ശരീരത്തിലെ ഏറ്റവും വലിയതും പ്രധാനപ്പെട്ടതുമായ അവയവങ്ങളിലൊന്നാണ് കരൾ. വിഷാംശങ്ങൾ നീക്കം ചെയ്യുന്നതിലെ പ്രധാന അവയവമായ കരൾ ഹോർമോൺ സന്തുലിതാവസ്ഥ നിലനിർത്തൽ, രക്തത്തിലെ പഞ്ചസാരയുടെ അളവ് ക്രമീകരിക്കൽ, ദഹനപ്രക്രിയയെ സഹായിക്കൽ തുടങ്ങി നിരവധി കാര്യങ്ങൾക്ക് പ്രവർത്തിക്കുന്നു.
ആരോഗ്യമുള്ള കരളിന് ഗുണമേന്മയുള്ള ആഹാരക്രമം അത്യന്താപേക്ഷിതമാണ്. വിറ്റാമിൻ ബി, വിറ്റാമിൻ സി, ധാതുക്കൾ എന്നിവയാൽ സമ്പന്നമായ ഭക്ഷണങ്ങളും ഗ്ലൂട്ടത്തയോൺ (glutathione) വർദ്ധിപ്പിക്കാൻ സഹായിക്കുന്ന ഭക്ഷണങ്ങളും ഇതിൽ വളരെ പ്രധാനമാണ്. കരളിന്റെ ആരോഗ്യത്തിന് സഹായിക്കുന്ന ചില ഭക്ഷണങ്ങളെ കുറിച്ചാണ് ഇനി പറയുന്നത്.
കാപ്പി കുടിക്കുന്നത് കരൾ രോഗം, ഫൈബ്രോസിസ്, സിറോസിസ്, കരൾ ക്യാൻസർ എന്നിവയ്ക്കുള്ള സാധ്യത കുറയ്ക്കുന്നു
മിതമായ അളവിൽ കാപ്പി കുടിക്കുന്നത് (ദിവസവും ഏകദേശം 2 മുതൽ 4 കപ്പ് വരെ) വിട്ടുമാറാത്ത കരൾ രോഗം, ഫൈബ്രോസിസ്, സിറോസിസ്, കരൾ ക്യാൻസർ എന്നിവയ്ക്കുള്ള സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നു. പതിവായി കാപ്പി കുടിക്കുന്നവരിൽ കരളിനുള്ളിൽ കൊഴുപ്പ് അടിയുന്നതും കലകൾക്ക് കാഠിന്യം കൂടുന്നതും കുറവാണെന്നാണ് പഠനങ്ങൾ പറയുന്നു.
ബീറ്റ്‌റൂട്ടിൽ ഫോളേറ്റ്, പെക്റ്റിൻ, ബീറ്റലൈനുകൾ, ബീറ്റെയ്ൻ തുടങ്ങിയ പോഷകങ്ങൾ അടങ്ങിയിരിക്കുന്നു
ബീറ്റ്‌റൂട്ട് ആന്റിഓക്‌സിഡന്റുകളാലും ഫോളേറ്റ്, പെക്റ്റിൻ, ബീറ്റലൈനുകൾ, ബീറ്റെയ്ൻ തുടങ്ങിയ പോഷകങ്ങളാലും സമ്പന്നമായ ഒരു കിഴങ്ങുവർഗ്ഗമാണിത്. ഇവയിൽ നാരുകൾ (fiber), മാംഗനീസ്, പൊട്ടാസ്യം, വിറ്റാമിൻ എ, വിറ്റാമിൻ സി എന്നിവയും ധാരാളമായി അടങ്ങിയിട്ടുണ്ട്. ഇവ എൻസൈം പ്രവർത്തനങ്ങളെ മെച്ചപ്പെടുത്തുക ചെയ്യുന്നു.
വിറ്റാമിൻ എ, ഇ തുടങ്ങിയ കരോട്ടിനോയിഡ് ആന്റിഓക്‌സിഡന്റുകളും ഇവയിൽ കാണപ്പെടുന്നു
ശരീരത്തിന് ആവശ്യമുള്ള എല്ലാ അമിനോ ആസിഡുകളും മുട്ടയിൽ അടങ്ങിയിട്ടുള്ളതിനാൽ ഇവയെ ‘സമ്പൂർണ്ണ പ്രോട്ടീൻ’ആയി കണക്കാക്കുന്നു. വിറ്റാമിൻ എ, ഇ തുടങ്ങിയ കരോട്ടിനോയിഡ് ആന്റിഓക്‌സിഡന്റുകളും ഇവയിൽ കാണപ്പെടുന്നു. കൂടാതെ, വിറ്റാമിൻ ഡി, ഒമേഗ-3 ഫാറ്റി ആസിഡുകൾ, കോശസ്തരങ്ങളെ ബലമുള്ളതും ആരോഗ്യകരവുമാക്കുന്ന സാച്ചുറേറ്റഡ് ഫാറ്റ് എന്നിവയുടെയും മികച്ച ഉറവിടമാണ് മുട്ട.
കരളിനെ വിഷാംശങ്ങളിൽ നിന്ന് ശുദ്ധീകരിക്കാനും വീക്കം കുറയ്ക്കാനും സിട്രസ് പഴങ്ങൾ സഹായിക്കുന്നു
ഊർജ്ജം വർദ്ധിപ്പിക്കാനും കരളിനെ വിഷാംശങ്ങളിൽ നിന്ന് ശുദ്ധീകരിക്കാനും വീക്കം കുറയ്ക്കാനും സിട്രസ് പഴങ്ങൾ സഹായിക്കുന്നു. വിറ്റാമിൻ സി, ഫോളിക് ആസിഡ്, ഫിനോളിക് ആസിഡ്, പൊട്ടാസ്യം, കാൽസ്യം, ഇരുമ്പ്, ആന്റിഓക്‌സിഡന്റുകൾ എന്നിവ ഉയർന്ന അളവിൽ അടങ്ങിയിട്ടുണ്ട്. കരളിനുണ്ടാകുന്ന ക്ഷതങ്ങളിൽ നിന്ന് സംരക്ഷണം നൽകാൻ ഈ ആന്റിഓക്‌സിഡന്റുകൾ സഹായിക്കുമെന്ന് പഠനങ്ങൾ കണ്ടെത്തിയിട്ടുണ്ട്.
ഇലക്കറികളിൽ ല്യൂട്ടിൻ, സിയാക്സാന്തിൻ എന്നീ ആന്റിഓക്‌സിഡന്റുകൾ കാഴ്ചശക്തി കൂട്ടുന്നതിന് സഹായിക്കുന്നു
ഇലക്കറികളിൽ പൊട്ടാസ്യം, മഗ്നീഷ്യം എന്നിവ അടങ്ങിയിട്ടുണ്ട്. കൂടാതെ, ഹെവി മെറ്റലുകളെയും (heavy metals) വിഷാംശമുള്ള രാസവസ്തുക്കളെയും നിർവീര്യമാക്കിക്കൊണ്ട് കരളിനെ സഹായിക്കുന്ന ക്ലോറോഫില്ലും ഇവയിൽ അടങ്ങിയിട്ടുണ്ട്. ഇലക്കറികളിൽ ല്യൂട്ടിൻ, സിയാക്സാന്തിൻ എന്നീ ആന്റിഓക്‌സിഡന്റുകൾ ഉയർന്ന അളവിൽ അടങ്ങിയിട്ടുള്ളതിനാൽ അവ കാഴ്ചശക്തി കൂട്ടുന്നതിന് സഹായിക്കുന്നു.
അലിസിൻ, വിറ്റാമിൻ സി, വിറ്റാമിൻ ബി6, സെലിനിയം എന്നിവയാൽ സമ്പന്നമാണ് വെളുത്തുള്ളി
ശരീരത്തിലെ വിഷാംശങ്ങൾ നീക്കം ചെയ്യുന്ന പ്രക്രിയയിൽ നിർണായക പങ്ക് വഹിക്കുന്ന അലിസിൻ, വിറ്റാമിൻ സി, വിറ്റാമിൻ ബി6, സെലിനിയം എന്നിവയാൽ സമ്പന്നമാണ് വെളുത്തുള്ളി. ആന്റിഓക്‌സിഡന്റ്, ആന്റിബയോട്ടിക്, ആന്റിഫംഗൽ ഗുണങ്ങളുള്ള ഒരു സൾഫർ സംയുക്തമാണ് അലിസിൻ. ആന്റിഓക്‌സിഡന്റുകളുടെ പ്രവർത്തനം വർദ്ധിപ്പിച്ചുകൊണ്ട് കരളിന്റെ പ്രവർത്തനഭാരം കുറയ്ക്കാൻ സഹായിക്കുന്ന, പ്രകൃതിദത്തമായി വിഷാംശങ്ങളെ നീക്കം ചെയ്യുന്ന ഒരു ധാതുവാണ് സെലിനിയം.
ബ്ലൂബെറികളിലും ക്രാൻബെറികളിലും വിറ്റാമിനുകൾ, ധാതുക്കൾ അടങ്ങിയിട്ടുണ്ട്
ബ്ലൂബെറികളിലും ക്രാൻബെറികളിലും വിറ്റാമിനുകൾ, ധാതുക്കൾ, ആന്തോസയാനിനുകൾ എന്നറിയപ്പെടുന്ന ആന്റിഓക്‌സിഡന്റ് ഫൈറ്റോ ന്യൂട്രിയന്റുകൾ എന്നിവ അടങ്ങിയിട്ടുണ്ട്. ഇത് ബെറികൾക്ക് നിറം നൽകുന്നു. ആന്തോസയാനിനുകൾ ആന്റിഓക്‌സിഡന്റ്, ആന്റികാർസിനോജെനിക് എന്നിവ വീക്കം കുറയ്ക്കാനും സഹായിക്കും.
