എല്‍.പി.ജി /പെട്രോള്‍/ ഡീസല്‍ വിതരണ പ്രതിസന്ധിയും പരാതികളും പരിഹരിക്കുന്നതിനും നിരീക്ഷിക്കുന്നതിനുമായി  ജില്ലാ സപ്ലൈ ഓഫീസില്‍ 24 മണിക്കൂര്‍ പ്രവര്‍ത്തിക്കുന്ന കണ്‍ട്രോള്‍ റൂം തുടങ്ങിയതായി ജില്ലാ സപ്ലൈ ഓഫീസര്‍ അറിയിച്ചു.   9188527569, 0474 2794818 നമ്പരുകളില്‍ പൊതുജനങ്ങള്‍ക്ക് പരാതികള്‍ അറിയിക്കാം.

Also Read:

ശാരീരികഅവശതയുള്ള 85 വയസിനു മുകളില്‍ പ്രായമുള്ള മുതിര്‍ന്ന പൗരര്‍, ഭിന്നശേഷിവിഭാഗം വോട്ടര്‍മാര്‍ എന്നിവര്‍ക്കുള്ള ഹോം വോട്ടിംഗ് ജില്ലയില്‍ മാര്‍ച്ച് 30 മുതല്‍ ആരംഭിക്കുമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍ ദേവിദാസ്.   രാഷ്ട്രീയകക്ഷി പ്രതിനിധികളുടെ യോഗത്തില്‍ അധ്യക്ഷത വഹിക്കവെ 12 ഡി ഫോമില്‍ അപേക്ഷിച്ചവര്‍ക്കാണ് ഹോം വോട്ടിങ്ങിന് അവസരമെന്ന് വ്യക്തമാക്കി. ഏപ്രില്‍ നാലു വരെ പ്രക്രിയ തുടരും. ജില്ലയില്‍ 14,905 വോട്ടര്‍മാര്‍ക്കാണ് ഹോം വോട്ടിങ്ങിന് അംഗീകാരം ലഭിച്ചത്. ഇതില്‍ 10,853 വോട്ടര്‍മാര്‍ മുതിര്‍ന്ന പൗരരും, 4,052 പേര്‍ ഭിന്നശേഷി വിഭാഗത്തിലുള്ളവരുമാണ്.

ജില്ലയില്‍ 11 മണ്ഡലങ്ങളിലായി 137 പോളിംഗ് സംഘങ്ങളും 22 റിസര്‍വ് ടീമുകളും ഉള്‍പ്പടെ ആകെ 159 പോളിംഗ് സംഘങ്ങളുണ്ട്. വോട്ടര്‍മാരെ എസ് എം എസ് മുഖേനയോ, ബി എല്‍ ഒമാര്‍ നേരിട്ടോ, പോസ്റ്റല്‍ സംവിധാനത്തിലൂടെയോ പോളിംഗ് സംഘങ്ങള്‍ വീടുകളില്‍ എത്തുന്ന തീയതിയും സമയവും അറിയിക്കും. ആദ്യ അവസരത്തില്‍   വോട്ടറില്ലെങ്കില്‍ രണ്ടാം  അവസരത്തിന് തിയതിയും സമയവും നിശ്ചയിക്കും.    ഓരോ നിയോജകമണ്ഡലത്തിലും നിയോഗിച്ച സംഘങ്ങളുടെ എണ്ണം:
കരുനാഗപ്പള്ളി: 14, ചവറ: 11, കുന്നത്തൂര്‍: 15, കൊട്ടാരക്കര: 14, പത്തനാപുരം: 15, പുനലൂര്‍: 15, ചടയമംഗലം: 16, കുണ്ടറ: 11, കൊല്ലം: 8, ഇരവിപുരം: 7. ചാത്തന്നൂര്‍: 11. ഓരോ സംഘത്തിലും ഒരു സ്‌പെഷ്യല്‍ പോളിങ് ഓഫീസര്‍, പോളിങ് അസിസ്റ്റന്റ്, സൂക്ഷ്മ നിരീക്ഷകന്‍, പൊലീസ്, വീഡിയോഗ്രാഫര്‍ എന്നിവര്‍ ഉണ്ടാകും.

നിയോജകമണ്ഡലാടിസ്ഥാനത്തില്‍ ഹോം വോട്ടിങ്ങിന് അര്‍ഹരായവരുടെ പട്ടിക രാഷ്ട്രീയകക്ഷികള്‍ക്കും സ്ഥാനാര്‍ത്ഥികള്‍ക്കും നല്‍കാന്‍ വരണാധികാരികള്‍ക്ക് നിര്‍ദേശം നല്‍കി;   സംഘങ്ങളുടെ റൂട്ട് പ്ലാന്‍, ഷെഡ്യൂള്‍ എന്നിവയും വരണാധികാരികള്‍ കൈമാറും. ഹോം വോട്ടിംഗ് സമയത്ത് ബൂത്ത് ലെവല്‍ ഏജന്റുമാരുടെ സാന്നിധ്യം രാഷ്ട്രീയ പാര്‍ട്ടികള്‍ ഉറപ്പാക്കണമെന്നും ജില്ലാ കലക്ടര്‍ അറിയിച്ചു.
രാഷ്ട്രീയപാര്‍ട്ടി പ്രതിനിധികളായ ഐ ഷംസീര്‍   തിരഞ്ഞെടുപ്പ് ഡെപ്യൂട്ടി കലക്ടര്‍ ആര്‍ സുധീഷ്, ഐ ഷംസീര്‍ (ഐ യു എം എല്‍), കൃഷ്ണവേണി ജി ശര്‍മ്മ (ഇന്ത്യന്‍ നാഷണല്‍ കോണ്‍ഗ്രസ്) എം എസ് ലാല്‍(ബി ജെ പി) തുടങ്ങിയവര്‍ പങ്കെടുത്തു.

Also Read:

വീട് തീവച്ച് നശിപ്പിച്ച  കേസിലെ പ്രതിക്ക് എട്ടുവർഷം കഠിനതടവും 1 ലക്ഷം രൂപ പിഴയും ശിക്ഷ. കൊട്ടാരക്കര മൈലം വില്ലേജിൽ പ്ലാവിള വീട്ടിൽ ഗോപിയുടെ മകൻ ശ്രീകുമാർ (32) നെയാണ് ബഹു. കൊല്ലം ഫോർത്ത് അഡീഷണൽ സെഷൻസ് കോടതി ജഡ്ജി സി. എം. സീമ എട്ടുവർഷം കഠിനതടവും ഒരു ലക്ഷം രൂപ പിഴയും ശിക്ഷ വിധിച്ചത്. പിഴ അടച്ചില്ലെങ്കിൽ ആറുമാസം കൂടി തടവ് അനുഭവിക്കണം.

15 .09.2022 തീയതി പുലർച്ചെ 2 മണിയോടെയാണ് കേസ്സിനാസ്പദനായ സംഭവം.  പ്രതിയായ ശ്രീകുമാറിന്റെ ബന്ധുവായ യുവതിയെ അയൽവാസിയായ യുവാവ്  സ്നേഹിച്ച് വിവാഹം കഴിച്ചതിലുള്ള വിരോധത്തെ തുടർന്ന്, യുവാവിന്റെ വീടിന് പ്രതി തീ വെക്കുകയായിരുന്നു. സംഭവത്തിൽ വീട് ഭാഗികമായി കത്തി നശിക്കുകയും വീട്ടുപകരണങ്ങളും  ,  വിദ്യാഭ്യാസ സർട്ടിഫിക്കറ്റുകളും കത്തി നശിക്കുകയും ചെയ്തു.

കൊട്ടാരക്കര പോലീസ് സ്റ്റേഷനിലെ സബ് ഇൻസ്പെക്ടർ ആയിരുന്ന പൊന്നച്ചൻ രജിസ്റ്റർ ചെയ്ത് അന്വേഷണം നടത്തി കുറ്റപത്രം സമർപ്പിച്ച കേസിൽ പബ്ലിക് പ്രോസിക്യൂട്ടർ ജയകുമാർ കെ. കെ. കുന്നത്തൂർ പ്രോസിക്യൂഷനുവേണ്ടി ഹാജരായി. പ്രോസിക്യൂഷൻ നടപടികൾ ഏകോപിപ്പിച്ചത് എ.എസ്.ഐ സുസ്മിത ഭവൻ ആയിരുന്നു.

Also Read:

കുളത്തൂപ്പുഴ: കൂട്ടുകാര്‍ക്കൊപ്പം അവധി ആഘോഷിക്കാനെത്തിയ ബിരുദ  വിദ്യാർഥി കല്ലടയാറ്റിലെ നെടുവണ്ണൂർ ഭാഗത്തെ കുളിക്കടവില്‍ മുങ്ങിമരിച്ചു.  കടയ്ക്കല്‍ എം. എസ്. എം. കോളേജിലെ രണ്ടാ വര്‍ഷ ബി. എ. അറബിക് വിദ്യാര്‍ഥിയും  മടത്തറ കൊല്ലായില്‍ മൂന്നുമുക്ക് തടത്തരികത്ത് വീട്ടില്‍ അന്‍സാരി – സലീല ദമ്പതികളുടെ മകനുമായ
അർഷദ് (21) ആണ് മരണപ്പെട്ടത്.

Also Read:

കഴിഞ്ഞ ദിവസം വൈകുന്നേരം നാലു മണിയോടെ സുഹൃത്തുക്കൾക്ക് ഒപ്പം എത്തിയ അർഷദ് പാറ പ്പുറത്ത്‌ കയറി അബദ്ധത്തിൽ കാല്‍ വഴുതി പുഴയിലേക്ക് വീഴുകയായിരുന്നു.  യുവാവ് പുഴയില്‍ മുങ്ങി താഴ്ന്നതോടെ സുഹൃത്തുക്കള്‍ ഉച്ചത്തില്‍ നിലവിളച്ചതിനെ തുടര്‍ന്ന് സമീപ വാസികള്‍ ഓടിയെത്തി പുഴയിൽ ഇറങ്ങി തെരച്ചില്‍ നടത്തിയെങ്കിലും കണ്ടെത്താനായില്ല. സംഭവമറിഞ്ഞ് കുളത്തൂപ്പുഴ പൊലീസും വനം വകുപ്പ് ഉദ്യോഗസ്ഥരും സ്ഥലത്തെത്തിയിരുന്നു.  പൊലീസ് അധികൃതര്‍ വിവരം നല്‍കിയതിനെ തുടര്‍ന്ന് പുനലൂരില്‍ നിന്നും ഫയര്‍ഫോഴ്സ് സംഘമെത്തി നടത്തിയ തിരച്ചിലിനൊടുവിലാണ് മണിക്കൂറിനു ശേഷം മൃതദേഹം കണ്ടെത്താനായത്.  പുഴയില്‍ നീരൊഴുക്ക് കുറവാണെങ്കിലും ഇവിടെ ആഴം കൂടുതലാണ്. മുമ്പ് നിരവധി പേര്‍ക്ക് ജീവന്‍നഷ്ടമായിട്ടുളളതിനാലും പുഴയിലേക്കിറങ്ങുന്നതില്‍ അപകട സാധ്യത ഏറെയായതിനാലും അധികൃതര്‍ പ്രദേശത്ത് അപകട മുന്നറിയിപ്പ് ബോര്‍ഡ് സ്ഥാപിച്ചിട്ടുണ്ട്. എന്നാല്‍ നാട്ടുകാരടക്കം ഇവിടെ കുളിക്കുന്നത് വിലക്കിയാല്‍ പോലും യുവാക്കളിലധികവും മുന്നറിയിപ്പ് അവഗണിക്കുന്നതാണ് അപകടങ്ങള്‍ക്കിടയാക്കുന്നത്.  പ്രാഥമിക പരിശോധനകള്‍ക്ക് ശേഷം മൃതദേഹം കടക്കല്‍ താലൂക്ക് ആശുപത്രിയിലേക്ക് മാറ്റി.  സഹോദരി അന്‍സല്‍ന.