ഹാമിൽട്ടൺ: ന്യൂസിലൻഡിനെതിരായ മൂന്നാം ഏകദിനത്തിൽ ടോസ് നേടിയ ഇന്ത്യ ഫീൽഡിംഗ് തെരഞ്ഞെടുത്തു. കനത്ത മഴയെ തുടർന്ന് മത്സരം നിശ്ചിത സമയത്തേക്കാൾ രണ്ട് മണിക്കൂർ വൈകിയാണ് ആരംഭിക്കുന്നത്. ഇതോടെ മത്സരം 40 ഓവറാക്കി ചുരുക്കിയിട്ടുണ്ട്. ആദ്യ എട്ട് ഓവറുകളായിരിക്കും പവർപ്ലേ.
അഞ്ച് മത്സരങ്ങളടങ്ങിയ പരമ്പരയിലെ ആദ്യ രണ്ട് മത്സരങ്ങളും വിജയിച്ച ഇന്ത്യ നിലവിൽ 2-0ന് മുന്നിലാണ്. മൂന്നാം മത്സരത്തിലും വിജയം ആവർത്തിച്ച് ടി20 പരമ്പരയ്ക്ക് പിന്നാലെ ഏകദിന പരമ്പരയും സ്വന്തമാക്കാനാണ് ഇന്ത്യയുടെ ലക്ഷ്യം. മറുവശത്ത് ടി20 പരമ്പരയിലെ തോൽവിയുടെ നിരാശ മറികടക്കുന്നതിനൊപ്പം ഏകദിന പരമ്പരയിൽ തിരിച്ചുവരവിനുള്ള പ്രതീക്ഷ നിലനിർത്താനാണ് ന്യൂസിലൻഡ് ഇറങ്ങുന്നത്.
രണ്ടാം ഏകദിനത്തിൽ കളിച്ച ടീമിൽ ഇന്ത്യ മാറ്റങ്ങളൊന്നും വരുത്തിയിട്ടില്ല. എന്നാൽ ന്യൂസിലൻഡ് ടീമിൽ ഒരു മാറ്റമുണ്ട്. സ്റ്റീവ് ടിക്നറിന് പകരം മാത്യു ഫിഷറാണ് പ്ലേയിംഗ് ഇലവനിൽ ഇടംപിടിച്ചത്. ടോസിന് പിന്നാലെ വീണ്ടും ചാറ്റൽമഴ എത്തിയതോടെ മത്സരം കൃത്യസമയത്ത് ആരംഭിക്കുമോ എന്ന കാര്യത്തിൽ അനിശ്ചിതത്വം നിലനിൽക്കുന്നുണ്ട്.
സിലൻഡ് പ്ലേയിംഗ് ഇലവൻ: വിൽ യംഗ്, ടിം സൈഫർട്ട്, ഹെൻറി നിക്കോൾസ്, ഡാരിൽ മിച്ചൽ, ടോം ലാഥം (വിക്കറ്റ് കീപ്പർ), ഗ്ലെൻ ഫിലിപ്സ്, മിച്ചൽ സാന്‍റനർ (ക്യാപ്റ്റൻ), നഥാൻ സ്മിത്ത്, കൈൽ ജാമിസൺ, ജേക്കബ് ഡഫി, മാത്യു ഫിഷർ.
ഇന്ത്യ പ്ലേയിംഗ് ഇലവൻ: രോഹിത് ശർമ്മ, ശുഭ്മൻ ഗിൽ (ക്യാപ്റ്റൻ), വിരാട് കോഹ്‌ലി, ശ്രേയസ് അയ്യർ, അക്സർ പട്ടേൽ, കെ. എൽ. രാഹുൽ (വിക്കറ്റ് കീപ്പർ), നമൻ ധീർ, അൻഷുൽ കംബോജ്, ആഖിബ് നബി, ഗുർനൂർ ബ്രാർ, അർഷ്ദീപ് സിംഗ്.
