മൈനാഗപ്പള്ളി: പതിനൊന്നാമത് മണ്ണൂർക്കാവ് കഥകളി ഫെസ്റ്റിവലിന് ഇന്ന് ധനാശി പാടും.
രാവിലെ 10 ന് നളചരിതം-ആട്ടക്കഥകളിലെ വേറിട്ട മുഖം എന്ന വിഷയത്തിൽ സെമിനാർ ഡോ.സി. ഉണ്ണികൃഷ്ണൻ ഉത്ഘാടനം ചെയ്യും. അജി ശ്രീക്കുട്ടൻ അധ്യക്ഷത വഹിക്കും. ഡോ.ഏവൂർ മോഹൻദാസ് വിഷയാവതരണം നടത്തും.3 ന് ആചാര്യസ്മൃതി ചന്ദ്രമന നാരായണൻ നമ്പൂതിരി അവതരിപ്പിക്കും.4 ന് സമാപനസമ്മേളനംസാംസ്കാരിക വകുപ്പ് മന്ത്രി പി.സി.വിഷ്ണുനാഥ് ഉത്ഘാടനം ചെയ്യും.
മണ്ണൂർക്കാവ് വനദുർഗ്ഗാ പുരസ്കാരം കലാമണ്ഡലം വിനോദിന് സമർപ്പിക്കും. പഞ്ചായത്ത് പ്രസിഡന്റ് രജനി സുനിൽ മുഖ്യപ്രസംഗം നടത്തും.
6 ന് മണ്ണൂർക്കാവ് കഥകളി പഠനകേന്ദ്രത്തിലെ വേഷം വിഭാഗത്തിലെ 10വിദ്യാർത്ഥികളുടെ അരങ്ങേറ്റം നടക്കും.7 ന് കുചേലവൃത്തം കഥകളിയോടെ ദശദിന കഥകളി ഫെസ്റ്റിവേലിന് തിരശ്ശില വീഴും.
