കരുനാഗപ്പള്ളി: സര്ക്കാരിന്റെ നൂറ്ദിന കര്‍മ്മപദ്ധതിയുടെ ഭാഗമായി മൂന്ന് വയസ്സുമുതല്‍ ആറ് വയസ്സുവരെയുളള കുട്ടികളുടെ ആരോഗ്യ പരിശോധന (ബാല്യ സ്പന്ദനം) കരുനാഗപ്പള്ളി മുനിസിപ്പാലിറ്റിയുടെ നേതൃത്വത്തില്‍ പടനായര്‍കുളങ്ങര സൗത്ത് ആയുഷ്മാന്‍ ആരോഗ്യ മന്ദിറില്‍ വാര്‍ഡ് കൗണ്‍സിലര്‍ ഗിരീഷിന്റെ അദ്ധ്യക്ഷതയില്‍ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ മുനമ്പത്തു ഗഫൂര്‍ ഉത്ഘാടനം ചെയ്തു. മൈനാഗപ്പള്ളി സി.എച്ച്.സി മെഡിക്കല്‍ ഓഫീസര്‍ ഡോ.ബുഷ്‌റ വിഷയാവതരണം നടത്തി. യോഗത്തില്‍ ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ബി.മോഹന്‍ദാസ് മുഖ്യ പ്രഭാഷണം നടത്തി.
കൗണ്‍സിലര്‍മാരായ സിംലാല്‍, രാജേഷ്, ശ്രീവിദ്യ, ഹെല്‍ത്ത് സൂപ്പര്‍വൈസര്‍ പ്രദീപ്, ഐ.സി.ഡി.എസ് സൂപ്പര്‍വൈസര്‍ ഷീബ, പി.പി.യൂണിറ്റ് പി.എച്ച്.എന്‍ ജ്യോതി ലക്ഷ്മി, ജൂനിയര്‍ ഹെല്‍ത്ത് ഇന്‍സ്പെക്ടര്‍ മാരായ മുംതാസ്, ശ്രീകുമാര്‍, റഊഫ്, അസീന, സന്തോഷ് നിഷ ജൂനിയര്‍ പബ്ലിക് ഹെല്‍ത്ത്നഴ്‌സ് മാരായ ഹസീന എന്നിവര്‍ ആശംസകള്‍ അറിയിച്ചു. യോഗത്തിന് ഹെല്‍ത്ത്ഇന്‍സ്പെക്ടര്‍ ബേബിക്കുട്ടി യോഹന്നാന്‍ സ്വാഗതം ആശംസിക്കുകയും പബ്ലിക് ഹെല്‍ത്ത് നഴ്‌സ് മോളി നന്ദി അറിയിക്കുകയും ചെയ്തു.
