ശാസ്താംകോട്ട . കെ.എസ് എം ഡി.ബി കോളേജിൽ ബഹിരാകാശ ദിനാഘോഷത്തോടനുബന്ധിച്ച് നടക്കുന്ന സ്പേസ് എക്സിബിഷൻ – ‘ഫ്രം സ്പേസ് ടു സൊസൈറ്റി’ വി.എസ്. എസ്.സി, എസ്.പി . എൽ ഡയറക്ടർ ഡോ. തരുൺ കുമാർ പന്ത് ഉദ്ഘാടനം ചെയ്തു. ഇന്ത്യയുടെ ബഹിരാകാശ നേട്ടമായ ചന്ദ്രയാൻ ദൗത്യത്തിലെ അഭിമാനകരമായ നിമിഷങ്ങളെ വിദ്യാർത്ഥികൾക്ക് അദ്ദേഹം പരിചയപ്പെടുത്തി.
കൂടാതെ മനുഷ്യ ശരീരത്തിലെ പല മൂലകങ്ങളും പുരാതന നക്ഷത്രങ്ങളുടെ ശേഷിപ്പുകളാണെന്ന ശാസ്ത്രീയ കാഴ്ചപ്പാടിനെ അവതരിപ്പിക്കുകയുംചെയ്തു. പ്രസ്തുത ചടങ്ങിൽ നാഷണൽ സ്പെയ്സ് ഡേയുടെ പ്രാധാന്യത്തെക്കുറിച്ച് വി.എസ്. എസ്. സി, സ്പെയ്സ് ട്രാൻസ്പോർട്ടേഷൻ പ്രോഗ്രാം ഡയറക്ടർ അനിത എസ്. സംസാരിച്ചു. നമ്മുടെ രാജ്യത്തിന് ഐ. എസ്. ആർ. ഒ .നല്കുന്ന സംഭാവനകൾ നിസ്തുലമാണെന്നും ഇത്തരം പ്രദർശനങ്ങൾ ഭാവിതലമുറയ്ക്ക് ശാസ്ത്രാഭിമുഖ്യത്തോടെ വളരാൻ പ്രചോദനമാകുമെന്നും പ്രിൻസിപ്പൽ , പ്രൊഫ. ഡോ. കെ. എസ്. അനിൽ കുമാർ അഭിപ്രായപ്പെട്ടു.
കോളേജിലെ വിവിധ പഠന വിഭാഗങ്ങൾ ഒരുക്കിയ ശാസ്ത്ര പ്രദർശനങ്ങൾ നാഷണൽ ഇൻസ്റ്റിറ്റൂട്ട് ഫോർ റബ്ബർ ട്രെയിനിംഗ് ഡെപ്യൂട്ടി ഡയറക്ടർ, അനിൽകുമാർ വി. ഉദ്ഘാടനം ചെയ്ത് സംസാരിച്ചു. ഖാദി ബോർഡ്, ഹോർട്ടികോർപ്പ്, റബ്ബർ ബോർഡ് തുടങ്ങിയ സർക്കാർ സ്ഥാപനങ്ങളുടെയും വിവിധ സ്വയം തൊഴിൽ സംരംഭങ്ങളുടെയും പ്രദർശനവും വിപണനവും ഭക്ഷ്യമേളയും നടന്നു.കൊല്ലം ജില്ലയിലെ വിവിധ വിദ്യാലയങ്ങളിൽ നിന്നായി ആയിരത്തി അഞ്ഞൂറിലധികം വിദ്യാർത്ഥികൾ ആദ്യ ദിനം പ്രദർശനം കാണാനെത്തി. ഐ. എസ്. ആർ. ഒ ശാസ്ത്ര ജ്ഞരുടെ നേതൃത്വത്തിൽ കോളേജ് അങ്കണത്തിൽ നടത്തിയ വാട്ടർ റോക്കറ്റ് വിക്ഷേപണം വിദ്യാർത്ഥികളിൽ കൗതുകമുണർത്തി. ഡോ. ആനന്ദ് കുമാർ ആർ. ടി , നിതീഷ് .കെ എസ് .വിജയകുമാർ എസ്. നായർ, ജഞാനപ്പഴം, ഡോ. മീര എ.പി., ഡോ.ആശാ രാധാകൃഷ്ണൻ, രാഗി ആർ.ജി എന്നിവർ സംസാരിച്ചു
