മൈനാഗപ്പള്ളി:
2026 ജൂൺ 19 – ന് ആരംഭിച്ച വായനാ പക്ഷാചരണത്തോടനുബന്ധിച്ച് മൈനാഗപ്പള്ളി ഉദയാ ലൈബ്രറി വി.സാംബശിവൻ അനുസ്മരണം നടത്തി. ലൈബ്രറി പ്രസിഡന്റ് കെ.മോഹനന്റെ അദ്ധ്യക്ഷതയിൽ കൂടിയ യോഗം കേരളാ ശാസ്ത്ര സാഹിത്യ പരിഷത് ജില്ലാകമ്മിറ്റി അംഗം പി.എസ്.സാനു അനുസ്മരണ പ്രഭാഷണം നടത്തി ഉദ്ഘാടനം ചെയ്തു. ഉദയാ വനിതാവേദി പ്രസിഡന്റ് എസ്.ആർ.ശ്രീകല,യുവത പ്രസിഡന്റ് അജു .ജി.നാഥ് എന്നിവർ ആശംസാ പ്രസംഗങ്ങൾ നടത്തി. ഭരണ സമിതി അംഗങ്ങളായ കെ.പ്രസന്നകുമാർ, എസ്.മായാദേവി, ആർ.പി. സുഷമ, ലൈബ്രേറിയൻ ജെ.ജയകുമാരി, പി.ശിവപ്രസാദ്, കോയിക്കൽ സുരേഷ് തുടങ്ങിയവർ നേതൃത്വം നല്കി. ജോയിന്റ് സെക്രട്ടറി കെ.എസ്.രാധാകൃഷ്ണൻ സ്വാഗതവും ലൈബ്രറിയൻ ഇ. ഷജീന നന്ദിയും പറഞ്ഞു. പക്ഷാചരണത്തിന്റെ ഭാഗമായി നാളെ (ജൂലൈ 5 – ന് ) വൈക്കം മുഹമ്മദ് ബഷീർ / തിരുനല്ലൂർ കരുണാകരൻ അനുസ്മരണവും സമാപന ദിവസമായ ജൂലൈ 7 ന് ഐ.വി. ദാസ് അനുസ്മരണവും നടക്കും.
