തേവലക്കര: തൃശ്ശൂരിൽ നടന്ന സംസ്ഥാന കലോത്സവത്തിൽ കൊല്ലം ജില്ല അറബിക് കലോത്സവം ഓവറോൾ കിരീടം നേടിയപ്പോൾ കൊല്ലം ജില്ലക്ക് അഭിമാനമായി തേവലക്കര ഗേൾസ് ഹൈസ്കൂൾ പത്താം ക്ലാസ്സ്‌ വിദ്യാർത്ഥിനി ഫർഹാന ഫാത്തിമ. അറബിക് പദ്യം ചൊല്ലലിൽ A ഗ്രേഡ് നേടിയ ഫർഹാന കേരളത്തിന്റെ വേദനകൾ ആണ് വേദിയിൽ അവതരിപ്പിച്ചത്. കോവിഡും പ്രളയവും തുടങ്ങി ഇന്നും നീറുന്ന പ്രശ്നമായി തുടരുന്ന തെരുവ് നായ ശല്യവുമെല്ലാം നൽകിയ വേദനകൾ വിഷാദഭാവത്തിൽ അവതരിപ്പിച്ചപ്പോൾ കാണികളുടെയും മനസ്സിൽ വിഷാദം നിറഞ്ഞു. ജില്ലാ തലത്തിലും വിധികർത്താക്കളുടെ നിറഞ്ഞ പ്രശംസ നേടിയാണ് തൃശ്ശൂരിലേക്ക് വണ്ടി കയറിയത്. ജില്ലാ തലത്തിൽ മാപ്പിളപാട്ടിൽ എ ഗ്രേഡ് നേടിയ ഫർഹാന ഒപ്പനയിൽ എ ഗ്രേഡ് നേടിയ സ്കൂൾ ടീമിലെ മുൻപാട്ടുകാരിയുമായിരുന്നു. തേവലക്കര പറങ്കാമൂട്ടിൽ അൻസറുദ്ദീന്റെയും ഷാലിമായുടെയും മകളാണ്.

ഇടക്കാട് സൗത്ത്. പോരു വഴി 4672 ആം നമ്പർ ശ്രീകൃഷ്ണവിലാസം N S S കരയോഗത്തിന്റെ തിരഞ്ഞെടുപ്പ് പൊതുയോഗം 18 ജനുവരി 2026 ഇൽ കരയോഗമന്ദിരത്തിൽ വച്ചു നടന്നു.പ്രസിഡന്റ്‌ സി രാജേന്ദ്രൻ പിള്ളയുടെ അധ്യക്ഷതയിൽ കൂടിയ യോഗത്തിൽ കുന്നത്തൂർ താലൂക് nss കരയോഗ യൂണിയൻ സെക്രട്ടറി എം അനിൽ കുമാറിന്റെ നേതൃത്വത്തിൽ തെരഞ്ഞെടുപ്പ് നടന്നു. സെക്രട്ടറി കെ ഓമനക്കുട്ടൻ പിള്ള സ്വാഗതം ആശംസിച്ചു. വേലായുധൻ പിള്ള നന്ദി പറഞ്ഞു. ഭാരവാഹികളായി സജുലാൽ. G പ്രസിഡന്റ്‌ ആയും, പ്രമോദ്. G യെ വൈസ് പ്രസിഡന്റ്‌ ആയും, കെ ഓമനക്കുട്ടൻ പിള്ള സെക്രട്ടറി ആയും, രാജേന്ദ്രൻ പിള്ള G. ജോയിന്റ് സെക്രട്ടറി ആയും, പി. ഓമനക്കുട്ടൻ പിള്ള treasurer ആയും, സുഭാഷ് ബി, സുരേന്ദ്രൻ പിള്ള, മല്ലിക G, ഗോപിനാഥൻ പിള്ള, എന്നിവരെ എക്സിക്യൂട്ടീവ് അംഗങ്ങൾ ആയും രാജേന്ദ്രൻ പിള്ള സി, വേലായുധൻ പിള്ള എന്നിവരെ താലൂക് യൂണിയൻ പ്രതിനിധികൾ ആയും തെരഞ്ഞെടുത്തു.
വനിതാ സമാജം ഭാരവാഹികൾ -പ്രിയ ചന്ദ്രൻ (പ്രസിഡന്റ്‌ ), ശ്യാമള (വൈസ് പ്രസിഡന്റ്‌ ), അതുല്യ വിജയൻ (സെക്രട്ടറി ), രാജി ചന്ദ്രൻ (ജോയിന്റ് സെക്രട്ടറി ), ബിന്ദു ഐ ജി (treasurer ) ആയും തെരഞ്ഞെടുത്തു.

ശാസ്താംകോട്ട:തൃശൂരിൽ നടന്ന സംസ്ഥാന സ്കൂൾ കലോത്സവത്തിൽ
‘ഇരുള നൃത്തത്തിൽ’ ഇക്കുറിയും എ ഗ്രേഡ് കരസ്ഥമാക്കി ശൂരനാട് തെക്ക് പതാരം ശാന്തിനികേതൻ മോഡൽ ഹയർസെക്കൻ്ററി സ്കൂളിലെ എച്ച്.എസ്എസ് വിഭാഗം.പരമ്പരാഗത നാടൻ കലാരൂപമായ ഇരുള നൃത്തത്തിൽ 15 ഓളം അംഗങ്ങളാണ് ഉണ്ടാകുക.തമിഴും കന്നടയും മലയാളവും കലർന്ന ഭാഷയാണ് ഇതിലെ പാട്ടുകളുടെ ഭാഷ.നൃത്തത്തിനും സംഗീതത്തിനും തുല്യ പ്രാധാന്യമുള്ള കലാരൂപം കൂടിയാണ് ഇരുള നൃത്തം.കലാകാരന്മാർ തുകൽ,മുള മരം മുതലായവ കൊണ്ട് നിർമ്മിച്ച വാദ്യങ്ങളുടെ താളത്തിലാണ് നൃത്തം ചെയ്യുന്നത്.പാലക്കാട് അട്ടപ്പാടി സ്വദേശിയായ പഴനി സ്വാമിയാണ് ശാന്തിനികേതൻ സ്കൂളിലെ കുട്ടികളുടെ പരിശീലകൻ.അയ്യപ്പനും കോശിയും,വിലായത്ത് ബുദ്ധ തുടങ്ങിയ സിനിമകളിൽ അഭിനയിച്ചിട്ടുള്ള ഇദ്ദേഹം
നഞ്ചിയമ്മയുമായി ചേർന്ന് ഗോത്രകലകളുടെ ഒരു കൂട്ടായ്മയും രൂപീകരിച്ചിട്ടുണ്ട്.തെക്കൻ ജില്ലകളെ സംബന്ധിച്ച് ഇരുള നൃത്തം എന്നത് അത്ര പരിചയമില്ലാത്ത ഒരു ഗോത്രകലയാണ്.പാലക്കാട് ജില്ലയിലെ അട്ടപ്പാടി പ്രദേശത്തെ ഇരുള സമുദായക്കാർ അവതരിപ്പിക്കുന്ന പരമ്പരാഗത നാടൻ കലാരൂപമാണിത്.

കുന്നത്തൂർ:ഐവർകാല കിഴക്ക് കീച്ചപ്പിള്ളിൽ ദേവീ ക്ഷേത്രത്തിൽ കാണിക്ക വഞ്ചികൾ കുത്തി തുറന്ന് മോഷണം.കഴിഞ്ഞ ദിവസം രാത്രി 12 ഓടെയാണ് സംഭവം.വഞ്ചികൾ ഇളക്കിയെടുത്ത് ഒരു ഭാഗത്ത് എത്തിച്ച ശേഷം കുത്തി തുറന്ന് പണം അപഹരിക്കുകയായിരുന്നു.ഏണിചാരി നാലമ്പലത്തിനകത്ത് പ്രവേശിച്ച് അവിടെ ഉണ്ടായിരുന്ന വഞ്ചിയിൽ നിന്നും പണം കവർന്നിട്ടുണ്ട്.നിരീക്ഷണ ക്യാമറാ ദൃശ്യങ്ങളിൽ നിന്നും പ്രതിയെ കുറിച്ച് വ്യക്തമായ സൂചന ലഭിച്ചതായും ഇയ്യാൾ ഉടൻ പിടിയിലാകുമെന്നും ശാസ്താംകോട്ട പോലീസ് പറഞ്ഞു.