ആനയടി:പഴയിടം നരസിംഹസ്വാമിയുടെ തിരുനടയോട് ചേർന്ന വിശാലമായ വയലേലയിൽ സായന്തന സൂര്യന് ചന്തം ചാർത്തി ചൊവ്വാഴ്ച നടക്കുന്ന പ്രസിദ്ധമായ ആനയടി ഗജമേളയിൽ അണിനിരക്കാൻ കേരളത്തിലെ തലയെടുപ്പുള്ള ഗജവീരന്മാരെല്ലാം ഒഴുകിയെത്തുന്നു.ആനയടിയുടെ ഗ്രാമവീഥികളിലെല്ലാം ഇപ്പോൾ ഗജവീരന്മാരുടെ ചങ്ങലകിലുക്കമാണ് കേൾക്കാൻ കഴിയുന്നത്.ആനയടിയോട് ചേർന്ന താമരക്കുളം നെടിയാണിക്കൽ ക്ഷേത്ര മൈതാനിയിലും നിരവധി ഗജവീരന്മാർ ‘റെസ്റ്റ്’ ചെയ്യുന്നുണ്ട്.നരസിംഹ പ്രിയൻ ആനയടി അപ്പുവിൽ തുടങ്ങി തൃക്കടവൂർ ശിവരാജു വഴി പുത്തൻകുളം അർജുനനിലേക്ക് എത്തുന്നു ആ നീണ്ട ഗജനിര.തിരുവാണിക്കാവ് രാജഗോപാൽ,പുതുപ്പള്ളി സാധു,കുളമാക്കിൽ പാർത്ഥസാരഥി,പരിമണം വിഷ്ണു,ചിറയ്ക്കൽ കാളിദാസൻ,പുതുപ്പള്ളി കേശവൻ,അക്കാവിള വിഷ്ണു നാരായണൻ,കുന്നത്തൂർ രാമു,പനയന്നാർക്കാവ് കാളിദാസൻ,താമരക്കുടി വിജയൻ,അരുണിമ പാർത്ഥസാരഥി,പുത്തൻകുളം വിക്രം,തടത്താവിള മണികണ്ഠൻ,വിഷ്ണുലോകം രാജസേൻ,വഴുവാടി ശ്രീകണ്ഠൻ,പെരിങ്ങലിപ്പുറം അപ്പു,പുത്തൻകുളം കേശവൻ,ഉണ്ണിമങ്ങാട് ഗണപതി,പുത്തൻകുളം മോദി,ഉണ്ണിമങ്ങാട് കണ്ണൻ,മഹാലക്ഷ്മി ശിവൻ,പനയ്ക്കൽ നന്ദൻ,തണ്ണീർക്കര മണികണ്ഠൻ,ആരാധന ശിവകാശി കൃഷ്ണൻ,കുന്നത്തൂർ കുട്ടിശങ്കരൻ ഉൾപ്പെടെ തലയെടുപ്പുള്ള 60ൽപ്പരം ആനകളാണ് ഗജമേളയിൽ അണിനിരക്കുന്നത്.നാട്ടിടവഴികളിലും മറ്റും തമ്പടിച്ചിരിക്കുന്ന ഗജവീരന്മാരെ കാണാൻ അന്യനാടുകളിൽ നിന്നു പോലും നിരവധിപേരാണ് ആനയടിയിലേക്ക് എത്തിക്കൊണ്ടിരിക്കുന്നത്.അയോദ്ധ്യ, സംഗമം,ഛത്രപതി ആനയടി,നരഹരി ആനയടി,ധർമ്മരക്ഷ പടിഞ്ഞാറൻദേശം,ചിഞ്ചിലം ബ്രദേഴ്സ് തുടങ്ങിയ സംഘടനകളാണ് പ്രധാന ഗജവീരന്മാരെ ഇറക്കിയിരിക്കുന്നത്.ചൊവ്വ വൈകിട്ട് 5 ന് പ്രസിദ്ധമായ ഗജമേളയ്ക്ക് തുടക്കമാകും.5.30 മുതൽ പെരുവനം സതീശൻ മാരാരുടെ പ്രമാണത്തിൽ 51 വാദ്യകലാകാരന്മാർ അണിനിരക്കുന്ന പാണ്ടിമേളം ഗജമേളയ്ക്ക് പകിട്ടേക്കും

ശാസ്താംകോട്ട:ആനയടി പഴയിടം നരസിംഹസ്വാമി ക്ഷേത്രത്തിലെ തിരുവുത്സവത്തിൻ്റെ സമാപനം കുറിച്ച് നടക്കുന്ന പ്രസിദ്ധമായ ആനയടി ഗജമേളയുടെ ഭാഗമായി ശക്തമായ സുരക്ഷാ – ഗതാഗത ക്രമീകരണങ്ങൾ ഏർപ്പെടുത്തിയതായി ശൂരനാട് എസ്.എച്ച്.ഒ ജോസഫ് ലിയോൺ അറിയിച്ചു.

പാർക്കിങ്

താമരക്കുളം – ചാരുംമൂട് – നൂറനാട് – തെങ്ങമം ഭാഗത്ത് നിന്നും എത്തുന്നവർ വയ്യാങ്കര പാർക്കിംഗ് ഗ്രൗണ്ട്,ആർകെ യു.പി.എസ് ഗ്രൗണ്ട്,വെള്ളച്ചിറ-കോട്ടപ്പുറം റോഡ് സൈഡ് എന്നിവിടങ്ങളിലും ഭരണിക്കാവ് – ചക്കുവള്ളി ഭാഗത്ത് നിന്നും എത്തുന്നവർ കളരിവാതുക്കൽ ക്ഷേത്രം ഗ്രൗണ്ട്,വയൽക്കോളനി പാർക്കിംഗ് ഗ്രൗണ്ട്, കണ്ണമം – അമ്മച്ചി മുക്ക്റോഡ് സൈഡ് എന്നിവിടങ്ങളിലും കരുനാഗപ്പള്ളി,ഓച്ചിറ,പാവുമ്പ ഭാഗത്ത് നിന്നും എത്തുന്നവർ.മറ്റത്ത് മുക്ക് ബ്രദേഴ്സ് പാർക്കിങ് ഗ്രൗണ്ട്,വീട്ടിനാൽ ക്ഷേത്രം ഗ്രൗണ്ട്,വഞ്ചി മുക്കിന് സമീപമുളള ഗ്രൗണ്ട് എന്നിവിടങ്ങളിൽ
വാഹനങ്ങൾ പാർക്ക് ചെയ്യേണ്ടതാണ്.


ഗതാഗത ക്രമീകരണം:

ഉത്സവത്തിൻ്റെ ഭാഗമായി കൊല്ലം-തേനി ദേശീയപാതയിൽ ഉച്ചയ്ക്ക് 1 മുതൽ ഗതാഗതം കർശനമായി നിരോധിച്ചിട്ടുണ്ട്.

ചാരുംമൂട്,താമരക്കുളം ഭാഗത്തു നിന്നും ഭരണിക്കാവ് ഭാഗത്തേക്ക് വരുന്ന വാഹനങ്ങൾ താമരക്കുളം – നെടിയാണിക്കൽ ക്ഷേത്രം – പച്ചക്കാട് – ചാലയിൽ മുക്ക് – മൃഗാശുപത്രി – മേക്കുന്ന മുകൾ – കൊല്ലായിക്കക്ക് – തെങ്ങമം – ചാത്താകുളം -ഗിരിപുരം – കൊച്ചേരിമുക്ക് – ചക്കുവള്ളി – ഭരണിക്കാവ്.

# ഭരണിക്കാവ് നിന്നും ചാരുംമൂട് ഭാഗത്തേക്ക്

ഭരണിക്കാവ് -ചക്കുവള്ളി – തെക്കേമുറി – എച്ച്.എസ് ജംഗ്ഷൻ – പാറക്കടവ്- മറ്റത്ത് മുക്ക് – താമരക്കുളം


# റൂട്ട് ബസിൽ താമരക്കുളം ഭാഗത്തു നിന്നും എത്തുന്നവർ മൃഗാശുപത്രി ജംഗ്ഷനിലും ഭരണിക്കാവ് ഭാഗത്തു നിന്നും എത്തുന്നവർ തെക്കേമുറി ജംഗ്ഷനിലോ മറ്റത്ത് ജംഗ്ഷനിലോ ഇറങ്ങി ക്ഷേത്രത്തിൽ എത്തേണ്ടതാണ്.

കുന്നത്തൂർ:കുന്നത്തൂർ പാലത്തിനു സമീപം ആറ്റുകടവ് കിഴക്കേ ജംഗ്ഷനിൽ ടിപ്പർ ലോറിയും കാറും കൂട്ടിയിടിച്ചു.ഇന്ന് പകൽ 12 ഓടെയാണ് സംഭവം.അമിത  വേഗതയിലായിരുന്ന ഇരു വാഹനങ്ങളും നേർക്കു നേർ കൂട്ടിയിടിക്കുകയായിരുന്നു

എന്ന് ദൃസാക്ഷികൾ പറഞ്ഞു.ഇടിയുടെ ആഘാതത്തിൽ കാർ റോഡിൽ നിന്നും പാതയോരത്തേക്ക് വശം തിരിഞ്ഞ് നിരങ്ങി മാറി.കാറിൽ യാത്രക്കാർ ഉണ്ടായിരുന്നെങ്കിലും ആർക്കും പരിക്കേറ്റില്ല.അപകടത്തിൽ കാറിൻ്റെ മുൻഭാഗം പൂർണമായും ലോറിയുടെ മുൻഭാഗം ഭാഗികമായും തകർന്നു.പുത്തൂർ പൊലീസ് സ്ഥലത്തെത്തി നടപടി സ്വീകരിച്ചു.