മലപ്പുറം.കുപ്രസിദ്ധ ഗുണ്ടാത്തലവനെ മലപ്പുറത്ത് കാപ ചുമത്തി അറസ്റ്റ് ചെയ്തു.
നിരവധി ക്രിമിനൽ കേസുകളിൽ പ്രതിയായ എടവണ്ണ മുണ്ടേങ്ങര സ്വദേശി കൊളപ്പാടൻ നിസാമിനെയാണ് എടവണ്ണ പൊലീസ് അറസ്റ്റ് ചെയ്തത്.
മുൻ വൈരാഗ്യത്തെ തുടർന്ന് യുവാവിനെ സംഘം ചേർന്ന് ഇരുമ്പ് പൈപ്പ് കൊണ്ടും മറ്റും ആക്രമിച്ച് ഗുരുതരമായ പരിക്കേൽപ്പിച്ച സംഭവത്തിൽ ജയിലിൽ ആയിരുന്ന നിസാം രണ്ടുദിവസം മുമ്പാണ് ജാമ്യത്തിൽ ഇറങ്ങിയത്.
വണ്ടൂർ സ്വദേശിയായ പ്രവാസി വ്യവസായിയെ തോക്ക് ചൂണ്ടി തട്ടിക്കൊണ്ടുപോയ കേസിലും, എടവണ്ണ ചെമ്പക്കുത്ത് സ്വദേശി റിദാൻ ബാസിലിനെ വെടിവെച്ചു കൊന്ന കേസിലും പ്രതിയായ നിസാം സ്വർണ്ണം, കുഴൽപ്പണം തട്ടിക്കൽ, വധശ്രമം, തട്ടിക്കൊണ്ടുപോകൽ, സംഘം ചേർന്നുള്ള ആക്രമണം, മണൽ കടത്ത് തുടങ്ങി ഇരുപതോളം കേസുകളിൽ പ്രതിയാണ്.
