കണ്ണൂര്‍.പിണറായി വിജയനെതിരെ തുറന്നടിച്ച് മുൻ ഡിവൈഎഫ്ഐ നേതാവ് മനു തോമസ്…
പിണറായിയെ തിരുത്താൻ സംസ്ഥാന സെക്രട്ടേറിയറ്റിന് കഴിയുന്നില്ല…
ഇഡി അന്വേഷണത്തെ നേരിടാൻ പിണറായി പാർട്ടിയെ ഉപയോഗിക്കുകയാണ്. വിശാല സംസ്ഥാന കമ്മറ്റി എന്ന ഒരു കമ്മറ്റിയില്ലെന്നും പുതിയ രീതികളും കീഴ് വഴക്കവും ഉണ്ടാക്കാൻ ശ്രമിക്കുകയാണെന്നും മനു തോമസ് പറഞ്ഞു.
ഇഡി അന്വേഷണം മുതൽ പാർട്ടിയിലെ തിരുത്തൽ നടപടികൾ വരെ വീണ്ടും ചർച്ചയാക്കുകയാണ് മനു തോമസിന്റെ ആരോപണങ്ങൾ. പാർട്ടിയിലെ തിരുത്തൽ നടപടികൾ സഖാക്കളുടെ കണ്ണിൽ പൊടിയിടാനാണ്… പിണറായിയുടെയും എം.വി. ഗോവിന്ദന്റെയും ഈഗോയാണ് പാർട്ടിയെ തകർക്കുന്നതെന്നും മനു തോമസ്.
ടി.പി. വധത്തിന് പിന്നിലും നേതാക്കളുടെ ഈഗോയെന്ന് ആരോപണം…
എന്തിനാണ് കൊന്നതെന്ന കെ.കെ. രമയുടെ ചോദ്യത്തിന് പാർട്ടി മറുപടി പറയണം
പൊല്യൂഷൻ കൺട്രോൾ ബോർഡ് നേരത്തെ ആരോഗ്യവകുപ്പ് മന്ത്രിയുടെ കീഴിലായിരുന്നു… 2016ൽ എന്തിനാണ് പിണറായി വിജയൻ അത് ഏറ്റെടുത്തത്? കേന്ദ്ര കമ്മിറ്റിയും സംസ്ഥാന കമ്മിറ്റിയും അറിയാതെയാണോ മാറ്റമുണ്ടായതെന്നും മനു തോമസ് ചോദിക്കുന്നു.
ബന്ധുനിയമന വിവാദത്തിൽ ഇ.പി. ജയരാജനോട് മാറാൻ ആവശ്യപ്പെട്ടതാണ് പാർട്ടി. പിണറായി വിജയന്റെ ബന്ധുവിനെ പൊല്യൂഷൻ കൺട്രോൾ ബോർഡിൽ സ്റ്റാൻഡിങ് കൗൺസലായി നിയമിച്ചപ്പോൾ പാർട്ടിയുടെ അനുമതി തേടിയിരുന്നോ എന്നുമാണ് മനു തോമസ് ഉന്നയിക്കുന്ന ചോദ്യം. പിണറായിയും എം വി ഗോവിന്ദനും ഏറ്റു പറച്ചിൽ നടത്തണമെന്നും ഇഡി അന്വേഷണത്തെ പ്രതിരോധിക്കേണ്ടത് തെളിവ് നിരത്തിയാണന്നും മനു തോമസ് പറഞ്ഞു.
