ശാസ്താംകോട്ട.ആദരണീയനായ എൻഎസ്എസ് ജനറൽ സെക്രട്ടറി ജി.സുകുമാരൻ നായരെക്കുറിച്ച് മുൻ പത്തനാപുരം താലൂക്ക് യൂണിയൻ പ്രസിഡന്റു ഡയറക്ടർ ബോർഡ് മെമ്പറും ആയിരുന്ന കെബി ഗണേഷ്കുമാർ നടത്തിയ പരാമർശം വെറും തരംതാണതും നന്ദികെട്ടതുമാണന്ന് കുന്നത്തൂർതാലൂക്ക്എൻഎസ്എസ് യൂണിയൻ ആരോപിച്ചു. കീഴൂട്ട് രാമൻപിള്ളയുടെ കൊച്ചുമകനും ആർബാലകൃഷ്ണപിള്ളയുടെ മകനും ആണെന്ന് സ്വയം അവകാശപ്പെടുന്ന ഗണേഷ് കുമാർ അന്തസ്സും ആഭിജാത്യ-വും സർവ്വോപരി അഭിമാനവുമുണ്ടായിരുന്ന ടി ആളുകളുടെ പേര് കൂടി നാറ്റിക്കു ന്ന നെറികെട്ട പ്രവർത്തികളിലൂടെയുള്ള തൻ്റെ പ്രയാണം കുലംകുത്തികളുടേതാണ് എന്നുള്ളത് എല്ലാവർക്കും അറിവുള്ളതാണ്.
പുനലൂരിൽ ഗണേഷിൻ്റെ ഭാഷയിലെ ചായക്കട നടത്താനുള്ള ഉദ്യമത്തിൽ ഇപ്പോൾ ഒപ്പമുള്ള വനിത യോടൊപ്പം സാമ്പത്തിക ക്രമക്കേട് കാട്ടിയതും സമുദായ പ്രവർത്തകരായ സഹകാരികളെ ഗുണ്ടകളെ കൊണ്ട് പരിക്കേൽപ്പിച്ചതും നായർ വികാരത്തിനുപകരം രാഷ്ട്രീയവികാരംതലയ്ക്കുപിടിച്ച് പ്രവർത്തിച്ചതുംചോദ്യം ചെയ്യുകയും അതിൻ്റെ പേരിൽ അഭിപ്രായവ്യത്യാസമുണ്ടായ താലൂക്ക് യൂണിയൻ ഭരണസമിതി അംഗങ്ങൾ രാജിവെച്ച് ഭൂരിപക്ഷം നഷ്ടപ്പെട്ട് പ്രസിഡന്റ് സ്ഥാനവും കാലാവധി കഴിഞ്ഞ ബോർഡ് മെമ്പർ സ്ഥാനവും നഷ്ടപ്പെട്ട കലിപ്പാണ് ഗണേഷ് കുമാറിന്റെ വാക്കുകളിലുള്ളത് . അവസരം ലഭിക്കു മ്പോൾ സ്തുതിപാഠകനായും ലഭിച്ചത് നഷ്ടമാവുമ്പോൾ പുലമ്പുന്നതും നല്ല നായർ ക്ക് ഭൂഷണമല്ല.
വൈഷമ്യമേറിയ പല സന്ദർഭങ്ങളിലും താങ്ങും തണലുമായിനിന്ന, പലതവണ തന്റെ പിത്യതുല്യനെന്ന് വിശേഷിപ്പിച്ചയാളായ എൻഎസ്എസിൻ്റെ ആരാധ്യനായ ജനറൽ സെക്രട്ടറിയെ നല്ലതല്ലാത്ത ഭാഷയിൽ പ്രകോപിപ്പിച്ചാൽ ചിത്രം മാറി ചരിത്രമാകും എന്ന് ഓർമിപ്പിക്കുന്നു.
താലൂക്ക് യൂണിയൻ പ്രസിഡന്റും ഡയറക്ടർ ബോർഡ് മെമ്പറുമായ വി.ആർ. കെ.ബാബുവിന്റെ അധ്യക്ഷതയിൽ കൂടിയ അടിയന്തര ഭരണ സമിതി – പഞ്ചായത്ത് സമിതി-എൻഎസ്എസ് പ്രതിനിധിസഭ അംഗങ്ങൾ എന്നിവരുടെ സംയുക്ത യോഗ ത്തിൽ യൂണിയൻ സെക്രട്ടറി എം. അനിൽകുമാർ പ്രമേയം അവതരിപ്പിച്ചു.
