ആലപ്പുഴ. പണയ സ്വർണം മറിച്ചു വിറ്റ് കോടികൾ തട്ടിയെന്ന കേസിൽ പ്രതിയായ യുവമോർച്ച നേതാവ് കീഴടങ്ങി. യുവമോർച്ച ആലപ്പുഴ ജില്ല ജനറൽ സെക്രട്ടറി രാഹുൽ രാധാകൃഷ്ണനാണ് കീഴടങ്ങിയത്. കുറത്തികാട് പൊലീസ് സ്‌റ്റേഷനിലാണ് ഇയാൾ കീഴടങ്ങിയത്. സ്ഥാപന ഉടമ രാധാകൃഷപിള്ള, മനേജർ ടിനു തമ്പാൻ എന്നിവർ നേരത്തെ അറസ്റ്റിലായിരുന്നു. വായ്പ തട്ടിപ്പിലൂടെ പ്രതികൾ 200 പവനിലേറെ സ്വർണം കവർന്നതായാണ് പരാതി.
ശ്രീലകം ഫിനാൻസ് എന്ന സ്ഥാപനം കേന്ദ്രീകരിച്ച് ആയിരുന്നു രാധാകൃഷ്ണപിള്ള,മാനേജർ ടിനു തമ്പാൻ,രാഹുൽ രാധാകൃഷ്ണൻ എന്നിവർ ചേർന്ന വൻ തട്ടിപ്പ് നൂറു പവൻ സ്വർണാഭരണങ്ങൾ മറിച്ചുവിറ്റു എന്നാണ് പ്രാഥമിക നിഗമനം
മാവേലിക്കര ചുനക്കര കറ്റാനം ഭരണിക്കാവ് തുടങ്ങിയ സ്ഥലങ്ങളിലുള്ള ശ്രീലകം ഫിനാൻസിന്റെ സ്വർണപ്പണയ ഓഫീസുകൾ കേന്ദ്രീകരിച്ച് ആയിരുന്നു വൻ തട്ടിപ്പ് അരങ്ങേറിയത്.ശ്രീലകം ഫിനാൻസിൽ സ്വർണ്ണം പണയം വെച്ചവരുടെ പണയ ഉരുപ്പടികൾ ഉടമകൾ അറിയാതെ യുവമോർച്ച നേതാവ് രാഹുൽ രാധാകൃഷ്ണൻ, സ്ഥാപന ഉടമ രാധാകൃഷ്ണപിള്ള,സ്ഥാപനത്തിലെ മാനേജർ ടിനു തമ്പാൻ എന്നിവർ ചേർന്ന് ആണ് തിരുമറി നടത്തിയത്.ഏകദേശം നൂറു പവൻ സ്വർണമാണ് പ്രതികൾ ഉടമകൾ അറിയാതെ പുറത്ത് മറിച്ച് വിറ്റത്:സ്വർണം എടുക്കാൻ എത്തിയ ആളുകളോട് ഒഴിവു കഴിവുകൾ പറഞ്ഞാണ് പ്രതികൾ ആദ്യം രക്ഷപ്പെട്ടത്.പിന്നീട് സ്വർണം നഷ്ടപ്പെട്ടു എന്ന ഉടമകൾ മനസ്സിലാക്കിയതോടെ മൂന്നു പ്രതികളും ഒളിവിൽ പോവുകയായിരുന്നു . ശ്രീലകം ഫിനാൻസ് ഉടമ രാധാകൃഷ്ണപിള്ളയെയും, തട്ടിപ്പിൽ മുഖ്യ പങ്ക് വഹിച്ച ടിനു തമ്പാനയെയും പോലീസ് നേരത്തെ അറസ്റ്റ് ചെയ്തിരുന്നു.കേസിലെ മുഖ്യസൂത്രധാരകനായ യുവമോർച്ച ആലപ്പുഴ ജില്ലാ ജനറൽ സെക്രട്ടറി രാഹുൽ രാധാകൃഷ്ണൻ വിവിധ ഭാഗങ്ങളിൽ ഒളിവിൽ കഴിഞ്ഞു വരികയായിരുന്നു.ഇയാളെ പിടികൂടാതിരിക്കാൻ പോലീസ് ഒളിച്ചു കളിക്കുന്നു എന്നും ആക്ഷേപമുയർന്നിരുന്നു.ഇതിനിടെയാണ് പ്രതി ഇന്ന് രാവിലെ സ്റ്റേഷനിൽ കീഴടങ്ങിയത്. മൂന്നു പ്രതികളും ചേർന്ന് കോടി രൂപയിലേറെ തട്ടിപ്പ് നടത്തിയത് ആയിട്ടാണ് പ്രാഥമിക നിഗമനം.
