ഞിട്ടില്ല.


വീടിന്‍റെ ഡ്യൂപ്ലിക്കേറ്റ് താക്കോല്‍ ഉപയോഗിച്ചാണ് യുവാവ്  വീടിനകത്ത് കയറിയത്. നേരത്തേയുണ്ടായ പ്രശ്നങ്ങള്‍ക്ക് ശേഷം ഇവിടേക്ക് വരരുതെന്ന് പെണ്‍കുട്ടിയുടെ വീട്ടുകാര്‍ താക്കീത് ചെയ്തിരുന്നുവെന്നും വിവരമുണ്ട്. മര്‍കസ് സ്കൂളില്‍ പ്ലസ്‌വണ്‍ വിദ്യാര്‍ഥിനിയാണ് പെണ്‍കുട്ടി.

നിയമസഭാ തെരഞ്ഞെടുപ്പില്‍ ഏറ്റവും സര്‍വീസ് വോട്ടുകളുള്ളത് കൊല്ലം ജില്ലയിലെന്ന് തെരഞ്ഞെടുപ്പ് കമ്മീഷന്റെ കണക്കുകള്‍. കൊല്ലം ജില്ലയില്‍ ആകെ 8690 സര്‍വീസ് വോട്ടുകളാണുള്ളത്. ഇതില്‍ 8341 വോട്ടുകള്‍ പുരുഷന്‍മാര്‍ക്കും 349 വോട്ട് സ്ത്രീകള്‍ക്കുമാണുള്ളത്. ഇങ്ങനെ കൊല്ലമടക്കം വിവിധ ജില്ലകളിയായി ആകെ 53,984 സര്‍വീസ് വോട്ടുകളില്‍ എത്രയെണ്ണം പോള്‍ ചെയ്തുവെന്നത് കൂടി ചേര്‍ത്തേ അന്തിമ കണക്കാകൂവെന്നാണ് മുഖ്യതെരഞ്ഞെടുപ്പ് ഓഫിസര്‍ രത്തന്‍ ഖേല്‍ക്കര്‍ ഇന്നലെ വാര്‍ത്താ സമ്മേളനത്തില്‍ അറിയിച്ചത്.

Also Read:

സര്‍വീസ് വോട്ടുകളുടെ കാര്യത്തില്‍ കൊല്ലം കഴിഞ്ഞാല്‍ തിരുവനന്തപുരത്താണ് ഏറ്റവും കൂടുതല്‍ സര്‍വീസ് വോട്ടുകള്‍ ഉള്ളത്. ഇവിടെ ആകെ 7492 സര്‍വീസ് വോട്ടുകളാണുള്ളത്. ഇതില്‍ 419 എണ്ണം സ്ത്രീകള്‍ക്കും, 7911 വോട്ട് പുരുഷന്‍മാര്‍ക്കുമാണുള്ളത്. സംസ്ഥാനത്ത് സര്‍വീസ് വോട്ടുകള്‍ ഏറ്റവും കുറവുള്ളത് ഇടുക്കി ജില്ലയിലാണ്.