ഡോ. വി. മീനാക്ഷിയെ ആരോഗ്യവകുപ്പ് ഡയറക്ടർ ആയി നിയമിച്ചു

lതിരുവനന്തപുരം.ആരോഗ്യ വകുപ്പിന് സ്ഥിരം ഡയറക്ടർ ആയി. ഡോ. വി. മീനാക്ഷിയെ ആരോഗ്യവകുപ്പ് ഡയറക്ടർ ആയി നിയമിച്ചു. വിവാദങ്ങൾക്കൊടുവിൽ നാല് മാസത്തിനു ശേഷമാണ് സ്ഥിരം DHS ചുമതലയേൽക്കുന്നത്. ജൂൺ 12 നാണ് മുൻ ആരോഗ്യവകുപ്പ് ഡയറക്ടർ ഡോ. കെ ജെ റീനയെ സ്ഥാനത്തുനിന്ന് മാറ്റിക്കൊണ്ടുള്ള ഉത്തരവിറങ്ങിയത്.

ജൂൺ 13ന് വി മീനാക്ഷി താൽക്കാലിക ചുമതലയേറ്റു ഡോക്ടർ റീനയുടെ സ്ഥലംമാറ്റ നടപടി സ്റ്റേ ചെയ്തു കൊണ്ട് അഡ്മിനിസ്ട്രേറ്റീവ് ട്രിബ്യൂണൽ ഉത്തരവിറക്കിയെങ്കിലും ഹൈക്കോടതി സ്ഥലംമാറ്റം ശരി വയ്ക്കുകയായിരുന്നു. അതേസമയം സീനിയോറിറ്റി മറികടന്നാണ് നിയമനമെന്ന ആക്ഷേപം നിലനിൽക്കുന്നുണ്ട്