തമിഴ്‌നാട് മുഖ്യമന്ത്രി വിജയ്യും സംഗീതയും തമ്മിലുള്ള പ്രശ്‌നങ്ങളെല്ലാം തീര്‍ന്നുവെന്നും ഇരുവരും ഉടനെ ഒന്നിക്കുമെന്നും റിപ്പോര്‍ട്ടുകള്‍. വിവാഹ മോചന നടപടികള്‍ കോടതിയില്‍ നടക്കുന്നതിനിടെ ദമ്പതിമാര്‍ക്കിടയിലെ ഭിന്നതകള്‍ പരിഹരിക്കാന്‍ വിജയ്യുടെ അമ്മ ശോഭ ചന്ദ്രശേഖര്‍ ഉള്‍പ്പെടെയുള്ള അടുത്ത കുടുംബാംഗങ്ങള്‍ ശക്തമായി മുന്നിട്ടിറങ്ങിയതായാണ് റിപ്പോര്‍ട്ട്. 27 വര്‍ഷം നീണ്ടുനിന്ന ദാമ്പത്യം അവസാനിപ്പിക്കാനായി വിജയ്ക്കെതിരെ ഭാര്യ സംഗീത സ്വര്‍ണലിങ്കമാണ് വിവാഹമോചനക്കേസ് നല്‍കിയത്. വിജയ്ക്ക് വിവാഹേതര ബന്ധമുണ്ടെന്നുള്‍പ്പെടെയുള്ള കാര്യങ്ങള്‍ സംഗീത ഹര്‍ജിയില്‍ ആരോപിച്ചിരുന്നു.
എന്നാല്‍ ഇപ്പോള്‍ സംഗീതയുടെ അമ്മയുടെയും മുതിര്‍ന്ന ബന്ധുക്കളുടെയും ഉപദേശങ്ങളെത്തുടര്‍ന്ന്, ലണ്ടനിലുള്ള സംഗീത ചെന്നൈയിലെ നീലാംകരെ ഇല്ലത്തേക്ക് മടങ്ങിയെത്തിയെന്നും ഇരുവരും ഇപ്പോള്‍ ഒരേ വീട്ടില്‍ ഒരുമിച്ച് സമയം ചെലവഴിക്കുകയാണെന്നും റിപ്പോര്‍ട്ടുകള്‍ പറയുന്നു. ജൂണ്‍ 22നാണ് വിജയ്യുടെ ജന്മദിനം. ഇതിനോടനുബന്ധിച്ച് ഇരുവരും ഒരുമിച്ചുള്ള ഒരു ഔദ്യോഗിക പ്രഖ്യാപനം ഉണ്ടായേക്കുമെന്നാണ് സോഷ്യല്‍ മീഡിയാ ഫാന്‍സ് ഗ്രൂപ്പുകളില്‍ പരക്കുന്ന ഊഹാപോഹം.

കൈക്കുഞ്ഞുമായി ആറാം നിലയില്‍ നിന്ന് ചാടിയ യുവതി മരിച്ചു. പരിക്കുകളോടെ കുട്ടി അത്ഭുതകരമായി രക്ഷപ്പെട്ടു. മധ്യപ്രദേശ് സ്വദേശിയായ 37 കാരി ഇഷ സാഹുവാണ് മരണപ്പെട്ടത്. ഹൈദരാബാദിലെ മിയാപൂരിലെ അപ്പാര്‍ട്‌മെന്റിലാണ് വെള്ളിയാഴ്ചയായിരുന്നു ദാരുണ സംഭവം. ആറുമാസം പ്രായമുള്ള പെണ്‍കുട്ടിയെ കൈകളില്‍ എടുത്തുകൊണ്ടാണ് ഇഷ കെട്ടിടത്തില്‍ നിന്ന് ചാടിയത്.

യുവതി സംഭവ സ്ഥലത്തുവെച്ചു തന്നെ മരണപ്പെട്ടു. കുട്ടി പരിക്കുകളോടെ രക്ഷപ്പെട്ടു. താഴേക്ക് വീഴുന്നതിനിടെ ഒരു സുരക്ഷാ വേലിയില്‍ തട്ടിയതാണ് കുഞ്ഞിന് രക്ഷയായത്. വേലിയില്‍ തട്ടിയതിനാല്‍ താഴേക്ക് പതിച്ചതിന്റെ ആഘാതം കുറഞ്ഞു. നിലത്ത് വീണപ്പോള്‍ തന്നെ കുഞ്ഞി എടുത്ത് നാട്ടുകാര്‍ ആശുപത്രിയില്‍ എത്തിച്ചു. കുട്ടി അപകടനില തരണം ചെയ്‌തെന്ന് ഡോക്ടര്‍മാര്‍ പറഞ്ഞു. യുവതിക്ക് പ്രസവാനന്തര വിഷാദമുണ്ടായിരുന്നെന്നാണ് പൊലീസ് പറയുന്നു.

യുവതി ഏതാനും മാസങ്ങളായി ഉറക്കക്കുറവ്, ഉത്കണ്ഠ, എന്നിവ നേരിട്ടിരുന്നതായാണ് വിവരം. മധ്യപ്രദേശ് സ്വദേശിനിയായ ഇഷ സാഹു ഭര്‍ത്താവിനും മക്കള്‍ക്കുമൊപ്പമാണ് താമസം. 11 വര്‍ഷം മുന്‍പായിരുന്നു ഇഷയുടെ വിവാഹം. ഇവര്‍ക്ക് എട്ട് വയസുള്ള ഒരു മകള്‍ കൂടിയുണ്ട്. സംഭവത്തില്‍ പൊലീസ് അന്വേഷണം തുടങ്ങി. യുവതിയുടെ മരണത്തിന് മറ്റെന്തെങ്കിലും കാരണമുണ്ടോ എന്നും അന്വേഷിച്ചു വരികയാണ്.