ശാസ്താംകോട്ട: പഞ്ചായത്തിലെ പണാപഹരണത്തിനെതിരെസമരംചെയ്ത കോൺഗ്രസ്സ് പഞ്ചായത്ത് അംഗങ്ങൾ പ്രശസ്തിക്ക് വേണ്ടി പേര് നെറ്റിയിൽ ഒട്ടിച്ച് ചെണ്ടയും കൊണ്ടി നടക്കുന്നവരാണെന്ന പഞ്ചായത്ത് പ്രസിഡന്റിന്റെ അധിക്ഷേപത്തിൽ പ്രതിഷേധിച്ച് കോൺഗ്രസ്സ് പഞ്ചായത്ത് അംഗങ്ങൾ കറുത്ത വസ്ത്രം ധരിച്ച് നെറ്റിയിൽ പെരെഴുതി ഒട്ടിച്ച് ചെണ്ടയും കൊട്ടിയാണ് പഞ്ചായത്ത് കമ്മിറ്റിയിൽ പങ്കെടുത്തത്.തുടര്ന്ന് പഞ്ചായത്ത് പ്രസിഡന്റ് സെഡ് ആന്റണി തുണ്ടിൽ നൗഷാദ്, പി.നൂർ ദ്ദീൻകുട്ടി, അനിൽ പനപ്പെട്ടി,റിയാസ് പറമ്പിൽ എന്നിവരെ സസ്പെന്റ് ചെയ്തു.
പണാപഹരണത്തിൽ പങ്കുള്ളപഞ്ചായത്ത് പ്രസിഡന്റൻമാരെയും ഉദ്യോഗസ്ഥരെയും നിയമത്തിന് മുന്നിൽ കൊണ്ട് വരണമെന്ന് ആവശ്യപെട്ടവരെ സസ്പെന്റ് ചെയ്തതിൽ പ്രതിഷേധിച്ച് സസ്പെന്റ് ചെയ്യപ്പെട്ട അംഗങ്ങൾക്കൊപ്പം മറ്റ് അംഗങ്ങളായ ബിനോയ് കരിന്തോട്ടുവ , വിനോദ് മുതുപിലാക്കാട്, ബിജു ലൂക്കോസ്, തസ്നി, നഫീസത്ത് ബീവി എന്നിവർ കമ്മിറ്റി ബഹിഷ്ക്കരിച്ച് പ്രതിഷേധ പ്രകടനമായി ശാസ്താംകോട്ട ജംഗ്ഷനിൽ എത്തി ധർണ്ണ നടത്തി. ധർണ്ണ കോൺഗ്രസ്സ് ബ്ലോക്ക് പ്രസിഡന്റ് വൈ. ഷാജഹാൻ ഉദ്ഘാടനം ചെയ്തു.
അഴിമതിക്കെതിരെ സമരം ചെയ്ത പഞ്ചായത്ത് അംഗങ്ങളെ സസ്പെന്റ് ചെയ്താൽ പ്രതിഷേധം ഇല്ലാതാക്കാമെന്ന പ്രസിഡന്റ് മോഹം വെറും വ്യാമോഹം മാത്രമാണന്നും ഇതിനെ രാഷ്ട്രീയമായും നിയമപരമായും നേരിടുമെന്ന് ബ്ലോക്ക് പ്രസിഡന്റ് വൈ. ഷാജഹാൻ മുന്നറിയിപ്പ് നൽകി. ശാസ്താംകോട്ട പടിഞ്ഞാറ് മണ്ഡലം പ്രസിഡന്റ് എം.വൈ. നിസാർ അദ്ധ്യക്ഷത വഹിച്ചു. കിഴക്ക് മണ്ഡലം പ്രസിഡന്റ് ഗോപൻ പെരുവേലിക്കര, ആർ. അരവിന്ദാക്ഷൻപിള്ള അബ്ദുൽ സലാം പോരുവഴി , റഷീദ് ശാസ്താംകോട്ട, കൊട്ടക്കാട് അയകുമാർ , ജയകുമാർ പള്ളിയാടിയിൽ,റഷീദ് പള്ളിശ്ശേരിക്കൽ,ജയശ്രീ രമണൻ ,എസ്. ബീനാകുമാരി , ഷിയാസ് സുലൈമാൻ ,ഷാജി പനപ്പെട്ടി, ശാസ്താംകോട്ട ഷാജഹാൻ, ബബുജാൻ, വി.എൻ.സദാശിവൻ പിള്ള , അജിത്കുമാർ , ജോൺ പോൾ,ജിതിൻതുടങ്ങിയവർ പ്രസംഗിച്ചു
